ЖАМБЫЛ ОБЛЫСЫНЫҢ БИОАЛУАНТҮРЛІЛІГІН САҚТАУ ТӘСІЛІ - ӨСІМДІКТЕРДІҢ ТІРШІЛІК ФОРМАЛАРЫН ЗЕРТТЕУ
2021 жылдың 08 қарашасында «Қолданбалы биология» кафедрасының доценті А.М. Байтелиева 7М05111 – «Жалпы биология» мамандығының бірінші курс магистранттарына «Биологиялық білім беру тұжырымдамасы» пәні бойынша «Өсімдіктердің тіршілік формалары және эволюциясы» тақырыбында ашық сабақ өткізді.
Практикалық сабақтың мақсаты: Жамбыл облысының флорасы өкілдерінің үлгісінде өсімдіктердің тіршілік формалары мен эволюциясын зерттеу.
Ашық практикалық сабақ жұмыс оқу бағдарламасының жоспарына сәйкес өткізілді. Семинарға кафедра меңгерушісі Зияева Г.К., кафедра оқытушылары Баубекова А.К., Голикова К.Н. қатысты.
ҒАЛЫМДАРМЕН КЕЗДЕСУ
2021 жылдың 5-ші қарашасы күні М. Х. Дулати атындағы Тараз өңірлік университеті Технологиялық факультетінің «Химия және химиялық технология» кафедрасындағы Т. М. Мұхаметқалиев атындағы физика-химиялық зерттеу орталығында АҚШ-тан келген ғалым, PhD доктор, профессор-зерттеуші, Роберта Догерти атындағы азық-түлікке арналған су институтына қарасты Небраска су орталығының профессоры және табиғи ресурстар мектебінің директоры Дэниел Сноу, Назарбаев университетінің доценті, PhD доктор, профессор – зерттеуші Джанай Сагинмен кездесу өтті.
ПРАКТИКАЛЫҚ САБАҚТАР МАГИСТРАНТТАРДЫҢ ҒЫЛЫМИ ҚАБІЛЕТТЕРІН ДАМЫТАДЫ
Технологиялық факультеттің "Қолданбалы биология" кафедрасында "Ғылыми-әдістемелік жұмыстарды ұйымдастыру және жоспарлау" пәні бойынша "Жалпы биология" мамандығының 1 курс магистранттарында ашық практикалық сабақ өткізілді.
PhD доктор, "Қолданбалы биология" кафедрасының доцент м.а. Момбаева Бекзат Кунсалиевна 2021 жылдың 2 қарашасында "ҒЗЖ ұйымдастыру. Ғылыми бағыт, ғылыми тақырып, ғылыми мәселелер" тақырыбында ашық практикалық сабақ өткізілді.
Аудиториялық практикалық сабақтар магистранттың ғылыми жетекшімен бірлесе отырып ғылыми-зерттеу жұмыстарын шешуде теориялық білімдерін шыңдауда, дамытуда маңызды рөл атқарады. Егер дәріс кезінде білім алушы ғылыми білімнің негізін жалпылама түрде алса, практикалық сабақтар осы білімді тереңдетуге, кеңейтуге және кәсіби қызмет дағдыларын дамытуға ықпал етеді. Практикалық сабақтар магистранттардың ғылыми ойын дамытады.
ЖАМБЫЛ ОБЛЫСЫНДАҒЫ БИОӘРТҮРЛІЛІКТІ САҚТАУ ЖОЛЫ – ЕРЕКШЕ ҚОРҒАЛАТЫН ТАБИҒИ АЙМАҚТАР
02.11.2021 жылы «Қолданбалы биология» кафедрасының доценті Байтелиева Анар Муратовна 7М05112 – «Жалпы биология» мамандығының 2 курс магистранттарына «Сохранение биоразнообразия» пәні бойынша «Жамбыл облысының ерекше қорғалатын табиғи аймақтары» тақырыбы бойынша ақпараттық технологияларды қолдану арқылы ашық сабақ өткізді (1-сурет).
Сабаққа кафедра меңгерушісі б.ғ.к., доцент Зияева Г.К., аға оқытушы, магистр Куандыкова Г.Т., биология ғылымдарының магистрі Голикова К.Н. қатысты.
Семинар мақсаты: Жамбыл облысының ерекше қорғалатын табиғи аймақтарының орналасуын, флорасы мен фаунасын зерттеу.
Ашық семинар сабақ оқу жұмыс жоспарына сәйкес өткізілді.
СТУДЕНТТЕРДІҢ ҒЫЛЫМИ-ПРАКТИКАЛЫҚ КОНФЕРЕНЦИЯСЫ «ҚОЛДАНБАЛЫ БИОЛОГИЯ» СЕКЦИЯСЫ
25.10.2021-29.10.2021ж. аралығында өткен студенттік ғылыми-практикалық конференцияда 23 студенттердің баяндамалары тыңдалды, оның ішінде ғылыми-практикалық конференцияның университетаралық кезеңіне 17 студенттің баяндамалары келесі секция бойынша ұсынылады:
КӘСІБИ-БАҒДАР БЕРУ ЖҰМЫСЫ
Кәсіби бағдар беру жұмысы бүгінгі таңда ең көп талқыланатын тақырып және жиі көтерілетін өзекті сұрақтардың қатарында. Сол себепті қазіргі таңда түлектерге кәсіби бағдар беру жұмысын жүргізіп, кеңес айту үлкен маңызға ие.
М.Х. Дулати атындағы Тараз өңірлік университеті облыс және қала мектептерінің бітіруші түлектерімен үнемі байланыс жасауда.
2021 жылдың 29 қазан айында Тараз қаласы Ш. Смаханұлы атындағы № 44 орта мектеп және С.Қ. Нұрмағамбетов атындағы № 10 орта мектебінде кәсіби бағдар жұмыстары жүргізілді. Технологиялық факультеттің «Тамақ өндірісі және биотехнология» кафедрасының кәсіби бағдар беру және жұмысқа орналасу жұмыстары бойынша жауапты аға оқытушы М.Ш. Гаражаев «Тамақ өндірісі және биотехнология» кафедрасының меңгерушісі Кенжеходжаев М.Д. және доцент м.а. Садыбаев А.К., № 44 орта мектебінің бейінді оқыту ісі жөніндегі орынбасары Ерғали Айман Ерғалиқызы, № 10 орта мектебінің оқу-тәрбие ісі жөніндегі орынбасары Кенжетаева Гульжайна Турлыбековнаның қатысуымен 10-11 сынып түлектерімен кездесу жүргізді.
АШЫҚ САБАҚ ОҚЫТУШЫНЫҢ КӘСІБИ ҚЫЗМЕТІНІҢ НЫСАНЫ РЕТІНДЕ
«Қолданбалы биология» кафедрасының магистрі Голикова К.Н. «Микроорганизмдер физиологиясы және оларды зерттеу әдістері» тақырыбында ашық зертханалық сабақ өткізді.
Ашық сабақ - бұл педагогикалық тәжірибе мен біліктілікті арттырудың, мамандарды барабар сараптамалық бағалау мен аттестаттаудың, педагогикалық процестің сапасын арттырудың және студенттердің толыққанды білім алуына кепілдік беретін тамаша алмасу. Ашық сабақ-бұл мұғалімнің кәсіби қызметінің бір түрі.
ЗЕРТХАНАЛЫҚ САБАҚ - БІЛІМДІ ҰРПАҚ
Технология факультетінің «Қолданбалы биология» кафедрасында «Зәр шығару жүйесінің анатомиясы және морфологиясы» атты ашық зертханалық сабақ өтті
«Қолданбалы биология» кафедрасының аға оқытушысы, магистр Жақсыбаева Сәуле Достайқызы 14 қазан айында 2021жылы «Зәр шығару жүйесінің анатомиясы және морфологиясы» атты тақырыбында ашық зертханалық сабақ өтті.
Сабақтың мақсаты: Зәр шығару жүйесіндегі мүшелердің топографиясын, қойдың бүйрегін қолдана отырып сыртқы және ішкі анатомиялық құрылысын зерттеп, электронды микроскоп арқылы (әр бағыттағы кескінге салып танысу) бүйректің ұлпаларын көру.
КЕЗЕКТІ ҒЫЛЫМИ-ӘДІСТЕМЕЛІК СЕМИНАР
2021 жылдың 21 қазанында М. Х. Дулати атындағы Тараз өңірлік университеті технологиялық факультеті «Химия және химиялық технология» кафедрасында кезекті оқу-әдістемелік жұмыстарды жетілдіру бойынша ғылыми-әдістемелік семинар өткізілді.
Ғылыми - әдістемелік семинарға кафедраның профессор-оқытушылар құрамы, магистранттар және докторанттар қатысты.
Семинарда т.ғ.к., доцент м.а. Сейтбекова Гүлназия Аташбековна «Пандемия жағдайында ЖОО білім беру жүйесіндегі цифрлық сауаттылық мәселелері» тақырыбында баяндама жасады.
АДАМИ РЕСУРСТАРДЫҢ ДАМУЫ - ЕЛ БОЛАШАҒЫН ОЙЛАУ
Елімізде адам ресурстарын басқару мәселесінің маңыздылығын дәлелдеу және оны ары қарай жетілдіруді, дамыту жолдарын іздестіру және еңбек нарығын дамыту бойынша нақты ұсыныстар жасау мақсатында «Адами ресурстардың дамуы-Ел болашағын ойлау» тақырыбында 21.09.2021ж. Технологиялық факультетінің «Тамақ өндірісі және биотехнология» кафедрасында факультет деңгейінде В18-БТЕ-1тобының 4 курс студенттерімен дөңгелек стол өткізілді.
Студенттер адам ресурстарын басқару- бұл белгілі бір саясат, кәсіпорындағы адам потенциалының өсуіне бағытталған, стратегиялық мақсаттарға жету үшін іскерлікті жүргізу және ұйымдастыру, кәсіпорынның жалпы стратегиясына қызметкерлерді басқаруды енгізгенде жоғарғы экономикалық жетістіктерге жету, деп ұғатындары жөнінде ой білдірді.
ҒЫЛЫМИ-ӘДІСТЕМЕЛІК СЕМИНАР
2021 жылдың 23 қыркүйегінде М. Х. Дулати атындағы Тараз өңірлік университеті технологиялық факультеті «Химия және химиялық технология» кафедрасында оқу-әдістемелік жұмыстарды жетілдіру бойынша ғылыми-әдістемелік семинар өтті.
Семинар жұмысына кафедраның барлық профессор-оқытушылар құрамы, магистранттар және докторанттар қатысты.
КӘМЕЛЕТКЕ ТОЛМАҒАН СТУДЕНТТЕРДІҢ ҚҰҚЫҚ БҰЗУШЫЛЫҒЫНЫҢ АЛДЫН АЛУ
2021 жылдың 11 қыркүйегі күні «Химия және химиялық технология» кафедрасының 6В05314 Химия білім беру бағдарламасы 1 курс кураторларының ұйымдастыруымен ZOOM платформасында «Кәмелетке толмаған студенттердің құқық бұзушылығының алдын алу» тақырыбында кездесу өткізілді.
АЙБАРЫ АСҚАҚ АТА ЗАҢ
2021 жылдың 1-ші қыркүйегінде Конституция күніне және Білім күніне арналған «Айбары асқақ Ата заң» тақырыбында онлайн форматта мерекелік іс-шара өткізілді. Іс-шараны ұйымдастырушылар – М. Х. Дулати атындағы Тараз өңірлік университеті технологиялық факультеті «Химия және химиялық технология» кафедрасының 6В05314-Химия білім беру бағдарламасының 2 курс студенттері және топ кураторы химия магистрі Мамешова Саят Әлішеріқызы. Мерекелік бас қосуға «Химия және химиялық технология» кафедрасының меңгерушісі х.ғ.к., профессор Масалимова Бақытгүл Қабыкенқызы, профессор-оқытушылар құрамы, топ кураторлары мен студенттер қатысты.
4 КУРС СТУДЕНТІ САТЫБАЛДЫ АЯНА «ТМД-НЫҢ ҮЗДІК СТУДЕНТІ-2021» ДЕП ТАНЫЛДЫ
Жас ғалымдардың үздік инновациялық жобаларын анықтау, ғылыми-зерттеу жұмысында, шығармашылықта, студенттік өзін-өзі басқаруда, спортта белсенді қатысқан студенттерді анықтау және ынталандыру және ғылым мен білімді дамыту үшін ортақ біріктіруші алаң құруды мақсат еткен жоба аясында М.Х.Дулати атындағы Тараз өңірлік университетінің 5В072800-Өңдеу өндірісінің технологиясы мамандығының 4 курс студенті Сатыбалды Аяна «ТМД-ның үздік студенті-2021» деп танылды.
Байқау биылғы білім мен біліктілік бәсекесі әлем жұртшылығын әбігерге салған жұқпалы дерттен қорғанудың сақтық шараларына сәйкес қашықтан жүргізіліп, нәтижесінде 700 студенттің ішінен таңдаулы жүз үздіктің бірі болды.
«ЭТАНДЫ ЭТИЛЕНГЕ ТОТЫҚТЫРА ДЕГИДРЛЕУГЕ АРНАЛҒАН МОЛИБДЕНҚҰРАМДЫ КАТАЛИЗАТОРЛАРДЫ ЖАСАУ» ТАҚЫРЫБЫНДАҒЫ ДОКТОРЛЫҚ ДИССЕРТАЦИЯ ТЫҢДАЛДЫ
Бүгін, 8 маусым 2021 жылы «Химия және химиялық технология» кафедрасының кеңейтілген отырысы өтті. Аталған отырыста 6D060600-«Химия» мамандығының докторанты Шораева Камшат Абитханқызының «Этанды этиленге тотықтыра дегидрлеуге арналған молибденқұрамды катализаторларды жасау» тақырыбындағы PhD ғылыми дәрежесін алу үшін дайындалған докторлық диссертациясы тыңдалды. Ғылыми кеңесші: химия ғылымдарының кандидаты, профессор Масалимова Бакытгуль Кабыкеновна,шетелдік ғылыми кеңесші: химия ғылымдарының докторы, профессор Садыков Владислав Александрович.
БОЛАШАҚ - БІЛІМДІ ЖАСТАР ҚОЛЫНДА!
2021 жылдың 4 маусым күні Дулати университеті, технологиялық факультетінің «Химия және химиялық технология» кафедрасының оқытушысы Г.Б.Мадимарова Жамбыл облысы әкімдігінің ішкі саясат басқармасы «Қоғамдық келісім» коммуналдық мемлекеттік мекемесінің ұйымдастыруымен «Н.Назарбаевтың қазақстандық бейбітшілік пен келісім моделін ілгерілету бойынша жас ғалымдар арасындағы байқауда» өз ғылыми жобасын қорғап, арнайы алғыс хатпен марапатталды.
БІЛІМДІ ҰРПАҚ - БОЛАШАҚТЫҢ КЕПІЛІ!
Дулати университеті, технологиялық факультеті, «Химия және химиялық технология» кафедрасының жас зерттеушілері әрдайым ізденіс үстінде, білімге құштар жандар. Бұған дәлел, жақында еліміздің қара шаңырағы атанған Әл-Фараби атындағы Қазақ ұлттық университетінде өткен «Химия» (бакалавриат) бағытындағы студенттердің ғылыми-зерттеу жұмыстары бойынша республикалық конкурсында, кафедраның 4 курс студенті Сапи Аружан Қанатқызы ғылыми жетекшісі, х.ғ.к., ассоцирленген профессор Б.К.Масалимованың жетекшілігімен «С1-СЗ көмiрсутек фракцияларының пайдалы өнiмдерге дейiн трансформациялануына табиғи сазбалшық негiзiндегi катализаторларды синтездеу» тақырыбындағы ғылыми-зерттеу жұмысы үшін ҚР БҒМ 2-дәрежелі дипломымен марапатталды. Білімді ұрпақ - болашақтың кепілі! Ғылым саласына қосқан елеулі үлестері болған жеңістерімен жеңімпазымызды шын жүректен құттықтаймыз!
ОН ЖЫЛ ҚАТАРЫМЕН ОСЫНДАЙ СТУДЕНТЕРІМІЗДІҢ ТАБЫСТАРЫ ДӘСТҮРГЕ АЙНАЛДЫ!
М.Х. Дулати атындағы Тараз өңірлік университетінің технологиялық факультетінің студентері Алматы технологиялық университетінде өткен Республикалық пәндік олимпиадасына біздің студентеріміз жеңімпаз болып атанды.
Подробнее ...
ҚҰТТЫҚТАЙМЫЗ!!!
М.Х. Дулати атындағы Тараз өңірлік университетінің «5В073300- Тоқыма материалдарының технологиясы және жобалануы» мамандығы бойынша Алматы технологиялық университетінде 2021 жылдың сәуір айының 08-09 күндері өткен республикалық онлайн пәндік олимпиадаға 5В073300- «Тоқыма материалдарының технологиясы және жобалануы» мамандығының 3 курс студенттері Үйсін Гауһар Темурқызы, Сейдалы Жансая Мамырқызы, Әзімбек Кәмилә Ибрагимқызықатысты.Жетекшілері «Тоқыма өнеркәсібінің технологиясы және материалтану» кафедрасының доцент м.а., PhD Маханбеталиева Камшат Торгайбаевна.
«SCOPUS БАЗАСЫНЫҢ МЕТРИКАСЫ» ТАҚЫРЫБЫНДА ҒЫЛЫМИ-ӘДІСТЕМЕЛІК СЕМИНАР ӨТТІ
2021 жылдың 9 сәуірінде Дулати университетінің «Химия және химиялық технология» кафедрасының 3 курс докторанты Г.Д.Джетписбаеваның ұйымдастыруымен «Scopus базасының метрикасы» тақырыбында ғылыми-әдістемелік семинар өтті. Семинар қонақтары «Химия және химиялық технология» кафедрасының профессор-оқытушылар құрамы және 1-3 курс докторанттары. Семинар аясында Scopus мазмұны, функционалдығы және құралдары туралы сұрақтар, баспа қызметі, деректерді визуализациялау, рейтинг бойынша журналды таңдау, жаңа ғылыми тенденцияларды қадағалау, әлеуетті серіктестер іздеу, гранттық өтінімдер туралы ақпаратты табу сынды бірқатар маңызды ақпараттар легі қарастырылды. Ғылыми-әдістемелік семинарда жалпыға қол жетімді Scopus базасында индекстелетін журналдар тізімі, Scopus базасының метрикалары жайлы толық ақпараттар келтіріліп, олардың айырмашылықтарын көрсетті. Соның ішінде Impact Factor және Cite Score, SNIP, SJR, percentile, FWCI көрсеткіштерінің ерекшеліктері мен айырмашылықтары атап өтілді.
САЛАУАТТЫ ӨМІР САЛТЫН ҚАЛЫПТАСТЫРУ МАҚСАТЫНДА ЖӘНЕ ЖҰҚПАЛЫ АУРУЛАРДЫҢ АЛДЫН-АЛУ
2021 жылдың 6 сәуірінде М.Х.Дулати атындағы Тараз өңірлік университеті, «Химия және химиялық технология» кафедрасының аға оқытушысы С.М.Кантарбаеваның ұйымдастыруымен Елбасымыздың «Рухани жаңғыру» бағдарламасы аясында «Салауатты өмір салтын қалыптастыру мақсатында және жұқпалы аурулардың алдын-алу мақсатында» дәрігер мамандарының қатысуымен онлайн кездесу өтті.
БІЛІМДЕГІ ЖАҢА БЕЛЕС: ҚОС ДИПЛОМДЫ БІЛІМ БЕРУДЕГІ АЛҒАШ МАГИСТР ТҮЛЕГІМІЗ
М.Х.Дулати атындағы Тараз өңірлік университеті мен Браганса Технологиялық институты (IPB, Португалия) арасындағы қосдипломды білім беру бағдарламасы келісімі аясында «Химия және химиялық технология» кафедрасының магистранты Попов Николайдың «Removal of emerging pollutants from aqueous matrices» тақырыбында магистрлік диссертациясы қорғалғаны баршамызға мәлім. 2021 жылдың 31 наурызы Дулати университетінің ғылыми кеңесінде қос дипломды білім беру бағдарламасы бойынша алғаш түлегіміз - Попов Николай салтанатты түрде дипломын алып, «техника және технологиялар магистрі» дәрежесіне ие болды.
ЖЫР АЛЫБЫ – ЖАМБЫЛ
Ағымдағы жылдың 29 наурызы күні Технологиялық факультетінің «Химия және химиялық технология» кафедрасы 6В05314 – Химия мамандығының 1 курс студенттері мен топ кураторы Мамешова Саят Әлішеріқызының ұйымдастыруымен заманының «ХХ ғасырдың Гомері» атанған, жыр дүлділі, ғасыр ақыны Жамбыл Жабаевтың 175 жылдығына арналған «Жыр алыбы - Жамбыл» тақырыбында факультет деңгейінде, ZOOM платформасында ашық куратор сағаты өткізілді. Іс-шараға тәрбие жұмыстары бойынша декан орынбасары Анарова Ғайни Серікқызы, кафедраның профессор оқытушылар құрамы, 6В05314 – Химия мамандығының 1 курс студенттері мен топ кураторы С.А. Мамешова қатысты. Шара барысында топ студенттері Тоқмахамбет Ақназ бен Нұрқұл Мейірім «Ғасыр ғұмырлы – ғажап ақын» тақырыбында баяндама оқыды. Сонымен қатар топ студенттері Бахтиярқызы Диана, Дәулет Аружан, Саябай Аяжан, Серікбаева Жазира, Бельякова Дарья, Инкарбек Улбала, Красник Владислав, Үшкемпір Аяулым, Хидирбекова Мадина, Қуанышбекова Азиза және Әуесхан Ағарыс қазақ халық поэзиясының әйгілі тұлғасы, өлең сөздің дүлдүлі, жырау, әлеуметтік және жеке өміріндегі сөзінің көбін өлеңмен сөйлеген жыр алыбы Жамбыл Жабаевтың «Отанды сүй», «Халық қазынасы», «Алатау», «Халықтың сәлемі», «Сырттанға», «Атаның әлдиі», «Өсиет» және «Ленинградтық өрендерім» сияқты бір қатар өлеңдері мен жыр жолдарын нақышына келтіре оқыды. Іс-шара соңында Жамбыл Жабаевқа арнау атты бейне фильм қатысушылар назарына ұсынылды. Ұйымдастырылған шара болашақ мамандар - студент жастардың өмірлік ұстанымдары мен тұлғалық дамулары үшін тағылымы мен танымдық, тәрбиелік мақсаты зор іс-шара болды.
ЕЛБАСЫМЫЗДЫҢ «РУХАНИ ЖАҢҒЫРУ» БАҒДАРЛАМАЛЫҚ МАҚАЛАСЫ АЯСЫНДА «АЛҒЫС АЙТАМЫН» ЖӘНЕ «ҰЛТАРАЛЫҚ ТАТУЛЫҚ ЖӘНЕ ЫНТЫМАҚТАСТЫҚ» ТАҚЫРЫПТАРЫНДА ФАКУЛЬТЕТ ДЕҢГЕЙІНДЕ ОНЛАЙН ДӨҢГЕЛЕК ҮСТЕЛ ӨТТІ.
2021 жылдың 2 наурызында М.Х.Дулати атындағы Тараз өңірлік университеті, «Химия және химиялық технология» кафедрасының аға оқытушысы С.М.Кантарбаеваның ұйымдастыруымен Елбасымыздың «Рухани жаңғыру» бағдарламалық мақаласы аясында «Алғыс айтамын» және «Ұлтаралық татулық және ынтымақтастық» тақырыптарында факультет деңгейінде онлайн дөңгелек үстел өтті. Дөнгелек үстелдің басты қонақтары «Философия және саясаттану» кафедрасының меңгерушісі, ф.ғ.к., доцент Д.Д. Кульбаева, «Философия және саясаттану» кафедрасының аға оқытушылары: Г.Б.Еменова, Г.У.Мырзапайызова, «Химия және химиялық технология» кафедрасының меңгерушісі Б.К.Масалимова, Технологиялық факультетінің және «Химия және химиялық технология» кафедрасының профессор-оқытушылар құрамы және 1-3 курс студенттері.