ТАТУЛЫҚ – ТҰРАҚТЫЛЫҚ КЕПІЛІ
Татулық – елдегі ішкі тұрақтылықтың кепілі. Алауыздық ауызбіршіліктен айырады. Берекенің өзі тыныштық пен ынтымағы асқан жерге үйір. Жастардың бойында толерантты мінез-құлық қалыптастыру үшін осы ұғымдардың мәнін түсіндіру қажет. Осы мақсатта 15 наурызда «Химия және химиялық технология» кафедрасының бірқатар оқытушылары доцент Х.Садиева, М. Дәуренбек, Д.Күлбаеваның «Ұлтаралық татулық және ынтымақтастық» тақырыбында дөңгелек үстел ұйымдастырды.
Өзекті тақырып төңірегінде келелі әңгіме қозғалған басқосуда кафедраның профессор оқытушылар құрамы, университеттің тәрбие бөлімінің мамандары, студенттер ой-пікірлерімен бөлісті. Дөңгелек үстелде ұлтаралық татулық, бейбітшілік, достық туралы мәселелер талқыланып, ұлттық тәрбие мен татулықтың мән-мағынасы түсіндірілді.
ҰСТАЗ ӨНЕГЕСІ – ЖАСТАРҒА ҮЛГІ
Қазақ даласындағы ұлттық мектептің қалыптасу тарихында педагог Ыбырай Алтынсариннің есімі ерекше аталады. Оның ұстаздық жолымен қатар, мол мұралары жас зерттеушілер үшін әлі тың тақырып. Ұстаз еңбектерінің жастардың таным-түсінігін кеңейтіп, танымдық көзқарастарын нығайтуға да тигізер ықпалы көп.
Жастардың шығармашылық ізденістерін арттыру мақсатында М.Х. Дулати атындағы Тараз өңірлік университетінде «Химия және химиялық технология» кафедрасының доценті Гүлназия Сейтбекова және 1-3 курс студенттері «Ұлы есімдер – Ы. Алтынсариннің өнегесі» тақырыбында ашық тәрбие сағатын өткізді.
"МАЙЛЫ ДАҚЫЛДАР ЗИЯНКЕСТЕРІ" ТАҚЫРЫБЫНДАҒЫ АШЫҚ САБАҚ
Технологиялық факультеттің "Қолданбалы биология" кафедрасында "Зиянкестермен биологиялық күресу әдістері" пәні бойынша "Жалпы биология" мамандығының 1 курс магистранттарында ашық практикалық сабақ өткізілді.
PhD доктор, "Қолданбалы биология" кафедрасының доцент м.а. Момбаева Бекзат Кунсалиевна 2022 жылдың 25 ақпанда "Майлы дақылдар зиянкестері" тақырыбында ашық практикалық сабақ өткізілді.
Егер дәріс кезінде білім алушы ғылыми білімнің негізін жалпылама түрде алса, практикалық сабақтар осы білімді тереңдетуге, кеңейтуге және кәсіби қызмет дағдыларын дамытуға ықпал етеді. Практикалық сабақтар магистранттардың ғылыми ойын дамытады.
ДӘСТҮР БОЙЫНША КӨКТЕМНІҢ АЛҒАШҚЫ КҮНІНДЕ ҚАЙЫРЫМДЫЛЫҚ АКЦИЯСЫ ӨТТІ "ЖҮРЕГІМ ТОЛҒАН МЕЙІРІМ"!
Бұл акцияның мақсаты-адамдарға қамқорлық жасау, мейірімділік, жанашырлық, көмекке келу, қарт адамдарға терең құрмет сезімін тәрбиелеу.
1-наурызда "Қолданбалы биология" кафедрасының оқытушылары мен студенттері, 125 адам тұратын әкім Каллаур-2 мекен – жайында орналасқан №1 қарттар мен мүгедектерге арналған интернат-үйіне барды.
Акция 24.02-ден басталды - 28.02.2022 жылға дейін Технологиялық факультетте және кафедрада ақшалай қаражат жинау туралы плакаттар орналастырылды, акцияның аяқталу күніне "Қолданбалы биология" кафедрасы 50 000 теңге жинады. (елу мың теньге). Барлық жиындарға 75 адамға арналған монша сөмкесі түріндегі сыйлықтар сатып алынды және 50 қарт мүгедектерге Қазақстан - шоколад сыйлады.
ПӘНДІК ОЛИМПИАДА ӨЗ МӘРЕСІНЕ ЖЕТТІ
Бәсекелі орта болғанда ғана білімге деген құштарлық артатыны белгілі. Өзара сынға түсу – оқыған-тоқығаныңды жадыңда бекемдей түсу үшін әрі бәсекелік қабілетті артту үшін қажет. Осыны ескерген М. Х. Дулати атындағы Тараз өңірлік университеті «Химия және химиялық технология» кафедрасының 7М05311 Химия және 7М07112 Химиялық инженерия және процесстер білім беру бағдарламасының 1 курс магистранттары кафедраның 1-3 курс студенттері арасында химия пәні бойынша олимпиада өткізген болатын.
Студенттердің химия пәніне деген қызығушылығын арттыру, олимпиада резервісінің дайындық жүйесін жетілдіруді көздеген магистранттар осылайша болашақ химиктерді ынталандырып, серпін берді.
Олимпиада екі кезеңде өткізілді. 1-кезеңде олимпиадалық тест тапсырмаларынан жоғары ұпай жинаған студенттер 2-кезеңге жіберілді. Қатысушылардан есептердің шығару жолы мен түсіндірмесін толық жазу талап етілді. Ал кез келген байланыс құралын пайдалануға тиым салынды.
АНАЛАР – ӘН-ЖЫРДЫҢ АРҚАУЫ
Ана – өмір, ана – тіршілік өзегі. Алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес. 8 наурыз – Халықаралық әйелдер күніне орай М.Х. Дулати атындағы Тараз өңірлік университетінде ұйымдастырылған «Ана – өмір тірегі» атты іс-шараға ұрпағы үшін бейнет кешкен аналар галлериясы арқау болды.
«Химия және химиялық технология» кафедрасының 6В05314 Химия білім беру бағдарламасының 2 курс студенттері мен топ кураторы Маржан Қалмаханова ұйымдастырған ашық кураторлық тәрбие сағатына университеттің тәрбие жұмысы және әлеуметтік мәселелер жөніндегі департамент директоры Алуа Назарбекова, тәрбие жұмысы бойынша факультет деканының орынбасары Ғайни Анарова, кафедра меңгерушісі х.ғ.к., қауымдастырылған профессор Бақытгүл Масалимова қатысты.
СЕНІМ МЕН СЫЙЛАСТЫҚҚА БАСТАҒАН ІС-ШАРА
Алғыс айту күні – қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл айтулы мереке елімізде 2016 жылдан бері аталып өтілуде. Содан бері барлық білім беру мекемелерінде жастарды сыйластыққа, құрметке, адамгершілікке баулитын және құндылықтар туралы түсініктерін кеңейту мақсатында әр түрлі іс-шаралар өткізіліп тұрады.
Осы дәстүр биыл да жалғасын тауып, «Химия және химиялық технология» кафедрасының аға оқытушысы Саят Әлішеріқызы 2 курс студенттерімен бірлесіп, университеттің ақпараттық кітапханалық орталығында «Алғыспен ел көгерер!» тақырыбында факультет деңгейінде мерекелік іс-шара өткізді.
КӘСІБИ БАҒДАР ЖҰМЫСЫ
2022 жылдың 21 ақпаны күні «Химия және химиялық технология» кафедрасында магистратура және докторантураға түсуші талапкерлерге кәсіби бағдар беру тақырыбында онлайн кездесу өткізілді. Онлайн кездесуге кафедра меңгерушісі Масалимова Бакытгуль Кабыкеновна, кафедраның профессор оқытушылар құрамы және ниет білдіруші талапкерлер, Қабылдау комиссиясының жауапты хатшысының орынбасары Қожас Олжас Оңғарұлы қатысты. Онлайн кездесу барысында Қожас Олжас Оңғарұлы талапкерлерге магистратура және докторантураға түсуге арналған нұсқаулықтармен таныстырып, ауқымды ақпарат берді. Қойылған сұрақтарға түсінікті, әрі сапалы мәліметтер алынды. Сонымен қатар, «Химия және химиялық технология» кафедрасының тынысы, жетістіктері мен білім беру бағдарламалары туралы бейнедеректер көрсетіліп ұсынылды.
«Химия және химиялық технология» кафедрасының меңгерушісі
х.ғ.к., профессор Масалимова Бакытгуль Кабыкеновна
МАМАНДЫҚ – ӨМІР ТАҢДАУЫ
Мамандық таңдау – адамның өміріндегі ең жауапты кезеңдердің бірі, өйткені бүкіл болашақ өмір осыған байланысты. Келешекте өкінбеу үшін, бұл мәселеге немқұрайлы қарауға болмайды. Бұл сауал оқушыны ғана емес, сондай-ақ, оның ата-анасын да мазалайды. Себебі, кәсіп таңдау – оқушының өмір жолын анықтайтын шешуші сәттердің бірі.
Осыған орай, 2022 жылдың ақпан айында М.Х. Дулати атындағы Тараз өңірлік университеті Технологиялық факультеті «Химия және химиялық технология» кафедрасының профессор-оқытушылар құрамының ұйымдастыруымен кәсіби бағдар жұмысы бойынша мектеп бітіруші түлектерімен онлайн кездесулер ұйымдастырылды.
МАМАНДЫҒЫҢ – БОЛАШАҒЫҢ
М. Х. Дулати атындағы Тараз өңірлік университетінің технологиялық факультеті, «Химия және химиялық технология» кафедрасының профессор оқытушылар құрамы мектеп пен жоғары оқу орындары арасындағы байланысты арттыру мақсатында арнайы апталық ұйымдастырды. Атап айтсақ, бір апта ішінде А.Құлажанова – Тараз қаласындағы №34,38,49 мектептері, Жамбыл политехникалық жоғары колледжі, Талас, Сарысу, Байзақ аудандарындағы білім ошақтарының мектеп бітірушілерімен онлайн форматта кездесу өткізді.
Ал М.Дәуренбек – Тараз қаласындағы №35,37,54, М.Қалмаханова – шаһардағы №2,7,18, Д.Құлбаева – облыс ортылығындағы №5, 6,14 білім ошақтарының, Т. Рысқұлов ауданындағы Ақыртөбе, Өрнек, Бірлес орта мектептерінің, Э. Байбазарова Тараз қаласы №11, 36, 50, Жуалы ауданындағы білім мекемелерінің, С.Мамешова Тараздағы №10, 39, 48 мектептерімен және Байзақ ауданына қарасты Ғ. Мұратбаев атындағы мектеп гимназиясының, Киікбаев атындағы, Сарыкемер орта мектебінің, сондай-ақ Үлгілі, Бурыл, Түймекент, Ш. Уәлиханов атындағы орта мектептерінің оқушыларымен ZOOM платформасында кездесу ұйымдастырып, кәсіби бағдар жұмыстарының мақсатын түсіндірді. Жалпы оқушыларға мамандық таңдау туралы шешім қабылдауға қолдау көрсетуді көздеген іс-шараға, әсіресе, мектеп бітірушілер аса қызығушылық танытты.
ЖОҒАРЫ БІЛІМ БЕРУДЕ ТЕХНИКАЛЫҚ МАМАНДЫҚТАРҒА БАСЫМДЫҚ БЕРІЛМЕК
Өмір жолын, әсіресе, мамандық таңдау әр адамның өз еркіне, өз қалауына байланысты десек те, көп жағдайда жол сілтер мамандармен өткен бір ғана кездесу пайым мен тұжырымды өзгертуі мүмкін. Президент Қасым-Жомарт Тоқаев Парламент Мәжілісі отырысында сөйлеген сөзінде жалпы білім туралы, жоғары білім беруде мамандық таңдауда көзқарасты өзгерту қажет екенін баса айтқаны белгілі. Жоғары білім беруде гуманитарлық мамандықтардан гөрі еңбек нарығында сұраныс көп техникалық мамандықтарға басымдық берілу керектігін ескертті.
Мемлекет басшысының тапсырмасына сай, М.Х. Дулати атындағы Тараз өңірлік университетінің технологиялық факультеті «Химия және химиялық технология» кафедрасының оқытушылары т.ғ.к., доцент міндетін атқарушы Х.Садиева мен аға оқытушы, магистр Р. Баданованың бастамасымен Тараз қаласының №26, 28, 44 және Меркі ауданы №5 Ақарал орта мектептері мен Қордай ауданындағы №28 орта мектебінің бітіруші 11 сынып оқушыларымен «Кәсіптік бағдар беру» жұмысы бойынша ZOOM платформасында онлайн кездесу өткізді.
ҚҰТТЫҚТАЙМЫЗ!
2021 жылдың желтоқсан айында Қазақстан Республикасы Білім және Ғылым министрлігінің ақпараттық қолдауымен «Вilim-orkenieti» ұлттық-инновациялық ғылыми зерттеу орталығының ұйымдастыруымен «ЖЫЛДЫҢ ҮЗДІК СТУДЕНТІ» атты халықаралық байқауы өткізілген болатын.
Қазақстан Республикасы Тәуелсіздігінің 30 жылдық мерейтойына орай президент Қасым-Жомарт Кемелұлы Тоқаевтың «Тәуелсіздік бәрінен қымбат» атты бағдарламалық мақаласын білім алушылардың арасында кеңінен насихаттау мақсатында өткізілген «Жылдың үздік студенті» атты халықаралық байқауына М.Х. Дулати атындағы Тараз өңірлік университеті Технологиялық факультетінің 6В05112 Жалпы биология мамандығының 3 курс студенттері Гайыпов Юсуп Тиркешович және Ядгаров Махмут Яшнарович қатысып, «Жылдың үздік студенті» төсбелгісімен, І дәрежелі дипломдармен марапатталған.
ТҰҒЫРЫ БИІК ТӘУЕЛСІЗДІК
2021 жылдың 10 желтоқсан күні Технологиялық факультеті «Химия және химиялық технология» кафедрасында Қазақстан Республикасы Тәуелсіздігінің 30 жылдығына арналған кафедраның аға оқытушысы С. М. Кантарбаева мен т.ғ.к., доцент Х. Р. Садиеваның ұйымдастыруымен «Тұғыры биік Тәуелсіздік» тақырыбында ашық кураторлық сағаты өткізілді. Іс-шараға факультеттің тәрбие жұмысы жөніндегі орынбасары Ғ. С. Анарова, кафедраның профессор оқытушылар құрамы мен 1 - 4 курс студенттері қатысты.
Іс-шараның мақсаты Қазақстан Республикасы Тәуелсіздігінің 30 жылдығына орай студенттердің білім деңгейін анықтау, ойлау қабілеттерін дамыту, сөйлеу мәдениетін, жан-жақты ой өрісін жетілдіру, ой ұшқырлығын, білімге деген ынтасын арттыру.
ЕЛІМІЗДІҢ ЕРТЕҢІ ТӘУЕЛСІЗДІК
2021 жылдың 7-ші желтоқсаны күні М. Х. Дулати атындағы Тараз өңірік университеті Технологиялық факультеті «Химия және химиялық технология» кафедрасының 6В05314-Химия білім беру бағдарламасының 2 курс студенттері, топ кураторы Мамешова Саят Әлішеріқызы және т.ғ.к., доцент Жарлыкапова Роза Байкешовнаның ұйымдастыруымен онлайн форматта Тәуелсіздіктің 30 жылдығына орай «Еліміздің ертеңі - Тәуелсіздік» тақырыбында дөңгелек үстел өтті.
Іс-шараға кафедраның профессор оқытушылар құрамы, 6В05314-Химия білім беру бағдарламасының 1, 2 курс студенттері мен топ кураторлары қатысты.
Тағылымды іс-шара әнұранның орындалуымен ашылып, т.ғ.к., доцент Жарлыкапова Роза Байкешовнаның тақырып төңірегіндегі баяндамасымен және мерекелік құттықтауымен жалғасты.
"ТЕХНОЛОГ" СҒҮ ДӨҢГЕЛЕК ҮСТЕЛІНІҢ АШЫҚ ОТЫРЫСЫ
Технологиялық факультеттің "Текстиль, материалтану және стандартизация" кафедрасы "Технолог" студенттік ғылыми үйірмесі 10.12.2021ж. Жамбыл облысы мен Тараз қаласының колледждері мен мектептерінің бітіруші сынып оқушыларына арналған "Қазақстанның былғары-аяқ киім өнеркәсібінің болашағы" тақырыбында дөңгелек үстел форматында ашық отырыс өткізді.
Дөңгелек үстелдің мақсаты - мектеп оқушыларының Қазақстанның жеңіл өнеркәсібі саласы аясындағы зерттеушілік біліктері мен дағдыларын дамыту. Дөңгелек үстелде Қазақстанның былғары және аяқ киім өнеркәсібінің мәселелері талқыланды.
ҚАЗАҚСТАН РЕСПУБЛИКАСЫНЫҢ ТӘУЕЛСІЗДІГІНЕ 30 ЖЫЛ: ЖАСТАР МЕН БИОЛОГИЯ САЛАСЫНДАҒЫ ИННОВАЦИЯЛАР
02.12.21 жылы М.Х.Дулати атындағы Тараз өңірлік университетінің «Қолданбалы биология» кафедрасының «Өсімдіктер әлемі» студенттік ғылыми үйірмесі (СҒҮ) ұйымдастыруымен Жамбыл облысының мектеп бітіруші оқушылары арасындағы «Қазақстан Республикасы Тәуелсіздігіне 30 жыл: жастар мен биология саласындағы инновациялар» тақырыбында шағын форматында конференция өткізілді. Үйірме жетекшісі биология ғылыми канжижаты, доцент Байтелиева А.М.
Конференцияны Жумабекова Г.Б. - Технологиялық факультеттің ғылыми жұмыстары жөніндегі декан орынбасары, доцент м.а., PhD доктор ашылу салтанатымен бастады.
«ҚОЛДАНБАЛЫ БИОЛОГИЯ» КАФЕДРАСЫНЫҢ КӘСІПТІКБАҒДАР ЖҰМЫСЫ
2021 жылдың 30 қарашасында «Қолданбалы биология» кафедрасының оқытушылары доцент Байтелиева Анар Муратовна, оқытушы Голикова Ксения Николаевна және студент Арслан Умаров «Жамбыл облысы әкімдігінің білім басқармасы, Тараз қаласы, Жамбыл атындағы №5 мектеп-гимназиясы» КММ-де кәсіптік бағдар беру жұмысын жүргізді.
«Биохимия» мамандығы бойынша 11-сынып түлектерімен кездесуге М. Х. Дулати атындағы ТарМУ түлегі, «Биология» пәнінің оқытушысы, педагог-зерттеуші Жүсіпбекова Жанара Дүйсенханқызы қатысты.
2022 жылы ЕО-қа мүше мемлекеттердің университеттері арасында студенттер мен оқытушылар алмасуы, Еуропалық Одақтың коммерциялық емес Эразмус бағдарламасы бойынша Оломоуц университетінде білім алғалы отырған А.Умаровтың баяндамасы түлектер арасында ерекше қызығушылық тудырды.
АШЫҚ САБАҚ ОҚЫТУШЫНЫҢ КӘСІБИ ҚЫЗМЕТІНІҢ НЫСАНЫ РЕТІНДЕ
«Қолданбалы биология» кафедрасының магистрі Баубекова А.К. «External and internal structure of birds» тақырыбында ашық зертханалық сабақ өткізді.
2021 жылдың 26 қарашада "Қолданбалы биология" кафедрасының оқытушысы, магистрі Баубекова Айжан Кенжебекқызы 6В05112-"Жалпы биология" мамандығының көптілді білім алатын топтарының 2 курс студенттерімен "Vertebrate zoology" пәні бойынша " External and internal structure of birds "тақырыбында ашық зертханалық сабақ өткізді.
Сабақтың мақсаты: студенттерді омыртқалы жануарлардың үлкен бір тобы құстармен таныстыру. Олардың ішкі және сыртқы құрылыстарын қарап, сипаттау.
Подробнее ...
«ҚАЗАҚСТАН РЕСПУБЛИКАСЫ АУМАҒЫНДАҒЫ ҚАР БАРЫСЫ ПОПУЛЯЦИЯСЫ САНЫНЫҢ МЕКЕНДЕУ ОРТАСЫНА КЛИМАТТЫҚ ЖӘНЕ АНТРОПОГЕНДІК ФАКТОРДЫҢ ӘСЕРІ» ТАҚЫРЫБЫНДА ХАЛЫҚАРАЛЫҚ СЕМИНАР ӨТТІ
2021 жылдың қараша айында Технологиялық факультеттің "Қолданбалы биология" кафедрасында шетелдік серіктес, философия докторы, Небраска, Линкольн университетінің зерттеуші-профессоры, Джанай Сагинмен халықаралық семинар өтті. Семинардың мақсаты: Қазақстан Республикасы аумағында өмір сүру сапасын жақсартуға бағытталған жаңа зерттеу жобаларының көмегімен серіктестікті кеңейту.
Бірнеше күн бойы философия докторы Джанай Сагин ғылыми жобалар бойынша өзінің халықаралық тәжірибесімен бөлісіп, Орталық Азия университеттерінің серіктестік бағдарламасы бойынша Американдық кеңестің (UniCEN) қаржыландыруына қатысты барлық қызықтыратын сұрақтарға жауап берді. Сондай-ақ Джанай Сагин халықаралық жобалар үшін кейбір өзекті тақырыптарға шолу жасады, оның ішінде "Қолданбалы биология" кафедрасы біздің Республика аумағындағы қар барысының популяциясын зерттеу және сақтау жөніндегі халықаралық жобаның бағытын таңдады.
«ЕЛДІКТІҢ ЖЕТІ ТҰҒЫРЫ»- ЕЛ ЕРТЕҢІНІҢ БАҒДАРЫ
3 – ші желтоқсан 2021 жылы Технологиялық факультетінің «Химия және химиялық технология» кафедрасының аға оқытушысы, топ кураторы С. М. Кантарбаева және 4 курс студенттерінің ұйымдастыруымен Елбасы Н.Ә. Назарбаевтың «Елдіктің жеті тұғыры» қағидатын талқылау, маңыздылығын насихаттау мақсатында ашық кураторлық сағаты өткізілді.
Тәуелсіздік біздің де ата-бабаларымыздың сан ғасырлық арманы еді. Бүгінде сол арманымыздың орындалып таңымыздың арайлап атып, Егемен ел болғанымызға 30 жыл толып отыр. Тұңғыш президентіміз Н.Ә.Назарбаев партияның маңызды жиынында Тәуелсіздігіміздің 30 жылдығын айтулы жетістіктермен қарсы алғанымызды айта келіп, жас ұрпаққа бағыт-бағдар болар "Елдіктің жеті тұғыры" атты қағидатын ұсынды. Елбасы «табыстың кілті үздіксіз білім алу мен тынымсыз еңбек ету» екенін үнемі айтып келеді. Өскелең ұрпаққа білімге құштар болуы – келешек кепілі. Елбасы жастарға үндеуінде осы ойды меңзеген. Осылайша біз Тәуелсіздігімізді баянды етіп, ел тұтастығын сақтап, отбасылық құндылықтарды жаңғыртып, ұлт мәдениетін насихаттап, терең білім мен адал еңбекке ден қойған жасампаз ел боламыз. Жалпы алғанда Елбасы санамалап өткен бұл құндылықтар әрбір жастың жетістікке жету, қоғамға пайдалы адам болып, өнім беру жолындағы басты қағидаларына айналуы тиіс. Жеті санын бабаларымыз қасиетті сан деп пайымдаған.
ТАМАҚ ӨНДІРІСІ САЛАСЫНДАҒЫ ҒЫЛЫМИ ЗЕРТТЕУЛЕРДІҢ ӨЗЕКТІ МӘСЕЛЕЛЕРІ
2021 жылдың желтоқсан айының 2 күні «Тамақ өндірісі және биотехнология» кафедрасының «ҒЫЛЫМ ӘЛЕМІ» студенттік ғылыми үйірмесінің «Тамақ өндірісі саласындағы ғылыми зерттеулердің өзекті мәселелері» тақырыбында ашық отырысы өтті.
«Тамақ өндірісі саласындағы ғылыми зерттеулердің өзекті мәселелері» тақырыбындағы ашық отырысқа Жамбыл индустриалды технологиялық колледжінің, №16 Жуалы колледжінің студенттері, №10,44 мектептерінің оқушылары мен кафедраның ПОҚ қатысты.
«ҚАЗАҚСТАН РЕСПУБЛИКАСЫНЫҢ ТӘУЕЛСІЗДІГІНЕ 30 ЖЫЛ: ЖАСТАР ЖӘНЕ ХИМИЯ САЛАСЫНДАҒЫ ИННОВАЦИЯЛАР»
М.Х. Дулати атындағы Тараз өңірлік университеті Технологиялық факультеті "Химия және химиялық технология" кафедрасының "Химик" студенттік ғылыми үйірмесінің ұйымдастыруымен Жамбыл облысының жалпы орта, техникалық және кәсіптік білім беру ұйымдарының білім алушылары арасында "Қазақстан Республикасының Тәуелсіздігіне 30 жыл: жастар және химия саласындағы инновациялар" тақырыбында шағын конференция форматында алғаш рет ашық отырыс өткізілді. Мақсаты - білім алушылардың химия саласы бойынша зерттеуге деген қызығушылығын дамыту. Конференцияда білім алушылар химия саласындағы өздерінің ғылыми және бірегей идеяларын ұсынды.
ДІНИ ЭКСТРЕМИЗМНІҢ АЛДЫН АЛУ
2021 жылы 23 қарашада М.Х. Дулати атындағы Тараз өңірлік университеті технологиялық факультеті «Химия және химиялық технология» кафедрасының 6B05314 - Химия білім беру бағдарламасының 2 курс топ кураторы Мамешова Саят Әлішеріқызының ұйымдастыруымен онлайн форматта «Қазіргі әлемдегі лаңкестік және діни экстремизмнің қауіпі» тақырыбында кездесу өтті. Кездесуге 2 курс студенттері мен М. Х. Дулати атындағы Тараз өңірдік университеті Дінтану орталығының бас маманы, дінтанушы - магистр Бахтияр Қаржаубайұлы Алпысбаев қатысты.
Кездесудің негізгі мақсаты тероризм мен діни экстремизм адамзат баласына қауіп пен қатер төндіретін ұйымдар екендігін жастарға толық түсіндіру. Билік пен байлыққа қол жеткізу үшін ештеңеден тайсалмайтын, билікті орнынан кетіріп, дінді сылтау етіп, адамдар өміріне қауіп ұялататын, қоғам арасында алауыздықты тудырып, тыныштықты бұзатын ұйымдармен күресуде елімізде жасалынып жатқан жұмыстармен таныстыру.
ҒЫЛЫМИ-ӘДІСТЕМЕЛІК СЕМИНАР ЖАЛҒАСЫН ТАБУДА
М.Х. Дулати атындағы Тараз өңірлік университеті технологиялық факультеті «Химия және химиялық технология» кафедрасында 2021 жылдың 19 қарашасында оқу-әдістемелік жұмыстарды жетілдіру мақсатында кезекті ғылыми-әдістемелік семинар жалғасын тапты.
Бұл семинарда «Болашақ мамандардың кәсіби құзыреттілігін қалыптастырудың басым бағыттары» тақырыбы жан-жақты қамтылды. Ғылыми – әдістемелік семинарды PhD, қауымдастырылған профессор м.а. Нурлыбаева Айша Нурлыбаевна арнайы дайындалған баяндама және презентациялық материалдарды пайдалана отырып жүргізді.