СТРАТЕГИЯЛЫҚ ДАМУ БАСҚАРМАСЫ
Стратегиялық даму басқармасы жетекшісі, Химия ғылымдарының кандидаты
Байланыс телефоны: +7 771 149 41 66
E-mail: zhe.daribaev@dulaty.kz
Мекен-жайы: 2.1.205 кабинет
Жаңа даму стратегиясы және білім беру қызметтерінің сапасын қамтамасыз ету жүйесін құру Дулати университетінің рейтингін жақсартуға көмектеседі деп сенеміз.
Стратегиялық даму бағдарламасын әзірлеу және оның орындалуын қадағалау, аккредиттеу процестерін ұйымдастыру, рейтинг және сапа менеджменті жүйесінің жұмыстарын ұйымдастыру.
- Стратегиялық даму бағдарламасын әзірлеу, жоспардың орындалуын қадағалау, стратегиялық жоспар бойынша есептерді талдау, университет деңгейінде қорытынды есеп дайындау;
- Сапаны басқару саласында озық тәжірибелерді үйрену, Халықаралық, ұлттық рейтингтерге қатысу жұмыстарын ұйымдастыру және жүзеге асыру;
- Білім беру бағдарламаларын аккредитттеу және постмониторинг процестерін ұйымдастыру;
- Сапа саласындағы саясатты және мақсаттарды әзірлеу және оны университет қызметкерлеріне жеткізу;
- Университеттің сапа менеджменті жүйесінің СМЖ ISO 9001:2015 ХС талаптарына сәйкес жұмыс қалпында ұсталуын қамтамасыз ету;
- СМЖ бойынша қолданыстағы құжаттамалардың жарамдылығын, жаңартылуын мерзімді түрде қадағалау;
- СМЖ, рейтинг салаларында ішкі семинарлар өткізу;
- СМЖ талаптарына сәйкес ішкі тексерулер (аудит) ұйымдастыру және нәтижелерін талдау.
Дулати Университетіндегі кешенді ішкі аудиттің қорытындылары
ISO 9001:2015 рәсімдеріне сәйкес 2024 жылдың қаңтар және ақпан айларында аккредиттеу, рейтинг және сапаны қамтамасыз ету бөлімі Дулати университетінің барлық құрылымдық бөлімшелерінің, оның ішінде кафедралардың, деканаттардың, бөлімдердің, орталықтардың және т.б. қызметіне кешенді ішкі аудит жүргізді.
Кешенді тексеру басталғанға дейін Стратегиялық даму басқармасы ішкі аудиторлар мен құрылымдық бөлімшелер басшыларының ашылу жиналысын өткізді, онда олар аудит бағдарламасымен және оның негізгі критерийлерімен танысты.
Жұмысқа тәжірибелі оқытушылар мен бөлім қызметкерлері қатарынан 5 аудиторлық топ жұмылдырылды. Барлық аудиторлар Қазақстандық сапа ұйымының қолданыстағы сертификатына ие және «ISO 9001:2015 (ҚР СТ ИСО 9001-2016) талаптарына сәйкес сапа менеджменті жүйесінің ішкі аудиторлары» ретінде аттестатталған.
Тексеру кезінде келесілер анықталды:
- 22 құрылымдық бөлімшенің қызметі қойылатын талаптарға сәйкес келеді:
– 98 құрылымдық бөлімшеде 266 сәйкессіздік актісі ресімделді, тиісті қызметтер басшыларының қолы қойылды, оның ішінде 146 акт елеулі сәйкессіздіктерді, 120 – елеусіз актілерді көрсетеді.
Ішкі аудит аяқталғаннан кейін жабылу жиналысы өткізілді, түзету іс-шараларының жоспарлары жасалды және олар бойынша жұмыс жүргізілді. Анықталған сәйкессіздіктерді түзету үшін оқу және әкімшілік бөлімшелерге 2 аптаға дейін мерзім берілді, ал ғимараттарды жөндеу және жабдықтарды сатып алу, қомақты қаржы бөлу сияқты күрделі мәселелер бойынша, жою үшін ұзағырақ мерзім беріледі.
Барлық анықталған сәйкессіздіктерді жою мен болашақта оларды қайталамауды бақылау мақсатында сәйкессіздіктер журналында тіркеледі. Жүргізілген кешенді ішкі аудиттің нәтижелері Дулати университетінің Ғылыми кеңесінде қаралып талқыланды және тиісті шешімдер шығарылды.
