2021 жылдың 25 ақпанында М.Х. Дулати атындағы Тараз өңірлік университетінің "Химия және химиялық технология" кафедрасында "6В05314-Химия", "6В07115-Химиялық инженерия және процестер", "5В060600-Химия", "5В072000-Бейорганикалық заттардың химиялық технологиясы" білім беру бағдарламалары студенттеріне арналған химиядан университет ішілік пәндік олимпиада өтті. Олимпиаданың негізгі мақсаты жастардың шығармашылық ойлауын қалыптастыру және студенттердің ғылыми-зерттеу қызметін ынталандыру болып табылады. «Химия және химиялық технология» кафедрасында пәндік студенттік олимпиада жыл сайын өткізіледі және осы жылы олимпиадаға 1-3 курс студенттері қатысты. Олимпиада 2 турда өтті. Бірінші турда қатысушылар "Жалпы химия", "Химия", "Бейорганикалық химия", "Аналитикалық химия" курстары бойынша тестілеуден өтті. Екінші турда студенттер жас ұрпақтың ғылыми қызметін жақсартуға бағытталған күрделілігі әртүрлі есептерді шешті. Жұмыстарды комиссия төрағасы Р.Б. Жарлықапованың басшылығымен қазылар алқасының құзыретті мүшелері Калмаханова М.С, Мадимарова Г.Б тексерді.

2021 жылдың 25 ақпанында М.Х. Дулати атындағы Тараз өңірлік университеті, «Химия және химиялық технология» кафедрасының оқытушысы С.А.Мамешованың ұйымдастыруымен кәсіби бағдар жұмысы бойынша «Мамандығың - болашағың» тақырыбында мектеп бітіруші түлектермен онлайн кездесу болып өтті. Кездесудің арнайы қонақтары : «Маркетинг және талапкерлерді рекруттеу бөлімі» қабылдау комиссиясының жауапты хатшысы Нүрпеисов Мұхаметжан Кенжетайұлы, «Химия және химиялық технология» кафедрасының меңгерушісі Б.Қ.Масалимова, профессор-оқытушылар құрамы, Тараз қаласының №39 мектеп гимназиясының, Меркі ауданы №5 Ақарал ЖОББ мектеп гимназиясының, №44 ЖОББМ, №23 Тескентоған орта мектебінің, Талас ауданы С.Шакиров  ауылы Ш. Смаханұлы атындағы орта мектебінің оқушылары.

2021 жылдың 20 ақпан күні технологиялық факультет, «Химия және химиялық технология» кафедрасында аға оқытушы Э.А.Байбазарованың ұйымдастыруымен «Қашықтықтан оқытуды жүзеге асырудың тиімділігі» тақырыбында ғылыми-әдістемелік семинар болып өтті.

Білім беру жүйесін жан-жақты ақпараттандырып, қашықтан оқытудың алғы шарттары Н.Ә. Назарбаев ұсынған «Қазақстан -2030» стратегиялық бағдарламасында айқын көрсетілген.

2021 жылдың 12 ақпан күні технологиялық факультет, «Химия және химиялық технология» кафедрасында т.ғ.к., доцент Р.Б.Жарлыкапованың ұйымдастыруымен Елбасының "Рухани жаңғыру"бағдарламасын жүзеге асыру аясында профессор-оқытушылар құрамы мен білімгерлер арасында «Болашақ маманның бәсекеге қабілеттілігін арттырудағы студенттің ғылыми-зерттеу жұмысының рөлі» тақырыбында онлайн конференция-тренинг болып өтті.

«Технологиялық» факультетімен «Ақпараттық технологиялар, автоматика және телекоммуникация» факультетінің 1 курс студенттерін 2021 жылдың ақпан айының 4 жұлдызында «Туризм және сервис» кафедрасының Гид мектебінің жетекшілері т.ғ.к., доцент Жапсарбеков Ғ.П. және аға оқытушы Дуйсембаева А.Т., 1 курс «Туристік бизнес» кураторы Исмаилова Ж.Ж. және «Мейрамхана бизнесі» мамандығының кураторы Сулейман С.Н. Тараз өңірлік университетінің мұражайына және технологиялық ғимараттың оқу залы, кітапханасына танымдық экскурсия жүргізді. Экскурсия кезінде білімгерлер өздеріне қажетті мәліметтер алды.

«Туризм және сервис» кафедрасының 6В11113-«Мейрамхана бизнесі» мамандығының, 2 курс студенттері Еркінбекқызы Айша мен Жексенбай Құндызай Қазақстан Республикасының Парламентінің мәжілісі мен мәслихаттар депутаттарының сайлауында белсенділік танытқаны үшін Қазақстан Республикасының тұңғыш президенті, Елбасы Н.Ә.Назарбаевтың алғыс хатымен марапатталды!

«Туризм және сервис» кафедрасы