ТМД студенттерінің ынтымақтастығын қалыптастыру жобасына Өзбекстан Республикасы, Тәжікстан Республикасы, Беларусь Республикасы, Ресей Федерациясы және т. б. ең үздік студенттері қатысты.
Байқау нәтижесі бойынша Сатыбалды Аяна (ғылыми жетекшісі PhD доктор, доцент м.а. А.С. Боранкулова) төсбелгімен, куәлікпен, І дәрежелі дипломмен марапатталды және "Талантты жастар энциклопедиясы" Республикалық студенттік кітап топтамасының үздік студенттерінің IIІ жинағына енді, ал ғылыми жетекшісі Алғыс хатқа ие болды.
Енді болашағынан үлкен үміт күттіретін студентіміздің жемісті жетістіктерімен қалың жұртшылық «ТМД-ның үздік студенті – 2021» атты халықаралық кітапты оқу арқылы жан-жақты таныса алады. Бұл құрметті жинаққа еліміздегі республика көлеміндегі жоғары оқу орындары және колледж студенттері, халықаралық, республикалық және аймақтық олимпиадалар мен конференциялардың, жобалардың, орындаушылық байқаулардың жүлдегерлері, қоғамдық жастар қозғалыстарының көшбасшылары мен белсенділері, еліміздің ұлттық құрама мүшелері, спорттық олимпиадалар мен халықаралық жарыстардың жеңімпаздары мен жүлдегерлері атанған таңдаулы тұлғалардың есімдері енгізілетіндігін айрықша атап айтқанымыз абзал.
