Президент әділетті Қазақстанның экономикалық бағдарына мән берді
Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауын теледидар арқылы тыңдадым.
Жолдау барысында Ел Президенті елімізде ауқымды жұмыстар атқарылғандығын атап өтіп алда тұрған басты міндеттерді атап өтті. Президент: «Егін шаруашылығында маңызды реформа жасайтын кез келді.
Егіс түрлерін көбейтуіміз керек. Сондай-ақ көбірек пайда әкелетін дақылдар еккен жөн. Суды көп қажет ететін егіс алқабын біртіндеп азайтып, бір ғана дақыл түрін егуді шектеу қажет. Диқандарды жергілікті тұқыммен қамтамасыз ету маңызды. Сонымен қатар жаңа сұрыптарды шығарып, оны өсіру мәселесін шешкен жөн» деді.
Шындығында да ауыл шаруаышылығымен айналысатын шаруалардың дені суды көп қажет ететін дақылдарды егетіндігі ақиқат. Мәселен биылғы жылы ағын су тапшылығын нақты сезіндік. Сондықтан алдағы уақытта Президент айтқандай, ағын суды аз қажет ететін пайдасы көбірек болатын дақылды егуді қолға алған жөн деп ойлаймын.
Дина Кульбаева,
философия ғылымдарының кандидаты
«Тараз – қолөнершілер қаласы» II халықаралық қолөнершілер көрмесі
2023 жылдың 2-4 маусымы аралығында Тараз қаласында өңірдің туристік имиджін ілгерілету, отандық қолөнершілерді халықаралық деңгейде танымал ету, жақын және алыс шет елдерден келген өнер шеберлері мен жергілікті қолөнершілер арасында тәжірибе алмасу мақсатында Жамбыл облысы әкімдігінің туризм басқармасымен «Тараз – қолөнершілер қаласы» II халықаралық қолөнершілер көрмесі өткізілуде.
Көрмеге алыс-жақын шет елдері қолөнершілерімен қатар, халықаралық қолөнершілер қауымдастықтар, халықаралық сарапшылар, туризм саласына қатысты мемлекеттік және мемлекеттік емес ұйым өкілдері қатысуда.
Көрмеге «Текстиль, материалтану және стандартизация» кафедрасының «Шебер» ғылыми-оқу-өндірістік бөлімшесінің «Басқұр» технологиясымен тоқылған бұйымдары және кафедраның зертхана меңгерушісі Бурдеева С.Н. киізден және былғарыдан қолдан жасалынған бұйымдары ұсынылып, кафедраның оқытушылары Рахманова Ж.С., Маханбеталиева К.Т., Касымова Ғ.А., Сарыбаева Э.Е., Тулендиева Г.О. және «Инновациялық текстиль» БББ студенттері белсенді қатысты.
ӨНДІРІС ПРОЦЕСІНДЕГІ ТЕХНОЛОГИЯЛЫҚ МАШИНАЛАР МЕН ЖАБДЫҚТАРДЫҢ МАҢЫЗЫ
Кәсіпорынның өндірістік құрал-жабдығы оның материалдық-техникалық базасының бір бөлігі болып табылады, оның өсуі мен жетілдірілуі тауар айналымының көлемін, пайданы ұлғайтудың және олардың техникалық жарақтануын жақсартудың ең маңызды шарты болып табылады. Осы мақсатта 01.06.2023 жылы Тәуелсіздігінің 25 жылдығы атындағы мәжіліс залында С.Сейфуллин атындағы Қазақ агротехникалық зерттеу университетінің «Технологиялық машиналар және жабдықтар» кафедрасының профессоры, т.ғ.д., Халықаралық машина жасаушылар Одағының мүшесі, Шеров Карибек Тагаевичпен ғылыми өтті.
«Жаңбыр жауса жер ырысы-батыр туса ел ырысы»
Ауған соғысы Кеңес Одағы кезіндегі қайғылы тарихи оқиғалардың бірі. Биыл Кеңес әскерлерінің Ауғанстан жерінен толықтай шыққанына 34 жыл толмақ. Осыған орай, осы күнді еске алу мақсатынта, М.Х.Дулати университеттінің Технологиялық факультетінің, «Текстиль, материалтану және стандартизация» кафедрасының оқытушыларының ұйымдастыруымен Ауған соғысы ардагерлерімен кездесу өтті. Кездесуге келген ардагерлер - Жамбыл облысы және Тараз қаласы Ауған соғысы ардагерлері мен мүгедектер одағының төрағасы Қ.Р Құрмет орденінің иегері Қоғам белсендісі, жастар арасында АСЫЛ ЖҮРЕК номинация жүлдегері, Ермеков Дүкенбай Сайлаубекұлы, Ауған соғысы ардагері Сембиев Нұрбақыт Оңланбекович, Ауған соғысы ардагері Сұлтан Ералы, Ардагер, фото журналист Сейітқадыров Төлепберген. Кездесудің мақсаты студенттердің бойына патриоттық сезімді қалыптастыру, ерлікке тәрбиелеу - Ауған соғысы туралы және оған қатысқан қазақстандықтардың ерен ерліктері туралы мәлімет беру болды. Ауған соғысының ардагерлеріне және олардың отбасыларына құрмет көрсетуге тәрбиелеу және олардың ерліктерін жастар арасында насихаттау, өз Отанын, елін, туған жерін сүю, туған жеріне деген сүйіспеншілікті арттыру ең бірінші мақсатымыз – деп сөз барысында айтып өтті 1-курс кураторы Л.Х.Юсупова.
«Салауатты өмір салты»
Табиғаттың адам баласына сыйлаған басты байлығы – денсаулықты сақтаудың басты жолдары – зиянды, жат қылықтардан аулақ болып, салауатты өмір сүру екендігі мәлім. Денсаулық — тән, рухани және әлеуметтік игіліктің жиынтығы. Денені үнемі шинықтыру, сананың сапа деңгейін көтеру, интеллект өрісін биіктету, рухыңды шыңдау — бәрі де денсаулыққа қызмет етеді десек қателеспеймі
Студенттердің бойына адами игі қасиеттерді қалыптастыруға, денсаулықтың қадірін түсіне, сақтай білуге тәрбиелеу мақсатында Технологиялық факультет, «Текстиль, материалтану және стандартизация» кафедрасының оқытушылары ашық кураторлық сабақ ұйымдастырды.
Тәжірибе алмасу
2023 жылдың мамыр айының 4 жұлдызында М.Х.Дулати атындағы Тараз Өңірлік университетінің «Технологиялық» факультетіне қарасты «Текстиль, материалтану және стандартизация» кафедрасының оқытушылары т.ғ.к., қауымдастырылған профессор Рахманова Ж.С., техника және технология магистрлері Касымова Г.А., Тулендиева Г.О., Сарыбаева Э.Е. және 6В07211-«Инновациялық текстиль», 6В07116-«Жеңіл өнеркәсіп материалдарының технологиясы және материалтануы» білім беру бағдарламасының 2 курс студенттері Шымкент қаласындағы "Оңтүстік" экономикалық аймағының «AZALA Textile» ЖШС, «Bal Tekstil» ЖШС, «Шымкент-Кашемир» ЖШС сияқты ірі кәсіпорындарына болашақта кәсіптік тәжірибе мен тағылымдамадан өту үшін іс сапармен танысып қайтты. Кәсіпорынның өндіріс жетекшілері өндіріс алаңдарымен, қауіпсіздік ережесін сақтай отырып заманауи құрал-жабдықтарымен, жұмыс істеу процесімен, кәсіпорындағы өндіріліп жатқан дайын өнімдердің шығу барысын түсіндіріп өтті.
Мамандық таңдаудың бір жолы кәсіби бағдар беру
Жастарды мамандықтарын дұрыс таңдауға бағыт беру маңызды істердің бірі. Саналы түрде таңдалған мамандық жеке тұлғаның болашақ өміріне әсер етеді. Болашақтағы кәсіби мақсатына дұрыс бағыт алған оқушы бойындағы қарым қабілетін шығармашылықпен дамыта білсе сапалы маман ретінде қалыптасатыны белгілі.
Осы мақсатта оқушыларға болашақ мамандық таңдауға көмектесу және пайдалы кәсіп туралы көзқарастарын дамыту үшін М.Х.Дулати атындағы Тараз Өңірлік университетінің оқытушылары жыл сайын қала, аудан, ауылдағы білім шаңырақтарына барып, түрлі тақырыптарда еркін әңгіме жүргізеді.
2023 жылдың 25 сәуір күні “Текстиль, материалтану және стандартизация” кафедрасының т.ғ.к., д.м.а. Рахманова Ж.С., аға оқытушылар Касымова Ғ.А., Тулендиева Г.Т. Сарысу ауданы білім бөліміне қарасты орта білім беру мекемелеріне, яғни Абылайхан мектеп-лицейі, Ш.Уалиханов мектеп гимназиясы, М.Әуезов мектеп гимназиясы, Д.Қонаев, Б.Қашқынбаев, Б.Адамбаев атындағы орта мектептеріне барып, университеттің барлық білім беру бағдарламалары бойынша түсіндіріп, оқуға шақырды.
ҒЫЛЫМҒА КӨҢІЛ БЕЛСЕҢІЗ...
2023 жылдың 18 сәуір күні М.Х. Дулати атындағы Тараз өңірлік университетінің «Текстиль, материалтану және стандартизация» кафедрасының оқытушылары Маханбеталиева К.Т., Рахманова Ж.С. ғылым күніне орай Тараз қаласындағы №39 И. Панфилов атындағы мектеп-гимназиясына және №30 Ш. Мұртаза атындағы мектеп-гимназияға университеттегі студенттердің қандай ғылыми жетістіктерге жету болатындығы туралы және кәсіби бағдар жұмысы бойынша түсіндірме жұмыстарын жүргізіп қайтты.
«Текстиль және сапа» студенттердің ғылыми үйірмесінің жұмысы
«Текстиль және сапа» студенттердің ғылыми үйірмесі 2021-2022 оқу жылында «Текстиль өнеркәсібінің технологиясы және материалтану» және «Стандартизация және метрология» кафедраларының бірігуі нәтижесінде құрылды. Үйірменің қайта құрылуына байланысты барлық құжаттары қайта жасақталды.
2021-2022 оқу жылында үйірменің жоспары өзгертіліп, Тараз қаласының және Жамбыл облысының мектеп бітіруші оқушылары және колледждерінің білімгерлерінің қатысумен әртүрлі өзекті тақырыптарға шағын конференциялар, семинарлар, дөңгелек үстелдер ұйымдастырылды. Осы уақытқа дейін «ҚР Тәуелсіздігіне 30 жыл - Сапа-заман талабы», «Сапа және қауіпсіздік» тақырыптарындағы шағын конференциялар, «Текстиль дизайнындағы заманауи тенденциялар» тақырыбында дөңгелек үстел өткізілді.
Кәсіби-бағдарлау жұмыстары
2023 жылдың сәуір айының 4 күні «Текстиль, материалтану және стандартизация» кафедрасының оқытушылары т.ғ.к., кафедра меңгерушісі Шардарбек М.Ш., т.ғ.к. Рахманова Ж.С. және аға оқытушы Касымова Г.А. «Жамбыл облысы әкімдігінің білім басқармасы, Жуалы ауданынының білім бөлімі №2 Мыңбұлақ орта мектебіне, №16 С.Сейфуллин атындағы, №5 М.Ломоносов атындағы орта мектептеріне, Ә.Бөкейхан атындағы №15 мектеп-лицейіне, №19 Д.Қонаев атындағы, №1 Ш.Мұртаза атындағы мектеп-гимназияларына кәсіби-бағдарлау жұмыстарын жүргізу бойынша барып қайтты.
Кәсіби-бағдарлау жұмысы
2023 жылдың наурыз айының 29 күні «Текстиль, материалтану және стандартизация» кафедрасының оқытушылары т.ғ.к. Рахманова Ж.С., PhD докторы Маханбеталиева К.Т., аға оқытушы Касымова Г.А. және «Шебер» оқу-ғылыми-өндірістік бөлімшесінің оқу шебері Абзелбекова Ж. Жамбыл облысы, Байзақ ауданына қарасты Ақшолақ орта мектебіне кәсіби-бағдарлау жұмыстарын жүргізу бойынша барып қайтты.
Іс шара барысында 11 сынып оқушыларымен және олардың ата аналарымен кездесу ұйымдастырылды.
«Наурыз – берекем, Наурыз – мерекем!»
2023 жылғы наурыз айының 16–шы жұлдызында «Наурыз–берекем, Наурыз –мерекем!» тақырыбында 22-наурыз мерекесіне орай «Наурыз-көже» атты акциясы №1 студенттер үйінде университет көлемінде ұйымдастырылған іс-шараға Технологиялық факультетінің «Химия және химиялық технология» кафедрасының оқытушылары мен студенттері дастархан жайып, қазақ халқының дәстүрлі тағамдарымен Наурыз көже ұсынды. «Наурыз көжені тойып ішу керек, сонда жыл бойына тоқшылық болады!» деген сеніммен наурыз көже ішіледі.
«Ару көктем-Нәзік аналар»
2023 жылы 6 наурыз күні М.Х.Дулати атындағы Тараз өңірлік университетінің Технологиялық факультеті «Химия және химиялық технология» кафедрасының профессор-оқытушылар құрамын «Ару көктем-Нәзік аналар» тақырыбында 6В05314-«Химия» білім беру бағдарламасының 2 курс В2Хим-1,3 тобының студенттері 8 наурыз халықаралық аналар мерекесімен құттықтады. Мерекелік іс шарада студенттер өз өнерлерімен қонақтарды тәнті етті. Ашық кураторлық сағатта кафедра меңгерушісі РhD, қауымдастырылған професссор Матниязова Г.К. студенттерді және ПОҚ атаулы мерекемен құттықтап, ізгі тілегін білдірді. Студенттер, ПОҚ –на арналған интелктуалды ойындар ұйымдастырса, ал Амантаева Сымбат пен Курбанов Диас ән арнады, Қаршыға Балнұр «Ұстаз» тақырыбында өлең оқып, Алламбергенов Бекарыс домбырамен күйлерден папури жасап көрермендердің ыстық ықыласына бөленді. Профессор оқытушылар құрамына студенттер білім нәрімен сусындатып жүргендеріне алғыс білдіріп гүл шоқтарын ұсынды.
Бітіруші түлектердің жұмыспен қамтылуы және болашақ перспективалары
«Текстиль, материалтану және стандартизация» кафедрасының «Стандарттау, сертификаттау және метрология» мамандығының бітіруші түлектерін жұмыспен қамтамасыз ету мәселелері бойынша «Бітіруші түлектердің жұмыспен қамтылуы және болашақ перспективалары» тақырыбында дөңгелек үстел өткізілді. Дөңгелек үстелге қатысушылар:
- «Ұлттық сараптау және сертификаттау орталығы» АҚ ЖФ директоры – Ахметова Динара Сырлыбаевна
- «Бурное сүт компаниясы» ЖШС директоры – Аринов Сыбанбай Несипханович
- «Атамекен» ҚР ҰКП-ның тауарлардың шығу тегін сертификаттау бойынша эксперт – Оразгельдиева Сәуле Дильдабековна
- «Казфосфат» ЖШС, минералды тыңайтқыштар зауытының бас метрологы - Бекбауов Болат Кыпшакбаевич
- «AKBARS STROY Ltd» ЖШС ӨТБ инженері – Кәрім Еркебұлан Әбілқасымұлы
- «Тараз қаласы әкімдігінің ішкі саясат бөлімі» коммуналдық мемлекеттік мекемесінің «Жастар ресурстық орталығы» коммуналдық мемлекеттік мекемесінің басшысы - Есіркепов Абзал Есенович
- Тараз қаласы жұмыспен қамту орталығының бөлім басшысы - Ертөре Айгүл
- Карьера және бизнес серіктестік орталғының басшысы – Ержанова Мира Едигеевна
- «Текстиль, материалтану және стандартизация» кафедрасының профессор-оқытушылар құрамы және студенттері
Медиасауаттылық -заманың басты талабы
2023 жылдың 15 ақпан күні “Медиасауаттылық -заманың басты талабы” атты ашық тәрбие сағаты өтті.
Қонақта: М.Х. Дулати атындағы Тараз Өңірлік Университетінің баспасөз хатшысы, Ақпарат және медиакоммуникация орталығының директоры Бағлан Батырбекұлы болды.
Медиасауаттылық анықтамаларында бірінші мән беретін нәрсе- адамның сыни ойлай білу қабілеті. Бұл шетінен барлығын сынау емес. Сыни ойлай білетін адам біржақты пікірден аулақ болады, кез келген ақпаратты түрлі ракурстан талдай біледі.Бұл- негізгі мектеп жасында қалыптасатын машық.Батыс елдерінде білім алған отандастарымыз біздің білім беру бағдарламамыз осы жерде ақсайтынын жиі алға тартады. Ата-ананың, ұстаздың, не өзінен жасы үлкен адамның айтқанын өздігінен саралап, жеке пікірін білдіру-бұрыс не тәрбиесіздік емес.
“Ақпаратқа кім ие болса, сол әлемді билейді” деген қанатты сөздің бүгінгі шындыққа қаншалықты сай екеніне күнделікті өмірде көз жеткізіп келеміз. Ендеше осы тұрғыдан келгенде медиасауаттылықты арттыру заманның басты талабы екені сөзсіз.
МАМАНДЫҚ ТАҢДАУ – БОЛАШАҚТЫ ТАҢДАУ
Мамандық таңдау түлектердің ең маңызды шешімдерінің бірі. Мамандық таңдауда Ж.Аймаутовтың «Мамандықтың жаманы жоқ, бірақ оның кез келгеніне икемділік қажет, бұл жәй күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе»-деген сөзін назарға алу керек. Кейбір оқушылар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық болады. Әрбір түлек өзін-өзі дамыта алу үшін білім алып, сол біліміне сай мамандыққа машықтану керек.
ҚҰТТЫҚТАЙМЫЗ!
Әл-Фараби атындағы Қазақ Ұлттық университеті диссертациялық кеңесінің 2022 жылғы 28 желтоқсанның (№21 хаттама) шешімі және Басқарма Төрағасы – Ректор 2023 жылғы 10 қаңтар №68-б/а бұйрығы негізінде Мырзахметов Бауыржан Аскарбековичқа 6D060600–Химия мамандығы бойынша Философия докторы (PhD) дәрежесі берілді.
Ғылыми кеңесшілері: Цой Ирина Генадьевна – химия ғылымдарының кандидаты, «Химия және химиялық технология» кафедрасының қауымдастырылған профессоры (доценті); Celine Frochot – PhD, Lorraine университетінің профессоры, Нанси қ., Франция.
Келешекте шығармашылық табыс, жаңа жоспарларыңыздың одан әрі жүзеге асырылуын тілейміз.
Құқық бұзушылықтың алдын-алу профилактикасы
2023 жылдың 3 ақпанында «М.Х. Дулати атындағы Тараз өңірлік университеті» КЕ АҚ, Технологиялық факультеті, «Текстиль, материалтану және стандартизация» кафедрасының ұйымдастыруымен «Жамбыл облысы полиция департаментінің жергілікті полиция қызметі өкілдерінің қатысуымен студент жастарға құқық бұзушылықтың алдын-алу профилактикасы» бойынша дөңгелек үстел өткізілді.
Құқық бұзушылықтың алдын алу - қоғамдағы қылмыстың алдын алудың аса маңызды аспектісі болып табылады. Жасөспірімдердің арасындағы құқық бұзушылықтың алдын алу және оны болдырмау үшін құқықтық білімді жетілдіру керек.
Полиция өкілдері Жамбыл облысы, Тараз қаласы Полиция басқармасы, 1 полиция бөлімі, Жергілікті полиция қызметінің бөлімшесі, Ювенальдық полиция тобы, учаскелік полиция инспекторлары - полиция аға лейтенанты М.Б.Аманова, полиция капитаны Н.А.Узенбаева құқық бұзушылық туралы, кәмелетке толмаған жасөспірімдердің қылмыстық жауапкершілігін алдын алу бойынша, сондай-ақ жастар арасында болып жатқан қылмыстың түрлі мәселелеріне тоқталды.
Подробнее ...
Кәсіби-бағдарлау жұмыстары
2023 жылдың қаңтар айының 27 күні «Текстиль, материалтану және стандартизация» кафедрасының оқытушысы Рахманова Жансауле Сергеевна Қаратау қаласындағы Дінмұхамед Ахметұлы Қонаев атындағы, С.Сейфуллин атындағы, А.Пушкин атындағы орта мектептерге және А.Байтұрсынұлы атындағы гимназияға барып, кәсіби-бағдарлау жұмыстарын жүргізді.
М.Х.Дулати атындағы Тараз өңірлік университетінің барлық бағыттағы білім беру бағдарламалары бойынша, соның ішінде аталған кафедраға қарасты 6В07211 - «Инновациялық текстиль» және 6В07116 - «Материалтану және жеңіл өнеркәсіп материалдарының технологиясы», 6В07222 - “Былғары бұйымдарының инновациялық технологиялары” және 6В07511 - Стандарттау және өнеркәсіпте сапаны басқару» білім беру бағдарламалары бойынша толық түсіндірді. Мектеп түлектері туындаған сұрақтарын қойып, жауаптарын алды.
«Тоқыма, материалтану және стандарттау» кафедрасының оқытушылары мен қызметкерлерінің 2022- 2023 оқу жылындағы кәсіптік бағдарлауды жүргізу жұмыстары бойынша анықтама
Кәсіптік бағдар дегеніміз мамандық таңдаудағы жеке икемділіктерінің, қызығушылығының, кәсіптік ынтасына және қоғамның әр-түрлі деңгейдегі квалификациялы және әр-түрлі мамандық кадрларына сұранысымен жастарды дайындаудағы бағытталған іс-әрекет екенін білеміз.
Кәсіптік бағдар беру жұмысы жоспарлы түрде М.Х.Дулати атындағы Тараз өңірлік университетінде келісе отырып жыл бойы жүргізілуде. Бұл жұмысқа Университеттің технологиялық факультетінің «Тоқыма , материалтану және стандарттау» кафедрасының ұжымы белсене қатысуда. Әр оқу жылында кәсіптік-бағдарлау жұмысына арналған жоспары құрастырылып, бекітіледі.
Кәсіби – бағдар жұмысы
2023 жылдың 19 қаңтар күні кәсіби – бағдар жұмысы бойынша М.Х.Дулати атындағы Тараз өңірлік университеті Технологиялық факультеті «Текстиль, материалтану және стандартизация» кафедрасының оқытушылары Рахманова Ж.С., Касымова Г.А., Сарыбаева Э.Е. Жамбыл облысы, Байзақ ауданына қарасты, №1 гимназия, Ғ.Мұратбаев атындағы, Ю.Гагарин атындағы, М.Киікбаев атындағы, Сарыкемер атындағы мектептерге барып, кәсіби бағдарлау түсіндірме жұмыстарын жүргізді. Кәсіби –бағдарлау жұмысын жүргізу барысында мектеп түлектеріне кафедрадағы 6В07211- «Инновациялық текстиль», 6В07116- Материалтану және жеңіл өнеркәсіп материалдар технологиясы, 6В07222-Былғары бұйымдарының инновациялық технологиялары, 6В07511- «Стандарттау және өнімдер сапасын басқару» білім беру бағдарламалары таныстырылды.
Докторлық диссертация сәтті қорғалды
«Химия және химиялық технология» кафедрасының «Химия» мамандығының докторанты Мырзахметов Бауыржан Асқарбекұлы «Фотодинамикалық терапияда қолданылатын фотосенсибилизаторлардың физика-химиялық қасиеттері және кванттық-химиялық есептеулері» тақырыбында философия докторы (PhD) дәрежесін алу үшін докторлық диссертациясын 2022 жылғы 28 желтоқсанда әл-Фараби атындағы ҚазҰУ диссертациялық кеңесінде сәтті қорғады.
Сенің болашағыңның мақсаты - дұрыс мамандықты таңдау!
Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.
ЖЕҢІЛ ӨНЕРКӘСІПТІҢ ӨРКЕНДЕУІ – ЖАСТАР ҚОЛЫНДА
«Технолог» студенттік–ғылыми үйірмесінің (СҒҮ) жұмыс жоспарына сәйкес 23.12.2022 жылы Тараз қаласының мектеп бітіруші оқушыларымен «Жеңіл өнеркәсіптің өркендеуі – жастар қолында» тақырыбында дөңгелек үстел форматында ашық отырыс өтті.
Дөңгелек үстелдің мақсаты – Қазақстанның жеңіл өнеркәсіп саласындағы ғылыми-зерттеу іс-әрекеті үшін мектеп оқушыларының зерттеушілік дағдыларын дамыту. Дөңгелек үстелде мектеп оқушылары мен үйірме мүшелері Қазақстан Республикасының жеңіл өнеркәсібінің мәселелерін талқылады.