ДІНИ ЭКСТРЕМИЗМНІҢ АЛДЫН-АЛУ ПРОФИЛАКТИКАСЫ
07.10.2021ж. күні Дулати университеті Дінтану орталығының бас маманы Б.Қ.Алпысбаев және «Шетел филологиясы және аударма ісі» кафедрасының кураторы С.С.Абдраимовамен бірлесе отырып, «Аударма және ағылшын филологиясы» мамандығының 1-курс студенттеріне діни экстремизмнің алдын-алу профилактикалық жұмыстарын жүргізді. Кездесуде санитарлық талаптар сақталып, Б.Алпысбаев дінтанушы маман ретінде студент жастарға қоғамдағы діни жағдаймен таныстырып өтті. ҚР «Діни қызмет және діни бірлестіктер туралы» Заңның 3-бабының 4-тармағы бойынша діни білім беру ұйымдарын қоспағанда, Қазақстан Республикасында бiлiм беру мен тәрбиелеу жүйесі дін мен діни бірлестіктерден бөлiнген және зайырлы сипатта болады. Ал, ҚР «Білім туралы» Заңына сəйкес, білім саласындағы мемлекеттік саясаттың негізгі қағидаттарының бірі білім берудің зайырлы, гуманистік және дамытушылық сипаты болып табылатындығы туралы түсіндірілді.
ЖАСТАРДЫҢ БОЙЫНДА РУХАНИ ТӘРБИЕЛІК ҚҰНДЫЛЫҚТАРДЫ ҚАЛЫПТАСТЫРУ
30.09. - 01.10.2021ж. күндер аралығында Дулати университеті «Дінтану орталығының» жұмыс жоспарына сәйкес, «Ұстаз» институтына қарасты «Химия-биология», «Физика», «Математика» мамандықтарының 1-курс студенттеріне дін саласындағы ақпараттық-түсіндіру жұмыстары жүргізілді. Кездесудің мақсаты: қоғамдағы діни экстремизм мен терроризмнің алдын-алу бағытында студент жастардың діни сауаттылықтарын қалыптастыру болып табылады. Сондай-ақ, дінтанушы Б.Алпысбаев деструктивті діни ағымдардың идеологиясынан сақ болуға, интернет желісінде күмәнді діни мазмұнды ақпараттарды таратпауға шақырды. Студенттердің бойында рухани иммунитет дұрыс бағытта қалыптасатын болса, онда ешқандай радикалдық діни топтардың ықпалына түспейді. Студент жастар көкейдегі сұрақтарын ортаға салып, оларға ғылыми және дінтанулық тұрғыда жауаптар берілді.
МӘДЕНИЕТ – ҰЛТТЫҚ ҚАЙТА ӨРКЕНДЕУ КОДЫ
2021 жылдың 29-қыркүйегінде Жамбыл ауданы әкімдігінің білім бөлімі Айша бибі орта мектебінің ұйымдастыруымен «Мәдениет – ұлттық қайта өркендеу коды» тақырыбында дөңгелек үстел іс-шарасы өтілді. Бұл іс-шараға М.Х.Дулати атындағы Тараз өңірлік университеті «Дінтану орталығының» бас маманы Б.Қ Алпысбаев және «Қазақ тілі және әдебиет» кафедрасының доценті С.М. Исматова қонақ ретінде шақырылып, оқушылармен тарихи, әдеби, рухани тәрбие тұрғыда ой тербетті. Адам баласы қашанда тәрбиеге мұқтаж. Тәрбие еліміздің, ұлтымыздың бүгіні мен болашағы баянды болу үшін қажет. Сондықтан да алдымен, бүгінгі қоғам келбетімен үндесетін ұлт болашағының бағытын анықтап алу керек. Әр ұлттың баяғы заманнан келе жатқан тәрбиелеу жүйесінің өзіндік жолы бар. Тәрбие ұлттық табиғи тамырынан кіндік үзсе, тәрбиелік қасиетін жоғалтады. Сондықтан оны рухани тұрғыда ұлт тағдырымен байланыстыра отырып, бүгінгі қоғам келбетімен санаса отырып, алға бастыру қажет.
БІЛІМ БЕРУ ЖҮЙЕСІНДЕ ДІН САЛАСЫНДАҒЫ АҚПАРАТТЫҚ-ТҮСІНДІРУ ЖҰМЫСТАРЫ
23.09. – 24.09.2021ж. күндер аралығында «Гуманитарлық-әлеуметтік ғылымдар» факультетінің ұйымдастыруымен топ кураторлар мен 1-курс студенттерге арналған дін саласындағы ақпараттық-түсіндіру жұмыстары жүргізілді. Аталған іс-шараға Дулати университетінің құрамындағы Дінтану орталығының бас маманы Бахтияр Алпысбаев дінтанушы маман ретінде шақырылды. Дінтану орталығының жұмыс жоспарына сай, Б.Алпысбаев өз баяндамасында ҚР Діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасы және ҚР «Діни қызмет және діни бірлесіктер туралы» заңына сәйкес діни экстремизм мен терроризмнің қауіп-қатерінен сақтану жолдары, мемлекет пен дін арақатынасын реттейтін зайырлылық ұстанымды сақтау және университетінің ішкі тәртіп Ережесін, Корпоративтік әдеп туралы Ережесін сақтау туралы ой-пікірлерді айтып өтті.
ДІНИ ЭКСТРЕМИЗМ – ҒАСЫР ІНДЕТІ
15.09.2021ж. күні Ш.Уәлиханов атындағы Жамбыл облыстық әмбебап ғылыми кітапханасында жастарды ұлттық патриоттыққа тәрбиелеу және дәстүрлі емес діни ағымдардан сақтандыру мақсатында Жамбыл облысы орталық «Һибатулла Тарази» мешітінің бас имамы Бейбіт Әліпбекұлы Мырзагелдиевтің тікелей қатысуымен «ДІНИ ЭКСТРЕМИЗМ – ҒАСЫР ІНДЕТІ» тақырыбында «facebook» әлеуметтік желінің тікелей эфирінде сұхбат ұйымдастырылды.
ЖАСТАР АРАСЫНДА ДІНИ ЭКСТРЕМИЗМ ПРОФИЛАКТИКАСЫН КҮШЕЙТУ ЖОЛДАРЫ
06.09.2021ж. күні Тараз сервис және технология колледжінің ұйымдастыруымен «Жастар арасында діни экстремизм профилактикасын күшейту жолдары» тақырыбында іс-шара өтілді. Аталған іс-шараға Дулати университеті Дінтану орталығының бас маманы Б.Қ.Алпысбаев дінтанушы маман ретінде шақырылып, білім беру ұйымдарында білім жүйесінің негізін құрайтын қағидаттарды таныстырып өтті.
«КӘМЕЛЕТКЕ ТОЛМАҒАНДАР АРАСЫНДАҒЫ ҚҰҚЫҚ БҰЗУШЫЛЫҚТЫҢ АЛДЫН-АЛУ МӘСЕЛЕЛЕРІ» ТАҚЫРЫБЫНДА СЕКЦИЯ ОТЫРЫСЫ ӨТІЛДІ
20.08.2021ж. күні Жамбыл облысы әкімдігі білім басқармасының ұйымдастыруымен 2021-2022 оқу жылына арналған облыстық тамыз педагогикалық кеңесінің «Кәмелетке толмағандар арасындағы құқық бұзушылықтың алдын-алу мәселелері» тақырыбында секция отырысы өтілді. Іс-шара онлайн түрде өтіліп, құқық қорғау орган қызметкерлері және 185 астам білім саласындағы қызметкерлер қатысты. Бұл секцияда Бахтияр Қаржаубайұлы Алпысбаев дінтанушы маман ретінде кәмелетке толмағандардың арасындағы діни экстремизмнің алдын-алу бағытына байланысты қоғамдағы радикалдық идеологияға қарсы рухани иммунитеттті қалыптастыру үшін ақпараттық-түсіндіру жұмыстарын тоқтатпау керектігін атап өтті. Өйткені, идеологиялық, рухани-тәрбиелік жұмыстардың тиімді жүргізу бағыты назарға алынбаса, жастар арасында рухани, адамгершілік және патриоттық идеялардың тоқырауға ұшырайтыны рас.
Ы.ДҮКЕНҰЛЫ АТЫНДАҒЫ ТАРАЗ ҚАЛАЛЫҚ МӘДЕНИЕТ ҮЙІНІҢ ҰЙЫМДАСТЫРУЫМЕН ДІН САЛАСЫНА БАЙЛАНЫСТЫ КЕЗДЕСУ ӨТКІЗДІ
03.09.2021ж. күні Ы.Дүкенұлы атындағы тараз қалалық мәдениет үйінің ұйымдастыруымен дін саласына байланысты кездесу өткізді. Бұл кездесуге Дулати университеті Дінтану орталығының бас маманы Б.Алпысбаев дінтанушы маман ретінде шақырылды. Бахтияр Алпысбаев өз сөзіңде: «Қазақстанның әрбір азаматы этникалық шығу тегі мен діни көзқарасына қарамастан, өзінің мәдениетін, дәстүрі мен тілін дамытуға, қоғам мен мемлекет өмірінің барлық салаларына атсалысуға құқылы. Қазақ халқы және басқа да этностардың тарихи қалыптасқан ұлттық дәстүрлері мен әдет-ғұрыптарына құрметпен қарау мемлекеттің ерекшелігі болып табылатындығын атап өтті». Іс-шара бейнероликке түсіріліп, әлеуметтік желілерге жүктелінді.
«АУЫРЫП ЕМ ІЗДЕГЕНШЕ, АУЫРМАЙТЫН ЖОЛ ІЗДЕ»
Елімізде қалыптасқан күрделі эпидемиялық ахуал бүкіл қоғамды алаңдатып отыр. Қазіргі таңда коронавируспен күресудің бірден-бір әрі сенімді жолы вакцина салу міндеті тұр. Қиындықтан шығу жолын ертерек ойластырған өзге елдердің тәжірибесіде дәлелдеді. Мәселен, Израиль мен Біріккен Араб Әмірліктерінде вакцина салдырудан көш басындағы елдерде білім, туризм, сауда, шағын және орта бизнес секілді түрлі салалардың жұмыстары қайта жанданып отыр. Коронавирустың жаппай таралуын ауыздықтай алды. Экономиканың қайта қалпына келуін қамтамасыз етті. Сондықтан бізге пандемияға қарсы күресте және вакцина салу кезінде осы елдің ұтымды тәжірибесін ескергеніміз жөн.
№3 СТУДЕНТТІК ҮЙІНДЕ ӨТІЛГЕН АКАДЕМИЯЛЫҚ САҒАТ
2021 жылдың 04-мамырда сағат 19.00-де М.Х.Дулати атындағы Тараз өңірлік университетінің №3 Студенттік үйінде дін саласындағы ақпараттық-түсіндіру жұмыстары жргізілді. Аталған кездесуге Дінтану орталығының бас маманы, дінтанушы Б.Алпысбаев және «Саналы ұрпақ» фронт-офисінің бас маманы А.Қадырқұлов қатысты. Дінтанушы Б.Қ.Алпысбаев студенттерге дін саласына байланысты әлеуметтік желіде дәстүрлі емес діни ағымдардың идеологиясынан сақ болуға шақырды. Сонымен қатар, дін мен дәстүрдің сабақтастығы, қазақ ойшылдардың рухани мұралары және діни экстремизмнің қауіп-қатері туралы ғылыми танымда мәліметтер айтылды. Іс шара соңында сұрақ-жауап ретінде жалғасты.
ТҮЗЕТУ МЕКЕМЕЛЕРІНДЕ ДІН САЛАСЫНДАҒЫ АҚПАРАТТЫҚ-ТҮСІНДІРУ ЖҰМЫСТАР
Жамбыл облысы бойынша Қылмыстық-атқару жүйесі департаментінің 14.04.2021ж. күні жолдаған сұраныс хатына сәйкес М.Х.Дулати атындағы Тараз өңірлік университеті Дінтану орталығының бас маманы Б.Қ.Алпысбаев 27-29 сәуір аралығында УЖД 158/2, УЖД 158/4 түзету мекемелерінде дін саласындағы ақпараттық-түсіндіру жұмыстарын жүргізді. Бұл кездесуде сотталғандарға ҚР «Діни қызмет және діни бірлестіктер туралы» заңы, ҚР «Діни экстремизм мен терроризмге қарсы іс-қимыл жөніндегі 2018-2022 жылдарға арналған бағдарламасының» бағыт-бағдарын жүзеге асыру және мемлекеттің ішкі тұрақтылығына нұқсан келтіретін дәстүрлі емес діни ағымдардың идеологиясынан сақ болу шақырды. Сонымен қатар, А.Құнанбайұлы, Ш.Құдайбердіұлы қазақ ойшылдардың рухани мұралары: «Мал кетер, мазаң кетер, ар бұйырмас», «Ел бастайтын жастар жай жатпауы керек. Ғылымға аш болуы керек» дегендей адамның бойындағы ең басты құндылығы ар-ұяты мен білімі туралы айтылды. Бейнеролик көрсетіліп, қойылған сұрақтарға толыққанды жауаптар берілді.
«ҰЛТТЫҚ ҚҰНДЫЛЫҚ ЖӘНЕ ДІН»
2021 жылдың 23-сәуірде Дулати университетіне қарасты «Су шаруашылығы, экология және құрылыс» институтының бастамасымен «Ұлттық құндылық және дін» тақырыбында кездесу ұйымдастырды. Бұл кездесуге Жамбыл облысы әкімдігі Дін проблемаларын зерттеу орталығының бөлім басшысы Ерзат Жасқанбайұлы Жақыпов және Дінтану орталығының бас маманы Б.Қ.Алпысбаев қатысып, студент жастарға ұлттық-діни бірегейлік, дін мен дәстүр сабақтастығы, рухани тарих туралы ой қозғады. Қоғамдағы діни экстремизмге қарсы тұратын төте жол – ол ұлттық құндылықты жаңғырту. Ұлы Абай өз өсиетінде: «Адам баласы адам баласынан ақыл, ғылым, ар, мінез деген нәрселермен озбақ. Онан басқа нәрсеменен оздым ғой демектің бәрі де – ақымақтық».
ДУЛАТИ УНИВЕРСИТЕТІНІҢ № 1 СТУДЕНТТЕР ҮЙІНДЕ ТӘРБИЕ САЛАСЫНДА ӨТІЛГЕН АҚПАРАТТЫҚ-ТҮСІНДІРУ ЖҰМЫСТАРЫ
2021 жылдың 09-сәуірде Дінтану орталығының бас маманы, дінтанушы Б.Қ.Алпысбаев және «Sanaly urpaq» жобалық фронт-офисінің бас маманы А.Қадырқұлов жатақхана студенттерінің бойындағы академиялық адал қасиеттерді қалыптастыру жолдарына байланысты тәрбиелік бағытта кездесу өткізді. Аталған кездесуде ең бастапқы жатақхананың ішкі тәртіп Ережесі, студенттерге арналған Ар-намыс кодексі және білім беру жүйесіндегі академиялық адалдықты сақтауына байланысты жан-жақты ақпараттар айтылды. Сонымен қатар, дінтанушы Б.Қ.Алпысбаев өз баяндамасында студенттерді дәстүрлі емес діни ағымдардың идеологиясынан сақ болуға шақырды және интернет-желісінде діни-саяси экстремизмді насихаттайтын парақшаларды мүлдем оқуға, таратуға болмайтындығы туралы айтып өтті. Соңында сұрақ-жауап ретінде жалғасын тапты.
СТУДЕНТТЕРДІҢ ДІНИ САУАТТЫЛЫҒЫН ҚАЛЫПТАСТЫРУДЫҢ МАҢЫЗДЫЛЫҒЫ
2021 жылдың 31-наурызда Дулати университетінің «Су шаруашылығы, экология және құрылыс» институтына қарасты «Мелиорация және агрономия» кафедрасының оқытушысы Қоңыр Сандуғаштың ұйымдастыруымен 1-курс студенттеріне кураторлық сағатын өткізді. Аталған іс-шараға Дінтану орталығының бас маманы, дінтанушы Б.Қ.Алпысбаев шақырылып, дін саласында өз пікірін білдірді: «экстремистік топтардың қауіпі туралы жастарды көбірек хабардар етіп отыру қажет. Себебі, дін қазіргі жастарға әсер ететін белсенді күштердің бірі болып табылады. Сол үшін діни радикалдық идеологияға қарсы рухани иммунитетті қалыптастыруға бағытталған ақпараттық-түсіндіру жұмыстарды тоқтатпау керек» атап өтті.
М.Х.ДУЛАТИ АТЫНДАҒЫ ТАРАЗ ӨҢІРЛІК УНИВЕРСИТЕТІНІҢ № 2 СТУДЕНТТЕР ҮЙІНДЕ ӨТІЛГЕН ІС-ШАРАНЫҢ АҚПАРАТЫ
2021 жылдың 29-наурызда «Гуманитарлық-әлеуметтік ғылымдар» факультетіне қарасты «Философия және саясаттану» кафедрасының ұйымдастыруымен №2 Студенттер Үйінде студенттерді деструктивті діни ағымдардың ықпалынан сақтау мақсатында дін саласындағы ақпараттық-түсіндіру жұмыстары жүргізілді. Аталған кездесуге Дінтану орталығының бас маманы Б.Қ.Алпысбаев дінтанушы маман ретінде шақырылып, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламаның «діни алауыздықты немесе араздықты тудыруға, терроризм мен экстремизм идеяларын насихаттау нысандарын, әдістері мен тәсілдерін әшкерелеуге бағытталған терроризм мен экстремизм идеяларының қауіптілігін түсіндіру», «орта, техникалық және кәсіптік, жоғары білім беру ұйымдарында оқитындарды рухани-адамгершілік, оның ішінде үкіметтік емес секторды тарта отырып тәрбиелеу бойынша іс-шараларды өткізу» бағыттарын жүзеге асыру мақсатында дәстүрлі емес діни ағымдардың идеологиялық қауіп-қатерлері түсіндірілді. Соңында сұрақ-жауап ретінде жалғасын тапты.
ЭКСТРЕМИСТІК ТОПТАРДЫ ҚАЛАЙ АЖЫРАТУҒА БОЛАДЫ?
25.11.2020ж. күні «AQ-JOL» Жамбыл облыстық қоғамдық-саяси газетінде Дулати университетіне қарасты Дінтану орталығының бас маманы, дінтанушы Б.Қ.Алпысбаевтың «Экстремистік топтарды қалай ажыратуға болады?» тақырыбында мақаласы жарияланды.
"ХОЧЕШ ИЗМЕНИТЬ МИР? НАЧНИ С СЕБЯ" ТАҚЫРЫБЫНДАҒЫ МАҚАЛА
Жамбыл облыстық «Знамя труда» газетінің 15.02.2021ж. күні №19 санында «Хочеш изменить мир? Начни с себя» тақырыбында жарияланған мақалада Дулати университетінің Дінтану орталығының бас маманы Б.Қ.Алпысбаев діни танымдық ой-пікірін білдірді.
М.Х.ДУЛАТИ АТЫНДАҒЫ ТАРАЗ ӨҢІРЛІК УНИВЕРСИТЕТІ «ҰСТАЗ» ИНСТИТУТЫНЫҢ ПИП-20-1 ТОБЫНДА ӨТІЛГЕН ІС-ШАРАНЫҢ АҚПАРАТЫ
2021 жылдың 21-ақпанында «Психология және акмеология» кафедрасының аға оқытушысы Махашова Патиманың ұйымдастыруымен ПиП-20-1 тобының 1-курс студенттеріне арналған дін саласына байланысты «Ислам дініндегі қыз бала тәрбиесі» тақырыбында тәрбие сағаты өтілді. Бұл кездесуге Дінтану орталығының бас маманы, дінтанушы-магистр Б.Алпысбаев шақырылып, тыңдаушы қауымға өз ойын білдіріп өтті. Б.Алпысбаев алғашқы сөзінде студенттерге арналған ішкі тәртіп Ережесімен таныстырып, сонымен қатар, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламаның 5-бөлімі «орта, техникалық және кәсіптік, жоғары білім беру ұйымдарында оқитындарды рухани-адамгершілік, оның ішінде үкіметтік емес секторды тарта отырып тәрбиелеу бойынша іс-шараларды өткізу» тармағына сәйкес, қазақ халқының ұлттық құндылықтарын жаңғырту және қыз баланың бойында инабаттылық, мейірімділік қасиеттерді қалыптастыру туралы кеңінен ғылыми-тарихи тұрғыда айтты. Іс-шара соңында студенттер сұрақ қойып, толыққанды жауаптарын алды. Қатысқан саны- 8 студент.
Подробнее ...
ӘСКЕРИ САЛАСЫНДА ДІНИ ЭКСТРЕМИЗМ МЕН ТЕРРОРИЗМНІҢ АЛДЫН-АЛУ ЖОЛДАРЫ
2021 жылдың 08-қантарында М.Х.Дулати атындағы Тараз өңірлік университетінің әскери кафедрасының ұйымдастыруымен әскери оқу-жаттығу құрамында жүрген студенттерге ZOOM платформасы арқылы дін саласында ақпараттық-түсіндіру жұмыстары жүргізілді. Бұл кездесуге Дінтану орталығының жетекшісі, дінтанушы-магистр Б.Қ.Алпысбаев қатысып, өз баяндамасында: «...еліміздің егеменді мемлекет ретінде қалыптасуының сипаты халықтың рухани, адамгершілік, имандылық көзқарасы, жастар арасындағы білім мен тəрбиеге байланысты болады. Ата-бабаларымыздың болашақ ұрпақтың өмірлік бет-бағдарын қалыптастыруға, яғни олардың бойында ерік, жігер, табандылық, тұрақтылық қасиеттерінің болуына үлкен мəн берген...» дей келе, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған бағдарламаны жүзеге асыру мақсатында діни экстремизмнің алдын-алу жолдардың бірі - өз уақытында шынайы мәлімет беру. Діни ағымдардың қаупі және олардың белгілері туралы жастарға көбірек ақпараттар берілсе, радикалдық діни топтардың қатарына кете қоймайды. Іс-шараның соңында бейнеролик көрсетіліп, сұрақ-жауап ретінде жалғасты.
ОРТА МЕКТЕПТЕРДЕ ӨТІЛЕТІН «ЗАЙЫРЛЫЛЫҚ ЖӘНЕ ДІНТАНУ НЕГІЗДЕРІ» ПӘНІНІҢ САПАЛЫҒЫН АРТТЫРУ ЖОЛДАРЫ
2021 жылдың 25-29 қантар аралығында Жамбыл облысы әкімдігі білім басқармасының ұйымдастыруымен №36, №3, №5 орта мектептерінің 9-11 сынып оқушылары мен «Зайырлылық және дінтану негіздері» пәнінің мұғалімдеріне дін саласындағы ақпараттық-түсіндіру жұмыстары ZOOM платформасы арқылы онлайн кездесу өтілді. Аталған кездесуге Жамбыл облыстық және Тараз қалалық дін саласындағы ақпараттық-түсіндіру тобының мүшесі ретінде, дінтанушы Б.Қ.Алпысбаев шақырылып, ҚР дін саласындағы мемлекеттік саясатының 2021-2023 жылдарға арналған кешенді жоспарымен таныстырып өтті. ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған бағдарламасын іске асыру барысында «Зайырлылық және дінтану негіздері» пәнінің сапалық жүйесін жақсарту, жастардың діни сауаттылығын қалыптастыру, діни экстремизм мен терроризмнің алдын-алу мақсатында ағартушылық жұмыстарды жаңғырту және интернет-желісінде күмәнді діни парақшалардан сақ болу туралы оқушыларға кеңінен түсіндірілді. ҚР «діни қызмет және діни бірлестіктер туралы» заңға байланысты сұрақтар қойылып, өзекті жауаптар берілді.
ТАРАЗ ҚАЛАСЫ, ЖАМБЫЛ ИННОВАЦИЯЛЫҚ ЖОҒАРЫ КОЛЛЕДЖІНДЕ ӨТІЛГЕН ОНЛАЙН СЕМИНАРДЫҢ АҚПАРАТЫ
2021 жылдың 27-қантарда Жамбыл инновациялық колледжінде «Теріс пиғылды діни ағымдар» тақырыбында ZOOM платформасы арқылы онлайн кездесу ұйымдастырылды. Аталған кездесуге М.Х.Дулати атындағы Тараз өңірлік университеті Дінтану орталығының жетекшісі Б.Қ.Алпысбаев баяндамашы ретінде қатысып, қоғамдағы дәстүрлі емес діни ағымдардың ықпалынан сақтану жолдарына байланысты ақпараттық-түсіндіру жұмыстарын жүргізді. Ислам бағытындағы жат діни ағымның идеологиясы демократиялық мемлекеттің зайырлылық принциптеріне, ханафи мазхабына, дәстүрлі қоғамның құндылығына қарама қайшы пікірлері бар екендігі және интернет желісінде олардың діни мазмұндағы үгіт-насихатын бөлісуге, тындауға және таратуға мүлдем болмайтындығы туралы кеңінен ақпараттар айтылды. Соңында сұрақ-жауап ретінде жалғасты. Барлығы қатысқан адам саны - 44.
«ДІНИ ЭКСТРЕМИЗМ МЕН ТЕРРОРИЗМ – ӘЛЕМГЕ ТӨНГЕН ҚАУІП» ТАҚЫРЫБЫНДА ДІН САЛАСЫНДА КЕЗДЕСУ
2021 жылдың 11-қантарда Мектеп олимпиадалар және мектептен тыс іс-шараларды өткізетін облыстық «Жамбыл дарыны» орталығының КММ ұйымдастыруымен «Діни экстремизм мен терроризм – әлемге төнген қауіп» тақырыбында дін саласында кездесу өткізді. Бұл кездесуге Дулати университетінің Дінтану орталығының бас маманы, дінтанушы Б.Қ.Алпысбаев баяндамашы ретінде шақырылып, оқушыларға діни экстремизмнің қауіп-қатерінен және интернет-желісінде радикалдық діни идеяны астарлы түрде насихаттайтын діни ағымдардың парақшаларынан сақ болуға шақырды. Жастардың бойында ұлттық тәрбие мен рухани құндылықтарды қалыптастыру, діни экстремизмнің алдын-алу профилактикалық жұмыстарды күшейту мәселесі өте өзекті.
ZOOM ПЛАТФОРМАСЫ АРҚЫЛЫ ДІН САЛАСЫНДА АҚПАРАТТЫҚ-ТҮСІНДІРУ ЖҰМЫСТАРЫ ЖҮРГІЗІЛДІ
2020 жылдың 23-желтоқсанда Дулати университеті «Мұнай, газ және механика» факультетіне қарасты «Электрэнергетика» кафедрасының аға оқытушысы Ғани Құттыбаев Үсенұлының ұйымдастыруымен 1-курс студенттеріне және топ кураторларына ZOOM платформасы арқылы дін саласында ақпараттық-түсіндіру жұмыстары жүргізілді. Бұл іс-шараға Дінтану орталығының бас маманы, дінтанушы-магистр Б.Қ.Алпысбаев қатысып, қоғамдағы дәстүрлі емес діни ағымдардың ықпалынан сақтану және алдын-алу жолдарына байланысты ғылыми танымда рухани иммунитетті арттыратын бағыттарды тоқтатпау керек екендігін атап өтті. Рухани дүниетанымы, ой-санасы ұлттық құндылықтардан нәр алып өз тарихын, мәдениетін білген жас ұрпақ, өзге радикалдық діни ағымның қатарына кете қоймайды. Соңында сұрақ-жауап ретінде жалғасты. Барлығы қатысушылар саны – 23.
«ДІНИ ЭКСТРЕМИЗМ МЕН СУИЦИДТІҢ АЛДЫН-АЛУ ЖОЛДАРЫ» ТАҚЫРЫБЫНДА ОНЛАЙН ФОРМАТТА ІС-ШАРА ӨТІЛДІ
Жамбыл облысы Төтенше жағдайлар департаменті «Өрт сөндіру және авариялық - құтқару жұмыстары қызметі» мемлекеттік мекемесінің ұйымдастыруымен «Діни экстремизм мен суицидтің алдын-алу жолдары» тақырыбында онлайн форматта іс-шара өтілді. Аталған іс-шараға Дулати университеті Дінтану орталығының бас маманы Б.Қ.Алпысбаев қонақ ретінде шақырылып, мекеме қызметкерлеріне дін саласындағы ақпараттық-түсіндіру жұмыстарын жүргізді. Онлайн форматта барлық қалалық, аудандық өрт-сөндіру бөлімшелері қатысты. Дінтанушы Б.Алпысбаев өз сөзінде: ҚР дін саласындағы мемлекеттік саясатының 2017-2020 жылдарға арналған тұжырымдамасы, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған бағдарламаның бағыт-бағдарларын жүзеге асыру мақсатында қоғамдағы әсіресе, әскери саласында діни экстремзимнің алдын алу профилактикалық жұмыстарын тоқтатпау керектігін атап өтті. Іс шара соңында сұрақ-жауап ретінде жалғасын тапты.