«ДІНИ КЕЛІСІМ - БІРЛІК ПЕН ТҰРАҚТЫЛЫҚ КЕПІЛІ»
2023 жылдың 10 - сәуірде «Білім берудегі шетел тілдері» кафедрасының оқытушысы Э.Бектұрсынованың бастамасымен «Қазақ тілі» білім беру бағдарламасының 1-курс студенттеріне «Діни келісім - бірлік пен тұрақтылық кепілі» тақырыбында тәрбие сағаты өтілді. Аталған іс-шараға Тәрбие және әлеуметтік мәселелер жөніндегі департаментінің бас маманы Б.Қ.Алпысбаев дінтанушы маман ретінде шақырылып, қоғамдағы деструктивті діни ағымдардың ықпалынан сақтану үшін, жастардың бойында ұлттық сананы қалыптастыру және дәстүрлі діндердің ғылыми-теориялық негізін дамыту қажеттілігі айтылды. Қойылған сұрақтарға дінтанулық бағытта жауаптар берілді.
«АЗАМАТТЫҚ ҚОРҒАУ ҚЫЗМЕТКЕРЛЕРІНЕ ДІНИ ПРОФИЛАКТИКАЛЫҚ ЖҰМЫСТАР»
2023 жылдың 28-наурыз күні Жамбыл облысы Төтенше жағдайлар департаменті өрт сөндіру және авариялық-құтқару жұмыстары қызметі мекемесінде «Діни экстремизм мен суицидтың алдын-алу жолдары» тақырыбында семинар өтілді. Аталған мекеменің сұраныс хатына сәйкес, Дінтану орталығының бас маманы Б.Қ.Алпысбаев дінтанушы маман ретінде шақырылып, семинарда ҚР дін саласындағы мемлекеттік саясатын жүзеге асыру бағыттарымен таныстырып өтті. Сонымен қатар, мекеме басшысы А.Абсатов тарапынан азаматтық қорғау органдарында діни экстремизм мен терроризмнің алдын-алуға арналған іс-шараларға белсене қатысқандығы және өрт жауынгерлеріне патриоттық, рухани құндылықтарды дарытқандығы үшін Б.Қ.Алпысбаевты алғыс хатпен марапаттады.
«ДІНИ ЖӘНЕ ҚҰҚЫҚТЫҚ САУАТТЫЛЫҚТЫҢ МАҢЫЗДЫЛЫҒЫ»
2023 жылдың 15-наурыз күні «Автоматтандыру және телекоммуникация» кафедрасының оқытушылары Р.Ж.Джанузақова мен Л.Н.Есмаханованың ұйымдастыруымен №1 студенттер үйінде «Құқық бұзушылықтың алдын-алу жолдары» тақырыбында кедесу семинары өтілді. Аталған семинарға университет құамындағы Дінтану орталығының бас маманы Б.Қ.Алпысбаев қонақ ретінде шақырылып, дін саласына байланысты өзінің терең ой-пікірімен бөлісті. Қоғамдағы деструктивті діни ағымдардың ықпалынан қорғану және олардың идеологиялық қауіп-қатерінен сақтану үшін студенттердің бойында дінижәне құқықтық сауаттылықтың жоғары болу қажеттілігі айтылды.
«ҚАЗАҚ ОЙШЫЛДАРДЫҢ ДІНИ ШЫҒАРМАЛАРЫ»
2023 жылдың 03-наурызында Облыстық жастар орталығының «Instagram» әлеуметтік желідегі ресми парақшасында (aulieat_jastary) дінтанушы-магистр Б.Алпысбаевтың қатысуымен «Қазақ ойшылдардың діни шығармалары» тақырыбында тікелей эфир өтілді. Кездесу барысында Б.Алпысбаев түркі ойшылдардың еңбектері, қазақ ақын-жыраулардың шығармаларындағы діни сарындар және халық ауыз әдебиетіндегі жанрлар туралы айтып өтті. Әсіресе, жыраулық мектептердің қызметі және діни қиссалар, батырлар жыры, бесік жыры арқылы қазақ халқының ұлттық руханияты сақталып отырғандығы, сонымен қатар, дәстүрлі емес діни ағымдардың идеологиясына қарсы өзіміздің ұлттық құндылықтарды насихаттау арқылы ғана төтеп беруге болатындығы айтылды.
ҰЛТТЫҚ ЖӘНЕ ДІНИ БІРЕГЕЙЛІККЕ ЖЕТЕЛЕЙТІН МӘДЕНИЕТ ҚҰНДЫЛЫҚТАРЫ
Дінтанушы-магистр Б.Алпысбаев
Халықтың рухани деңгейі арқылы ұлттық бірегейлік көрініп, өркениетке жетіліп отырады. Бұл ретте ұлттық тәрбие, діни сауаттылық, рухани тарих, мәдениет, өнер, білім секілді мәселелердің міндетті түрде бірге жүретіні анық. Ал, қоғамдағы неше түрлі діни ағымдардың идеологиясы жоғары болатын болса, сол елдің ұлттық бірегейлікті ыдыратуға әкеліп соқтырады. Ұлттың мәдениеті мен салт-дәстүрінің ата дініне қайшы келмейді. Қазіргі таңда әлемде болып жатқан түрлі саяси құбылыстар, әсіресе дәстүрлі емес діни ағымдар, түрлі діни топтар кез келген мемлекеттің рухани өмірінде алдыменен халықтың болмысындағы ұлттық бірегейлікті жою амалдарымен көрінуде. Егер қоғамдағы жастардың бойында ұлттық сана, дәстүрлі діни таным және оның құндылықтары туралы ұғым қалыптаспаса кез келген теріс идеология жастардың ой өрісіне кері ықпал етіп қоғамынан ажыратып алып кететіндігі анық. Діннің өзінде ешқашан проблема болмаған. Бірақ дін қоғамда танымдық, ғылыми, идеялық және практикалық тұрғыдан өзіндік функциональдық тепе-теңдікті қамтамасыз ете алмаса, қоғамның ішкі бірлігін әлсіретіп, қақтығыстарға себеп болуы ықтимал. Жат идеологиялардың әсері туралы сөз қылғанда, олардың артында басқа халықтардың белгілі бір құндылықтары мен символдары тұрғанын естен шығармау қажет. Керісінше оларға өзіміздің ұлттық құндылықтарды насихаттау арқылы ғана төтеп бере аламыз.
«ЖАТ ДІНИ АҒЫМҒА ҚАРСЫ ҰЛТТЫҚ ҚҰНДЫЛЫҚТЫ ҚАЛЫПТАСТЫРУ»
2023 жылдың 08-ақпанында №3 мектеп-лицейінің 9-сынып оқушыларына дін саласына байланысты ақпараттық-түсіндіру жұмыстары жүргізілді. Кездесуге республикалық және облыстық дін саласындағы ақпараттық-түсіндіру тобының мүшесі, дінтанушы-магистр Б.Алпысбаев шақырылып, қоғамдағы өзге діни идеологияның қауіптілігінен сақтану үшін оқушылардың бойында рухани иммунитеттің жоғары болуы және ұлттық бірегейлікті қалыптастырудың маңыздылығы айтылды. Сонымен қатар, «Дін мен дәстүрдің сабақтастығы» бейнеролигі көрсетіліп, діни сауаттылықты арттыруына байланысты көптеген сұрақтарға жауаптар берілді.
«ДІНИ САУАТТЫЛЫҚ - ҚАУІПСІЗДІКТІҢ БАСТЫ БЕЛГІСІ»
2023 жылдың 03-ақпан айында "Ақпараттық технологиялар факультетіне" қарасты «Басқару жүйесіндегі автоматтандыру және ақпараттандыру» және "Талшықты оптикалық жүйелері мен желілері" мамандығының 1-курс студенттеріне дін саласына байланысты ақпараттық-түсіндіру жұмыстары жүргізілді. Кездесудың мақсаты - студент жастарды деструктивті діни ағымдардың идеологиялық ықпалынан қорғау болып табылады. Студенттерге әуелі "Дін мен дәстүр сабақтастығы" туралы бейнеролик көрсетіліп, одан кейін дінтанушы Б.Алпысбаев қоғамдағы діни ахуалға тоқалды. ҚР дін саласындағы мемлекеттік саясатын жүзеге асыру жөніндегі 2021-2023 жылдарға арналған кешенді жоспарға сәйкес, деструктивті діни ағымдардың қауіп-қатерін алдын-алу үшін жастардың діни сауаттылықтарын қалыптастыру өзекті мәселенің бірі. Студенттер тарапынан көптеген сұрақтар қойылып, оларға тұшымды жауаптар берілді.
Институт және факультттердің тәрбие ісі жөніндегі декан орынбасарларына, аға кураторларына арналған дін саласындағы ақпараттық-түсіндіру жұмыстары
2022 жылдың 27-желтоқсанда Дінтану орталығының ұйымдастыруымен 2.1-301 оқу ғимаратында институт және факультттердің тәрбие ісі жөніндегі декан орынбасарларына, аға кураторларына арналған дін саласындағы ақпараттық-түсіндіру жұмыстарын жүргізу мақсатында әдістемелік семинар өтілді. Семинарға Тәрбие жұмысы және әлеуметтік мәселелер жөніндегі департаментінің басшысы А.Назарбекова, Дінтану орталығының бас маманы Б.Алпысбаев, декан орынбасарлары және аға куратолар қатысты. Өтілген семинардың негізгі мақсаты - 2022 жылы желтоқсан айында кураторлар және студенттердің арасында өтілген діни сауалнаманың қорытындысын талқылау және ұсыныстарды жеткізу болып табылады. Талқылау барысында ҚР дін саласындағы мемлекеттік саясатты жүзеге асыру жөніндегі 2021-2023 жылдарға арналған кешенді жоспарға сәйкес, студент жастарды деструктивті діни ағымдардың ықпалынан сақтау мақсатында олардың діни сауаттылығын және рухани иммунитеттерін қалыптастырудың маңыздылығы айтылды. Сонымен қатар, институт және факульттердің тәрбие жұмыс жоспарына діни экстремизм мен терроризм көріністерін алдын-алу бағытын міндетті түрде енгізу ұсынысы жеткізілді.
2022 жылы желтоқсан айында студенттердің діни көзқарастарын зерделеу бойынша жүргізілген сауалнаманың ҚОРЫТЫНДЫЛАРЫ ЖӘНЕ ҰСЫНЫСТАР
Қазіргі таңда жастар арасында діни экстремизм мен терроризм көріністерін алдын-алу мақсатында жүйелі түрде ақпараттық-түсіндіру жұмыстарын жүргізу қажет. Өйткені, жастардың бойында деструктивті діни ағымдардың идеологиясына қарсы рухани иммунитет және діни сауаттылықты қалыптастыру өзекті мәселенің бірі. Осыған орай, Дулати университетінде Дінтану орталығы 2013 жылдан бастап жүйелі түрде жұмыс жасауда. Дінтану оратылығының бас маманы ретінде дінтанушы-магистр Б.Қ.Алпысбаев қызмет жасайды. Дінтану орталығы тарапынан жыл сайын барлық институт және факультет студенттеріне дін саласындағы профилактикалық жұмыстарын және сауалнамалық зерттеу жұмыстарын жүргізіп келеді.
«ЖАСТАРДЫ ҚОҒАМДАҒЫ ДІНИ АҒЫМДАРДЫҢ ЫҚПАЛЫНАН САҚТАУ ЖОЛДАРЫ»
11.11.2022ж. күні «Ұстаз» институтына қарасты «Физика және ІТ», «Әлем тілдері» кафедралары Дінтану орталығымен өзара бірлесе отырып, «Физика» және «Шет тілдері» мамандықтарының 1 курс студенттеріне діни экстремизм көріністерін алдын-алу мақсатында кездесу ұйымдастырды. Кездесуде Дінтану орталығының бас маманы Б.Алпысбаев дінтанушы маман ретінде қатысып, жастарға ҚР дін саласындағы мемлекеттік саясатын жүзеге асыру жөніндегі 2021-2023 жылдарға арналған кешенді жоспарды таныстырып өтті. Сонымен қатар зайырлы қоғамда өскен ұрпақ теріс діни сенімдердің торына байланбай, әр нәрсеге сыншыл санамен қарайтын, жан-жақты білім алуға ұмтылған және де өзге дін өкілдеріне құрметпен қарайтын азамат болып өсуі тиіс екендігі туралы айтылды. Студенттер діни сауаттылыққа байланысты өз сұрақтарын қойып, ғылыми бағытта жауаптар берілді.
РАДИКАЛДЫҚ ДІНИ ИДЕОЛОГИЯҒА ҚАРСЫ ЖАСТАРДЫҢ ДІНИ САУАТТЫЛЫҒЫН ҚАЛЫПТАСТЫРУ
2022-жылдың 02-қараша күні «Су шаруашылығы және табиғатқа үйлестіру» институтының ұйымдастурымен №2 Студенттер үйінде жастармен кездесу өтілді. Кездесуге қатысқан қонақтар «Сауран» медициналық орталығы, Тәрбие бөлімі және Дінтану орталығы. Дінтану орталығының бас маманы, дінтанушы-магистр Б.Алпысбаев дін саласына байланысты өзінің ой-пікірімен бөлісіп, студенттерді қоғамдағы деструктивті діни ағымдардың ықпалынан сақ болуға шақырды. Деструктивті діни ағымдардың идеологиясы мемлекеттің демократиялық, зайырылылық принциптеріне сай келмейтін құбылыс. Мемлекетшілдік пен ұлттық құндылықтарды мойындамай, өзіндік діни идеологияларын қоғамға сіңіруге әрекет жасайтын топ бүкіл әлемге тән проблемаға айналды. Сондықтан, діннің атын жамылып, қоғамдағы аз қорғалған, ойлау жүйесі толық қалыптаспаған жастардың арасында мемлекеттің болашағына күдікпен әрі сенімсіздікпен қарайтын идеяның таралмау үшін жастарға ұлттық тәрбие беру құндылықтарының қажеттілігі айтылды.
«ЖАСТАРДЫҢ ДІНИ САУАТТЫЛЫҒЫН АРТТЫРУДЫҢ МАҢЫЗДЫЛЫҒЫ»
2022 жылдың 28-қазан күні «Тарих және география» кафедрасы және Дінтану орталығы өзара жұмыс жасай отырып, «6В01601-Тарих мұғалімдерін даярлау» білім беру бағдарламасының (Ист-22-1, 3 топтары) 1-курс студенттеріне «Жастардың діни сауаттылығын арттырудың маңыздылығы» тақырыбында кездесу ұйымдастырды. Дінтану орталықтың бас маманы Б.Алпысбаев дінтанушы маман ретінде студенттерге қазіргі таңдағы еліміздегі діни ахуал, кереғар діни ағымдардың ықпалының алдын алу, ғаламтор желісін дұрыс пайдаланудың маңыздылығы туралы слайд арқылы түсіндіріп өтті.
Соңғы кездері ел ішін жайлаған, жаңашылдық әкелмек болған деструктивті ағымдар кең таралуда. Діни сауатсыздығының кесірінен ұлт қауіпсіздігіне қатер төндіретін жатқа жалтаңдап, халқымыздың салты мен дәстүріне керағар дүние жасап жатқандар аз емес. Жат ағымды жақтаушылар арасында жастарда жиі кездеседі. Жастарымыздың осындай қателіктерге ұрынуына басты себеп – дұрыс пен бұрыстың аражігін ажырата алмай ғаламтор беттеріндегі түрлі жат ағымдардың сайттарына кіруі. Діни сауаттылығы әлсіз адамдарды бұл үлкен қатерге алып баруда. Ұлттық құндылықтарымызға, ұстанып отырған салт-дәстүрімізге қайшы келетін жат ағымдар қоғамға да адамға да кері әсерін тигізбей қоймайды.
СТУДЕНТ ЖАСТАРДЫҢ ДІНИ САУАТТЫЛЫҒЫН ҚАЛЫПТАСТЫРУДЫҢ МАҢЫЗДЫЛЫҒЫ
2022 жылдың 30-қыркүйекте «Экономика және құқық» факультетіне қарасты «Қаржы және есеп» кафедрасының ұйымдастыруымен «Қаржы», «Бухгалтерлік есеп» мамандықтарының 1-курс студенттеріне «Студент жастардың діни сауаттылығын қалыптастырудың маңыздылығы» тақырыбында кездесу өтілді. Аталған кездесуге университет құрамындағы Дінтану орталығының бас маманы Б.Қ.Алпысбаев шақырылып, ҚР дін саласындағы мемлекеттік саясатын жүзеге асыру жөніндегі 2021-2023 кешенді жоспарға сәйкес, деструктивті діни ағымдардың қауіп-қатерінен сақтану үшін жастардың бойында діни сауаттылық жоғары деңгейде болу қажеттілігі айтылды. Сонымен қатар, іс-шараның соңында сұрақ-жауап ретінде жалғасын тапты.
ДІНИ САУАТТЫЛЫҚ – РУХАНИ МӘДЕНИЕТТІ БОЛУ
2022 жылдың 28-қыркүйек күні университетінің 5.1-111 оқу ғимаратында «Ұстаз» институтының 1-курс студенттерімен дін саласындағы ақпараттық-түсіндіру жұмыстарына байланысты кездесу өтілді. Аталған кездесуге Дінтану орталығының бас маманы Бахтияр Қаржаубайұлы Алпысбаев дінтанушы маман ретінде қатысып, діни экстремизм мен терроризм қаупі туралы хабардар болу, дін саласындағы мәселелерді неғұрлым терең түсіну, сыни ойлау дағдыларын қалыптастыру туралы ойларымен бөлісті. Себебі діни экстремизм – діни артықшылық, діни алауыздық, жеккөрушілік, дінді саясаттандыру сияқты ең шеткі қисынсыз көзқарастары мен әрекеттері арқылы пайда болатын қоғамға қауіпті құбылыс болып табылады.
Жастар арасында діни экстремизмнің алдын алу шаралары бойынша жұмыс ең алдымен, өскелең ұрпаққа берілетін тәрбиемен ұштастырыла атқарылуы тиіс. Себебі бүгінгі жас буын ертеңгі елдің келешегін құратын, тізгініне ие болатын аға буынға айналмақ.
СТУДЕНТ ЖАСТАРДЫ ДӘСТҮРЛІ ЕМЕС ДІНИ АҒЫМДАРДЫҢ ЫҚПАЛЫНАН ҚОРҒАУ – ОРТАҚ МІНДЕТ
2022 жылдың 20-қыркүйек күні «Өнер және спорт» факультетінің ұйымдастырумен 1-курс студенттеріне дін саласына байланысты ақпараттық-түсіндіру жұмыстары жүргізілді. ҚР діни экстремизм мен терроризмге қарсы іс-қимыл жөніндегі 2018 – 2022 жылдарға арналған мемлекеттік бағдарламаның «Қоғамда радикалдық көріністерге мүлдем төзбеушілікті және радикалдық идеологияға қарсы рухани иммунитетті қалыптастыруға бағытталған діни экстремизм мен терроризмнің профилактикасы шараларын жетілдіру» бағытына сәйкес дінтанушы мамандарды тарта отырып, жастардың жат ағымдарға қарсы рухани иммунитеттерін қалыптастыру өзекті мәслеленің бірі. Осыған байланысты Тәрбие жұмысы және әлеуметтік мәселелер жөніндегі департаментіне қарасты Дінтану орталығының бас маманы, дінтанушы Алпысбаев Б.Қ. қатысып, студент жастарға университеттің ішкі тәртіп Ережесі, студенттерге арналған Ар-намыс кодексін сақтау және қоғамдағы деструктивті діни идеологияның қауіп қатерін алдын-алу бағыттары бойынша көптеген мәліметтерді жеткізді. Іс-шара барысында студенттер тарапынан діни мазмұнда көптеген сұрақтар қойылып, оларға құқықтық және дінтанулық бағытта жауаптар берілді. Барлығы қатысқан студенттер саны – 80.
СТУДЕНТ ЖАСТАРДЫҢ ДІНИ САУАТТЫЛЫҒЫН ҚАЛЫПТАСТЫРУ ЗАМАН ТАЛАБЫ
2022 жылдың 14-қыркүйекте 2.5-205 оқу ғимаратында «Ақпараттық технология» факультетінің 1-курс студенттеріне дін саласына байланысты ақпараттық-түсіндіру жұмыстары жүргізілді. Аталған іс-шараға Дінтану орталығының бас маманы Алпысбаев Бахтияр Қаржаубайұлы және «Ақпараттық технология» факультетінің деканы Мұратова Гауһар Имашқызы қатысты. Іс-шараның негізгі мақсаты - студент жастардың қоғамдағы деструктивті діни ағымдардың ықпалынан қорғау және алдын-алу жұмыстары болып табылады. Сонымен қатар, Дінтану орталығының жұмыс жоспарына сәйкес Алпысбаев Б.Қ. дінтанушы маман ретінде қоғамдағы діни жағдайды ескере отырып, студенттерге университеттің ішкі тәртіп Ережесін сақтауға, деструктивті діни идеологияны насихаттайтын діни уағыздарды тыңдамауға және интернет желісінде күмәнді діни парақшаларға тіркелмеуге шақырды. Қоғамдағы деструктивті діни ағымдарға қарсы рухани иммунитет қалыптастыру үшін студенттердің діни сауаттылығы жоғары болу қажеттілігін атап өтті. Студенттер тарапынан көптеген сұрақтар қойылып, оларға құқықтық және дінтанулық бағытта жауаптар берілді.
ДІН ХАЛЫҚТЫҢ РУХАНИ НЕГІЗІ
Әлемдік өркениетке өз үлесін қосқан ата-бабаларымыздың болмысы, мінез-құлқы, ұлттық ұстанымы терең мағынаға ие болды. Қазақ халқының бай мәдениетінің шеңберінде ғасырлар бойы мән-мағынасы мол дәстүрлер мен әдет-ғұрыптар сақталып, ұрпақтан-ұрпаққа беріліп жеткізілді. Әрбір ұлтты ұлт ретінде сақтап қалатын нәрсе ол тілі мен мәдениеті және осылардың негізі болып табылатын діні. Қазақ халқының мәдени құндылықтары, сан ғасырлардан бері сақталып келе жатқан этнографиялық мұрасының негізі Ислам дінінде болған десек, еш қателеспейміз. Этнограф-ғалым, жазушы Ақселеу Сейдімбек мәдениетіміздегі ислам дінінің орны туралы: «Ислам діні тек қана наным-сенім аясымен шектелмей, сол діндегі елдердің өмір салтына, моральдық-этикалық нормаларына, мәдени-рухани үрдістеріне, дәстүріне айналып отыр» деп айтқан болатын.
Адасқанның алды жөн, арты соқпақ
Жолынан жаңылып, адасқан жастарды қайтадан жөнге салу көп уақытты, үлкен ерік-жігерді қажет етеді. Дұрысы – жас ұрпақ қателесіп, жат діннің жетегінде кетпеуін ойластыру.
Дулати университетінің «Ұстаз» институтында 1-2 курс студенттеріне қоғамдағы діни-саяси экстремизм көріністеріне қарсы түру үшін жастардың бойындағы рухани иммуниет құндылықтарын қалыптастыруына байланысты дін саласындағы ақпараттық-түсіндіру жұмыстары өтті. Бұл кездесуге Тәрбие жұмысы және әлеуметтік мәселелер жөніндегі департаментінің бас маманы Б.Алпысбаев дінтанушы маман ретінде шақырылып, елімізегі дін саласындағы мемлекеттік саясатының бағыт-бағдарына тоқталып өтті. Оның ішінде әлеуметтік желілерде дәстүрлі емес діни материалдарды таратпау және күмәнді діни топтарға тіркелмеу бағыттары да ескерілді.
Подробнее ...
СТУДЕНТТЕРДІҢ ДІНИ САУАТТЫЛЫҒЫН АРТТЫРУДЫҢ ӨЗЕКТІЛІГІ
2022 жылдың 13-сәуірде «Конверттік журналистика» білім беру бағдарламаның 1-курс студенттеріне дін саласындағы ақпараттық-түсіндіру жұмысы ұйымдастырылды. Аталған кездесуге Дінтану орталығының бас маманы Б.Алпысбаев қатысып, студент жастарға дін мен дәстүр сабақтастығы, қазақ ойшылдардың діни мұралары және қасиетті рамазан айында оразаны ұстау әдебі туралы көптеген рухани-мәдени құндылықтарды жеткізе білді. Студенттердің көкейіндегі көптеген сұрақтарға толыққанды жауаптар берілді.
ЖАСТАР ЖАТ АҒЫМНЫҢ ЖЕТЕГІНДЕ КЕТПЕСІН
Жастар жат ағымның жетегінде кетпесін десек, діни сауаттылықты арттыруда маңызды қадам жасауға тиіспіз. Бұл үшін әрине, кешенді жұмыс жүргізу қажет. Білім алуға, өмірді тануға ұмтылған өскелең ұрпақ адаспайды. Ал ол үшін білім беру жүйесіне өзгерістер керек.
14 наурызда «Химия және химиялық технология» кафедрасының аға оқытушысы С. Мамешова және Дінтану орталығының бас маманы Б.Алпысбаевтың студенттермен кездесу ұйымдастырудағы мақсаттары осы болды. Жастарға өмірлік білім алудың, яғни кәсіп иесі атанатындай мамандық алудың маңызы туралы айтылды. Студенттер спикерлерге әртүрлі сауалдар жолдап, еркін әңгіме өрбіді.
ДЕСТРУКТИВТІ ДІНИ АҒЫМДАРДЫҢ ҚАУІП-ҚАТЕРІ КӨП
Жат ағымның жетегінде кетіп адасқандар көп. Әсіресе, жастар жағы. Тез елітіп, жылы сөзге тез еріп кететін болғандықтан, солай. Ал бір рет жаңылысып, жаза басқанды қайта қатаруға қосу оңай емес. Жас буынды қауіп-қатерден сақтандырудың бірден-бір жолы – алдын алу.
Осындай мақсатпен «Қолданбалы математика және статистика» кафедрасы №1 Студенттік үйінде «Жастар және имандылық» тақырыбында 2022 жылдың 28 ақпанында студенттермен кездесу ұйымдастырды.
Іс-шараға Дулати университетінің тәрбие жұмысы және әлеуметтік мәселелер жөніндегі департаментіне қарасты Дінтану орталығының бас маманы Б.Алпысбаев және кафедра оқытушылары қатысты.
ДІН САЛАСЫНДАҒЫ КУРАТОРЛЫҚ САҒАТ
2022 жылдың 18-ақпан күні «Текстиль материалтану және стандартизация» кафедрасының аға оқытушысы Ғ.Ә. Қасымованың бастамасымен «Инновациялық текстиль» мамандығының 1, 2-курс студенттеріне дін саласындағы ақпараттық-түсіндіру жұмыстары жүргізілді. Аталған кездесуге Дінтану орталығының бас маманы Б.Алпысбаев дінтанушы маман ретінде қатысып, студенттерге баяндама жасады. Б.Алпысбаев өз баяндамасында: «...Қазіргі кездегі әлемдегі бейбітшілік пен тұрақтылыққа қауіп төндіріп отырған ғаламдық мәселе - діни экстремизм мен терроризм. Сондықтан студент жастардың бойында діни экстремизм мен терроризмге қарсы тұру үшін ұлттық имуннитетін дамыту - басты міндеттердің бірі саналады». Лекция барысында студенттер өздерін толғандырып жүрген сұрақтар төңірегінде ойларын ортаға салып, пікір алысты. Қатысқан саны – 35.
ДЕСТРУКТИВТІ ДІНИ ИДЕЯЛАРДЫ АЛДЫН АЛУ ЖОЛДАРЫ ЖӘНЕ ҚАЗАҚСТАНДЫҚ ПАТРИОТИЗМДІ ЖАСТАРДЫҢ САНАСЫНА ЖЕТКІЗУДІҢ ӨЗЕКТІЛІГІ
2022 жылдың 18-ақпан күні Жамбыл облысы әкімдігінің Дін істер басқармасы және облыстық ардагерлер орталығының бастамасымен ұйымдастырылған іс-шараға Дулати университетінің атынан қатысып, жастардың ұлттық тәрбиесін қалыптастыру және олардың діни сауаттылығын арттыру мәселесіне байланысты өз ойымызды білдірдік. https://taraztv.kz/.../soc.../zhastar-terbiesi-ozekti-mesele
ЖАСТАРДЫҢ ҚҰҚЫҚТЫҚ ЖӘНЕ ДІНИ САУАТТЫЛЫҒЫН ҚАЛЫПТАСТЫРУ
2022 жылдың 17-ақпанда «Спорт және өнер» факультетінің бастамасымен 5.1-111 оқу ғимаратында «Адам өмірі бәрінен құнды» тақырыбында жастар арасында құқықбұзушылық және діни экстремизм әрекеттерін алдын-алу мақсатында кездесу ұйымдастырылды. Аталған кездесуге Тараз қалалық полиция басқармасының қызметкерлері, Тәрбие жұмысы және әлеуметтік мәселелер жөніндегі департаментінің құрамындағы Дінтану орталығы, «Спорт және өнер» факультеттің тәрбие ісі жөніндегі декан орынбасары және 1,2-курс студенттері қатысты. Жастардың бойында құқықтық және діни сауаттылықты қалыптастырудың маңыздылығы - олардың қылмыстық әрекеттерге ұрынбау, дәстүрлі емес діни ағымдардың ықпалына ұшырамау және өздігінен өмірдегі мәселелерді шешуде дұрыс шешім қабылдау болып табылады. Кездесудің соңында сұрақ-жауап ретінде жалғасты. Қатысқандар саны – 70.