Әскери-патриоттық жастар форумы
2022 жылдың 16 маусымында М.Х. Дулати атындағы Тараз өңірлік университетінің академик М. Үркімбаев атындағы жастар сарайында, әскери кафедраның студенттері, Жамбыл облысы жастарының әскери-патриоттық форумына қатысты. Форумда Жамбыл облысының әкімі Нұржан Нұржігітов "Оңтүстік" өңірлік қолбасшылығы әскерлерінің қолбасшысы генерал майор Кучекбаев М.М., , Жамбыл облысының прокуроры 3-сыныпты Мемлекеттік әділет кеңесшісі Нұрғалым Әбдіров сөз сөйледі.
Әскери кафедраның оқу жиындары
2022 жылғы 10 маусымда запастағы сержанттар бағдарламасы бойынша әскери кафедра студенттерімен оқу-жаттығу жиыны басталды. Оқу-жаттығу жиыны басталар алдында взводтар мен роталардың командалық құрамымен оқу-әдістемелік сабақтар өткізілді.
Әскери кафедра оқу жиынының бастығы, запастағы подполковник М.Ф. Әлібеков студенттерді оқу жиынының жетекшілерімен таныстырып, оқу жиынының өткізілу мерзімі мен негізгі іс-шараларды жеткізді.
2022 жылғы оқу жиынына дайындық
Қазақстан Республикасы Қорғаныс министрінің бұйрығына сәйкес 2022 жылғы 10 мен 28 маусым аралығында М.Х. Дулати атындағы Тараз өңірлік университеті әскери кафедрасының запастағы сержант бағдарламасымен оқитын студенттерімен оқу-жаттығу жиынын өткізу жоспарланған.
Оқу жиынының бастығы запастағы подполковник М.Ф. Әлібеков әскери кафедра офицерлеріне оқу-жаттығу жиындарын өткізу ережелері туралы нұсқау берді.
Техникалық байқау
2022 жылғы 1-2 маусым аралығында Тараз гарнизонының әскери полиция бөлімі М.Х. Дулати атындағы Тараз өңірлік университеті әскери кафедрасының көлік құралдарына техникалық байқау жүргізді. Ескертулер жоқ.
ОҚУШЫЛАРМЕН КӘСІБИ БАҒДАР БЕРУ ЖҰМЫСЫ
Кәсіби бағдар беру жұмысы және жастарды әскери-патриоттық тәрбиелеу шеңберінде 2022 жылғы 4 мен 20 мамыр аралығында Тараз қаласының орта мектеп оқушылары М.Х. Дулати атындағы Тараз өңірлік университетінің әскери кафедрасына болды.
Әскери кафедра оқытушылары әскери кафедра аумағы бойынша экскурсия жүргізіп, әскери дайындық бағыттары мен оқуға түсу ережелері, оқушыларды оқу материалдық базасымен, оқу қару-жарағымен және техникаларымен таныстырды.
КОЛЛЕДЖ ОҚУШЫЛАРЫМЕН САБАҚ
2022 жылғы 11 және 17 мамырда Жамбыл инновациялық колледжінің студенттері М.Х. Дулати атындағы Тараз өңірлік университетінің әскери кафедрасында болды.
Әскери кафедра офицерлері әскери кафедра аумағында сабақ өткізді.
"Халық қаһарманы" Ыбырайым Сүлейменовтың ескерткішіне гүл шоқтарын қою.
Құттықтау
Ұлы Жеңістің 77 жылдығына орай запастағы подполковник А.А. Дүйсенбаев және әскери кафедра студенттері Ұлы Отан соғысының ардагері Хайрулин Миникасым Сангатуловичтің жұбайын осы айтулы мерекемен құттықтады.
Гүл шоқтарын қою
«Жеңіс Күнін» мерекелеу құрметіне әскери кафедра студенттері Тараз қаласының «Ерлік» мемориалдық кешеніндегі Бауыржан Момышұлы ескерткішке гүл шоқтарын қойды.
Салтанатты рәсімге қатысушылар қаза тапқан батыр жауынгерлерді бір минут үнсіздікпен еске алды.
Әскери кафедра студенттері мерекеге орай қабырға газеттерін шығарды.
Жазушы П. Дүйсенбинмен кездесу
2022 жылдың 5 мамырында Жеңіс күнін атап өту құрметіне орай Тараз қаласындағы Ш. Уәлиханов атындағы облыстық кітапханада запастағы подполковник А.А. Дүйсенбаев пен «Бүркіт» полицияға көмек көрсету жасағының студенттері Қазақстан жазушылар және журналистер одағының мүшесі, Халықаралық «Дарабоз» және «Алаш» әдеби сыйлығының лауреаты Пернебай Дүйсенбиннің «Ұлт батырлары» кітабының тұсаукесеріне қатысты.
Әскерилендірілген эстафета өткізу
2022 жылдың 29 сәуірінде М.Х. Дулати атындағы Тараз өңірлік университетінің әскери кафедрасында Ұлы Отан соғысындағы Жеңістің 77 жылдығына және Отан қорғаушылар күнінің 30 жылдығына арналған әскерилендірілген эстафета өтті.
Эстафетада Ауған соғысының және Қазақстан Республикасы Қарулы Күштерінің ардагері, отставкадағы генерал-майор Ерниязов Әлімжан Қанағатұлы мен зерттеулер және халықаралық байланыстар жөніндегі проректор Нұрмұханбет Данияр Ысқақұлы қатысты.
Іс-шара соңында жарыс жеңімпаздарын дипломдармен және грамоталармен салтанатты марапаттау рәсімі өтті.
Ерлік сабағы
2022 жылдың 22-сәуір күні М.Х.Дулати атындағы Тараз өңірлік университетінің әскери кафедрасында Қазақстан Республикасы Қарулы Күштерінің құрылғанына 30 жыл және Жеңіс күніне орай ерлік сабағы өтіп, оған Ауған соғысының ардагері, Қазақстан Республикасы Қарулы Күштерінің отставкадағы генерал-майоры Ерниязов Әлімжан Қанағатұлы мен тәрбие жұмысы және әлеуметтік мәселелер департаментінің директоры Назарбекова Алуа Ахмедиярқызы қатысты.
«Терроризмге қарсы іс-қимыл» және «Антитерроризмге қарсы объектілердің қауіпсіздігі» тақырыбында өткізілген сабақ.
2022 жылдың 20 сәуірінде Ұлттық қауіпсіздік комитетінің Жамбыл облысы бойынша департаментінің терроризмге қарсы орталығының өкілі А.А. Ахан әскери кафедра студенттерімен «Терроризмге қарсы іс-қимыл» және «Антитерроризмге қарсы объектілердің қауіпсіздігі» тақырыбында сабақ өткізді.
Сонымен қатар, антитерроризмге қарсы объектілердің қауіпсіздігі туралы бейнефильм көрсетілді.
БАСТАПҚЫ ӘСКЕРИ ЖӘНЕ ТЕХНОЛОГИЯЛЫҚ ДАЙЫНДЫҚТЫ ҰЙЫМДАСТЫРУШЫ ОҚЫТУШЫЛАРДЫҢ БІЛІКТІЛІГІН АРТТЫРУ
Ағымдағы жылдың 20 мен 22 сәуір аралығында М.Х. Дулати атындағы Тараз өңірлік университетінің әскери кафедрасының базасында оқытушылар құрамымен «Өрлеу» біліктілікті арттыру ұлттық орталығы АҚ-мен бірлескен, Тараз қаласында алғашқы әскери және технологиялық даярлықтың 25 оқытушы-ұйымдастырушыларына кезекті біліктілікті жоғарылату курстары өткізілді.
«Маскүнемдік пен нашақорлық – қылмыстар мен оқиғалардың көзі, ВИЧ инфекциясын жұқтыруды тудыратын жайлар» тақырыбында студенттермен әңгіме өткізу
2022 жылғы 6 мен 12 сәуір аралығында әскери кафедра студенттерімен «Маскүнемдік пен нашақорлық – қылмыстар мен оқиғалардың көзі, ВИЧ инфекциясын жұқтыруды тудыратын жайлар» тақырыбында студенттермен әңгіме өткізілді.
Цикл бастығы, запастағы подполковник Д.Ж. Калилаев студенттерге есірткіні қолданудың салдары туралы айтып берді, алкогольдің зиянды әсері туралы білімдерін айтарлықтай кеңейтті, ВИЧ инфекциясын жұқтырудың ықтимал жағдайлары, оның пайда болу себептері туралы әңгімеледі.
Әңгіменің мақсаты: қазіргі әлемде мәселенің өзектілігін көрсету, студенттердің өзін-өзі тану арқылы салауатты өмір салтына деген қызығушылығын ояту.
Мектеп оқушыларымен кәсіптік бағдар беру жұмысы
2022 жылғы 12 сәуірде әскери кафедрада Тараз қаласының № 39, 45, 60 мектеп оқушыларымен 37 адам көлемінде кәсіби бағдар беру жұмысы жүргізілді.
Кәсіптік бағдар беру жұмысы барысында оқушылар әскери кафедраның оқу материалдық-техникалық базасымен танысты.
ЕСТЕЛІК ДӘРІСІ
2022 жылғы 12 сәуірде әскери кафедраның аға оқытушысы, отставкадағы подполковник Ұ.Ж. Жұмабеков студенттерге «Қазақстан Республикасының бірінші Қорғаныс министрі, Халық Қаһарманы С. Нұрмағамбетов» атты тақырыпта дәріс өткізді.
Отставкадағы подполковник Ұ.Ж. Жұмабеков өз сөзінде ел үшін қиын уақытта әскер басқарған Сағадат Қожахметұлы өмірінің жарқын сәттері туралы айтып берді. Дәріс соңында қатысушыларға «Қазақстандықтар – Кеңес Одағының Батыры» фильмі көрсетілді.
ЖАСЫЛ ЖЕЛЕК ЖАНҒА САЯ
Көктем шыға айналаны абаттандыру, шыбық шаншып, тал егу – игі іс. Оның пайдасын көп көреді.
«Бір тал кессең, он тал ек» қағидасын мықтап ұстанған халқымыз үшін тал егу - маңызды істің бірі. М.Х.Дулати атындағы Тараз өңірлік университетінің әскери кафедрасының офицерлері де осы дәстүрден жаңылмай, Айша бибі полигоннына тал отырғызды.
Жалпы барша жұртты жұмылдыратын тал егу жұмысы арқылы балалардың табиғат-анаға, күллі жаратылысқа деген ықыласын оятады. Табиғатпен үйлесімділікке үндейді.
Жасыл желек жанға сая. Ауаны тазартып, қолайлы микроклимат қалыптасады және шу деңгейі төмендетеді.
Подробнее ...
ҚР ӘСКЕРИ ДОКТРИНАСЫН СТУДЕНТТЕРГЕ ТАНЫСТЫРУ
2022 жылдың 16-наурызында әскери кафедра студенттерімен Қазақстан Республикасының Әскери доктринасымен таныстыру сабағы өткізілді.
Цикл бастығы, запастағы подполковник Д.Ж. Калилаев студенттерді ҚР Әскери доктринаның негізгі ережелерімен таныстырды.
«ЖАСТАРДЫ ӘСКЕРИ-ПАТРИОТТЫҚҚА ТӘРБИЕЛЕУДІҢ ЗАМАНАУИ АСПЕКТІЛЕРІ» ТАҚЫРЫБЫ БОЙЫНША ӘҢГІМЕ ЖҮРГІЗУ.
2022 жылдың 17 наурызында әскери кафедра студенттерімен «Жастарды әскери-патриоттыққа тәрбиелеудің заманауи аспектілері» тақырыбы бойынша әңгіме жүргізу өткізілді.
Цикл бастығы запастағы подполковник Ж.П Наурызбаев тыңдаушылардың назарына патриоттық тәрбие берудің мақсаты – өз Отанын сүйетін, Отанына адал, оған бар ынтасымен қызмет ететін және оның мүдделерін қорғауға дайын патриотты тәрбиелеу екенін жеткізді.
ӘЛЕУМЕТТІК-ПСИХОЛОГИЯЛЫҚ ҚҰБЫЛЫС – ҚОҒАМ ДЕРТІ
Қазіргі қоғамдағы дертті жағдайдың бірі – өз-өзіне қол жұмсайтындардың көбейіп бара жатқаны. Мамандар мұны әлеуметтік-психологиялық құбылыс деп анықтама бергенімен, бұл түйткілдің астары терең зерделеуді қажет ететін секілді.
14 наурыз күні Дулати университетінің әскери кафедрасында өткен «Өзіне-өзі қол жұмсау бұл әлеуметтік-психологиялық құбылыс. Суицидтік әрекеттерді жасаудың себептері мен шарттары» тақырыбындағы дәрісте осындай өзекті мәселелер айтылды.
Кафедраның аға оқытушысы отставкадағы подполковник У. Жұмабеков студенттерге қай кезде де сабыр сақтаудың маңызды екенін түсіндірді. Адам ашуға булығып тұрған сәтте жан-жағын жайпап жібермейінше жаны тынышталмайтындай көрінгенімен, біраз уақыт өткен соң, оның соншалықты мәні болмайтынын түсінеді. Қазіргі термин сөзбен жеткізсек, стресске төзімділікті арттыру, психикалық денсаулықты қолдау және нығайту, өзін-өзі реттеудегі тиімді мінез-құлық стратегияларының қарапайым баламасы – сабыр сақтау.
МЕМОРИАЛДЫҚ ТАҚТА – ЕСТЕ ТҰРАР ЕСКЕРТКІШ
2022 жылғы 18 ақпанда М.Х. Дулати атындағы Тараз өңірлік университетінің М.Ф. Үркімбаев атындағы жастар сарайында «Бүркіт» полициямен бірлескен студенттік жасағы ғалым, мемлекеттік және қоғам қайраткері, техника ғылымдарының докторы, профессор, халықаралық және Ұлттық Инженерлік академиясының академигі Марс Фазылұлы Үркімбаевқа арналған мемориалдық тақтаның салтанатты ашылу рәсіміне қатысты.
Іс-шарада облыс әкімінің орынбасары Дәулет Кәрібек, Басқарма Төрағасы-университет ректоры Талғат Ешенқұлов, Жамбыл облысының Құрметті азаматы Сағынхан Әміреқұлов, Қазақстан Ұлттық Академиясының академигі Өскенбай Мәдиев, Тараз қалалық мәслихатының хатшысы Батырбек Құлекеев сөз сөйледі.
Рәсім гүл шоқтарын қоюмен аяқталды.
ИНТЕРНАЦИОНАЛИСТ ЖАУЫНГЕРЛЕРДІ ЕСКЕ АЛУ КҮНІ
Осыдан отыз үш жыл бұрын 1989 жылдың 15 ақпанында Кеңес әскерлерінің шектеулі контингентін Ауғанстаннан шығару басталды. Осы атаулы күнге орай 2022 жылдың 15 ақпанында әскери кафедрада студенттермен ерлік сабағы өтті. Бұл тақырыптық іс-шараға Ауған соғысының ардагерлері запастағы полковник Ж.М. Салиев, запастағы аға сержант Т.Т. Жүнісалиев, запастағы қатардағы жауынгерлер Д. Ботантаев және Б. Ақшалов шақырылды.
Соғыс қимылдарына қатысушылардың сөйлеген сөздері Ауған оқиғалары туралы деректі фильм көрсетілімімен сүйемелденді. Интернационалист жауынгерлер үшін әскери кафедраның студенттері мерекелік концерт дайындап, қабырға газетін шығарды.
СТУДЕНТТЕРГЕ «ҚАЗАҚСТАН РЕСПУБЛИКАСЫНЫҢ ҚОРҒАНЫСЫ ЖӘНЕ ҚАРУЛЫ КҮШТЕРІ ТУРАЛЫ» ЗАҢЫН ЖЕТКІЗУ.
2022 жылғы 14 ақпанда запастағы подполковник Д.Ж. Қалилаев студенттерге «Қазақстан Республикасының қорғанысы және Қарулы Күштері туралы» ҚР Заңының негізгі ережелерін жеткізді, студенттерге заңның Қазақстан Республикасының қорғанысы мен Қарулы Күштерін ұйымдастыру саласындағы қоғамдық қатынастарды, елдің қорғаныс қабілетін қамтамасыз етудегі мемлекеттік органдардың функциялары мен өкілеттіктерін, азаматтар мен ұйымдардың қорғаныс саласындағы құқықтары мен міндеттерін реттейтінін түсіндірді.