Бауыржан Момышұлы ескерткішіне гүл шоқтарын қою
Қазақ халқының аты аңызға айналған ұлы, Кеңес Одағының Батыры Бауыржан Момышұлының туған күніне орай запастағы подполковник А.А. Дүйсенбаевтың басшылығымен «Бүркіт» ПБСЖ полициямен бірлескен студенттік жасағының студенттері «Оңтүстік» өңірлік қолбасшылығының офицерлерімен және ҚР ҚК ардагерлерімен бірлесіп «Жеңіс» саябағында Бауыржан Момышұлының ескерткішіне гүл шоқтарын қойды.
Қаза тапқан жауынгер-батырды рәсімге қатысушылар бір минут үнсіздікпен еске алды.
Әскери кафедраға 60 жыл
2023 жылғы 24 қарашада М.Х. Дулати атындағы Тараз өңірлік университетінің әскери кафедрасында кафедраның құрылғанына 60 жыл толуына арналған әскерилендірілген эстафета өтті.
Қонақтар қатарында Басқарма мүшесі - әлеуметтік-мәдени даму жөніндегі проректор А.Е. Тұрлыбек және М.Х. Дулати атындағы Тараз өңірлік университетінің тәрбие жұмысы департаментінің дін жөніндегі бас маманы Б.К. Алпысбай болды.
Іс-шара соңында жарыс жеңімпаздарын грамоталармен салтанатты марапаттау өтті.
Әскери қызметке шақыру жөніндегі үгіт-насихат іс-шарасы
2023 жылғы 17 қарашада сағат 16.00-де әскери кафедраның акт залында әскери кафедра түлектермен (69 адам) әскери қызметке шақыру бойынша үгіт-насихат іс-шарасы өтті.
Іс-шараға Шекара қызметінің, Ұлттық ұланның және Тараз қаласы қорғаныс істері жөніндегі басқармасының өкілдері қатысты. Қазақстан Республикасының Қарулы күштерінде, басқа да әскерлер мен әскери құралымдарда қызмет етуге 6 түлек ниет білдірді.
Студенттермен дәріс-әңгіме өткізу
2023 жылғы 13 қарашада әскери кафедра студенттерімен «Суицид, әлеуметтік-психологиялық құбылыс. Суицид жасаудың себептері мен алғы шарттары» тақырыбында дәріс-әңгіме өткізілді.
Ата аңызға айналған қаһарман
2023 жылдың 13 қарашасында М.Х. Дулати атындағы Тараз өңірлік университеті әскери кафедрасының студенттерімен Мәлік Ғабдуллинге Кеңес Одағының Батыры атағын берудің 80 жылдығына арналған «Ата аңызға айналған қаһарман» атты патриоттық сағаты өткізілді.
Іс-шараның мақсаты: студенттерді патриоттыққа тәрбиелеу, оларды Кеңес Одағының Батыры, жазушы, әдебиеттанушы, ғалым - педагог және профессор Мәлік Ғабдуллиннің өмірі және оның ерліктерімен таныстыру.
Орта Азия мен Қазақстандағы Терроризм мен экстремизм
2023 жылғы 10 қарашада М.Х. Дулати атындағы Тараз өңірлік университеті әскери кафедрасының студенттерімен «Орта Азия мен Қазақстандағы терроризм және экстремизм» тақырыбында дәріс өтті.
Құқық қорғау органдарының қызметкерлерімен кездесулер өткізу
2023 жылғы 9 қарашада М.Х. Дулати атындағы Тараз өңірлік университетінің әскери кафедрасында Тараз өңірлік гарнизоны әскери полиция басқармасының сыбайлас жемқорлыққа қарсы іс-қимыл бөлімінің бастығы подполковник С.Ж. Әуелбековпен «Сыбайлас жемқорлыққа, қарсы күрес» және «Алкоголизм, нашақорлық және құмар ойындар» тақырыбында қызметкерлер мен студенттерге профилактикалық іс-шара өткізілді.
«Маскүнемдік пен нашақорлық оқиғалар мен қылмыстардың көзі» тақырыбында студенттермен әңгіме
2023 жылғы 1 мен 8 қараша аралығында әскери кафедра студенттерімен «Маскүнемдік пен нашақорлық оқиғалар мен қылмыстардың көзі» тақырыбында әңгіме өткізілді.
Республика күні
2023 жылғы 24 қазанда әскери кафедраның офицерлері мен «Болашақ сардар» әскери-патриоттық клубы студенттері Республика күніне арналған салтанатты іс-шараға қатысты.
Әскери кафедраның офицерлері қабырға газетін шығарды.
Кітапханашы күні
Цикл бастығы, аға оқытушы запастағы подполковник Наурызбаев Ж.П. 2023 жылғы 24 қазанда М.Х. Дулати атындағы Тараз өңірлік университетінің Кітапханалық-ақпараттық орталығы ұйымдастырған кітапханашылар күніне арналған іс-шараға қатысты.
«Экстремизмге қарсы іс-әрекет туралы» тақырыбында студенттермен сабақ
2023 жылғы 16 мен 20 қазан аралығында әскери кафедра студенттерімен «Экстремизмге қарсы іс-қимыл туралы» тақырыбында таныстыру дәрісі өткізілді.
Цикл бастығы запастағы подполковник Д.Ж. Калилаев студенттерге Қазақстан Республикасының экстремизмге қарсы іс-қимыл саласындағы қолданыстағы заңнамасының негізгі талаптарын жеткізді.
Дәріс барысында экстремизм, экстремизмге қарсы іс-қимыл, экстремизмді қаржыландыру, экстремизмнің алдын алу, экстремистік іс-қимыл, экстремистік іс-қимылдарды ұйымдастыру, экстремистік материалдар, экстремистік топ және экстремистік ұйым сияқты «Экстремизмге қарсы іс-қимыл туралы» ҚР Заңының негізгі ұғымдары ашылды.
Ешкім де, ештеңе де ұмытылмайды
2023 жылғы 20 қазанда әскери кафедрада студенттерімен «Ешкім де ештеңе де ұмытылмайды» атты патриоттық сағат өткізілді.
Іс-шара барысында Кеңес Одағының батыры Әлия Молдағұлова туралы деректі фильмдер, Ленинградты азат ету тарихы, слайдтар көрсетіліп, Әлияның хаттары, патриоттық әндер, өлеңдер оқылды.
Тыңдаушылар мен студенттер ұлы ата-бабалардың ерліктерін ұмытпау керектігі, солардың арқасында жер бетінде бейбітшілк орнағаны туралы рухани білім алды.
Ешкім де, ештеңе де ұмытылмайды.
Рахымжан Қошқарбаевтың ерліктерін еске алу
2023 жылғы 19 қазанда әскери кафедра студенттерімен кеңес офицері, Ұлы Отан соғысының батыры Рахымжан Қошқарбаевтың өмірі мен қызметіне арналған іс-шара өтті.
Мақсаты: Р. Қошқарбаевтың ерлігін насихаттай отырып, студенттердің бойында патриоттық сезімді қалыптастыру.
Қан беру-өмірді сақтап қалу!
2023 жылдың 17-18 қазанында М.Х. Дулати атындағы Тараз өңірлік университетінің әскери кафедрасының студенттері «Қан беру-өмірді сақтап қалу!» ұранымен қайырымдылық акциясына қатысып, өтеусіз негізде қан тапсырды.
Студенттерді «Әскери қызмет және әскери қызметшілердің мәртебесі туралы» ҚР Заңының негізгі ережелерімен таныстыру
2023 жылғы 9 мен 13 қазан аралығында студенттеріне «Әскери қызмет және әскери қызметшілердің мәртебесі туралы» Қазақстан Республикасы Заңының негізгі ережелері жеткізілді.
Цикл бастығы запастағы подполковник Ж.П. Наурызбаев тыңдаушыларды әскери қызметтің негізгі ережелерімен және әскери қызметшілердің мәртебесімен таныстырды.
Бұл дәрістің мақсаты студенттерге әскери қызметшілердің құқықтарын, міндеттерін және әлеуметтік қамсыздандырылуын жеткізу болды.
ДАЛАЛЫҚ ЖАҒДАЙДАҒЫ ПРАКТИКАЛЫҚ САБАҚТАР
М.Х. Дулати атындағы Тараз өңірлік университеті әскери кафедрасының бекітілген сабақ кестесіне сәйкес бірінші оқу жылының студенттерімен «Жалпыәскери дайындық» пәні бойынша далалық жағдайда практикалық сабақтар басталды.
«Әскерге бару - азаматтық борыш»
2023 жылдың 7 қазанында әскери кафедра студенттері «Әскерге бару - азаматтық борыш» деп аталатын өңір жастарының әскерге аттану рәсіміне қатысты.
«Есімде... Мақтанамын!»
2023 жылғы 6 қазанда әскери кафедра студенттерімен Ұлы Отан соғысына қатысушы, Кеңес Одағының Батыры Мәншүк Мәметованың өмірі мен қызметіне арналған іс-шара өтті.
Іс-шара барысында «От кешкен тағдыры» атты деректі бейнематериал ұсынылды, сондай-ақ көрермендердің назарына Мәншүк Мәметованың ерлігі туралы баяндайтын «Үзілген моншақ» слайд-шоуы ұсынылды.
Подробнее ...
Қазақстан халықтарының тілдері күні
2023 жылғы 11-15 қыркүйек аралығында М.Х. Дулати атындағы Тараз өңірлік университетінің әскери кафедрасында студенттермен Қазақстан халықтары тілдері күніне арналған іс-шаралар өткізілді.
ӘСКЕРИ КАФЕДРАДА ОҚУ ЖЫЛЫНЫҢ БАСТАЛУЫ
Бекітілген сабақ кестесіне сәйкес әскери кафедрада жаңа 2023-2024 оқу жылы басталды.
Оқу күні жеке құрамның сапқа тұруы және әнұранды орындауымен басталды. Әскери кафедра бастығының орынбасары запастағы подполковник М.Ф. Әлібеков студенттерді оқу жылының басталуымен құттықтап, оқытушылар құрамымен таныстырды. Куратор-офицерлер студенттерге әскери кафедрада оқу тәртібін және сабақ өткізу кезіндегі қауіпсіздік шараларын жеткізді.
2023-2024 жаңа оқу жылына дайындық
«М.Х. Дулати атындағы Тараз өңірлік университеті» КЕ АҚ әскери кафедрасының мәжілісінде әскери кафедра бастығы қауымдастырылған профессор, полковник С. Мұқышев студенттердің 2022-2023 оқу жылының қорытындысын шығарды. Әскери кафедра қызметкерлеріне келесі 2023-2024 оқу жылына оқу процесін ұйымдастыру және жүргізу үшін оқу материалдық базасын, әдістемелік құжаттамаларын және оқытудың техникалық құралдарын дайындау міндеттері қойылды.
Бітіру емтихандары
Бітіру емтихандары 2023 жылдың 4 тамыз күні басшылық құжаттарға сәйкес өткізілді.
2023 жылғы оқу жиыны жеке құрамның саптық алаңда сапқа тұруымен және студенттердің взвод құрамында саптық әнді орындауымен аяқталды.
Батырларға мәңгілік даңқ: Нүркен Әбдіров
2023 жылдың 3 тамызында әскери кафедрада оқу-жаттығу жиынының студенттерімен Кеңес Одағының Батыры Нұркен Әбдіровке арналған іс-шара өтті. Өз сөзінде цикл бастығы, әскери кафедраның аға оқытушысы запастағы подполковник Наурызбаев Ж.П. Нұркен Әбдіровтің өмірбаяны мен өлмес ерлігі туралы әңгімеледі.
Бұл шараның мақсаты – жастарды патриоттық сезімге тәрбиелеу және дамыту.
Мәңгі есте және мақтанамын
2023 жылдың 2 - тамызында әскери кафедрада оқу-жаттығу жиынының студенттерімен Ұлы Отан соғысына қатысушы, екі мәрте Кеңес Одағының батыры, авиация генерал-майоры Талғат Якупбекұлы Бегелдиновтың өмірі мен қызметіне арналған іс-шара өтті.
Студенттерге Талғат Якупбекұлы Бегелдиновтың өмірінің негізгі кезеңдері таныстырылды. Оның кітаптарда ең есте қалған естеліктері – туылған кезі, ұшқыштар мектебінде оқығаны және оның Ұлы Отан соғысы жылдарындағы ерліктері.