Кәсіптік практика - 2023
2023 жылдың 29 мамырында Қазақстан Республикасы Ғылым және жоғары білім министрлігі 2022 жылғы 20 шілдеден № 2 бұйрығымен бекітілген «Жоғары және жоғары оқу орнынан кейін білім берудің мемлекеттік жалпыға міндеті стандарттарын бекіту туралы» талабына және «М.Х. Дулати атындағы Тараз өңірлік университеті» КЕ АҚ Жарғысының 113 тармағының 15 тармақшасы мен 2020 жылғы 29 желтоқсанда бекітілген «Кәсіптік практика туралы» Ережесіне сәйкес «Су шаруашылығы және табиғатқа үйлестіру» институтының «Су ресурстары» кафедрасына тиесілі білім беру бағдарламалары бойынша студенттерінің оқу практикалары ұйымдастырылып, және нақты мекемелерге жіберіліп, окытушылар жетекші ретінде тағайындалды. Атап айтқанда, «Су ресурстарын басқару», «Гидротехникалық құрылыс және құрылымдар», «Елді мекендерді сумен жабдықтау және суды бұру» мандықтары бойынша студенттер, сала бойынша мекемелерге жолданды. 6В08613 - «Елді мекендерді сумен қамтамасыз ету және суды бұру» білім беру бағдарламасы бойынша 1-ші курс студенттеріне ең алғашқы - оқу практикасы да «Р. Жолаев атындағы оқу-зертханасында» басталып кетті.
Кәсіптік бағдар беру жұмыстары
3-4 мамыр күндері Жуалы, Талас, Жамбыл аудандарына қарасты елді мекендерде, ауылдарда орналасқан мектептерді аралау жұмыстары жүрді. Ондағы мақсат, мектеп бітірушілерге кәсіби бағдар шарасы аясында «Су ресурстары және суды пайдалану» бағдарламасы бойынша дайындалатын мамандықтарға үгіт-насихат жүргізу.
Негізі «Су ресурстары» кафедрасында бакалавр дәрежесі бойынша үш мамандық түрі бар. «Су ресурстарын басқару», «Гидротехникалық құрылыс және құрылымдар», «Елді мекендерді сумен жабдықтау және суды бұру» мандықтарына үміткер болу үшін, бітірушілердің физика-математика пәнін таңдап, ҰБТ-ден 50 баллдан жоғары көрсеткіші болуы шарт.
Кәсіптік бағдар беру жұмыстары
Ағымдағы жылдың 20-21 сәуірінде «Су ресурстары» кафедрасының атынан «Гидротехникалық құрылыс және құрылымдар», «Елді мекендерді сумен жабдықтау және суды бұру», «Су ресурстарын басқару» мамандықтарын мектеп бітірушілерге таныстыру мақсатында Қаратау қаласының мектептеріне жол тартық. Қаратау қаласында, жалпы әр түрлі деңгейдегі сегіз жалпы орта білім ордасы бар екен, олардың арасында, А. Байтұрсынов атындағы гимназия, Д. Қонаев, С. Сейфуллин, А. Пушкин, Ш. Уалиханов, М. Әуезов, атындағы орта мектептер, №1 орыс мектеп лицейі және лицей-мектеп бар. Оқушылардың арасында бейіндік пәні физика-математика таңдаған балаларға ерекше көңіл бөлініп, сұрақ-жауап алмасып, өте қызу пікірталас орнады.
Кәсіби бағдар беру жұмыстарының жүргізілуі
Кәсіби бағдар беру жұмыстары қазіргі таңда маңызды болып табылады. Кәсіби бағдар беру - жас ұрпақты өзінің қалауындағы мамандық иесі болу үшін дайындауға бағытталған іс - әрекет. Мамандықты саналы таңдауда адамның қабілеттілігінің қалыптасуының да үлкен маңызы бар.
«Жерге орналастыру және кадастр» кафедрасының профессор - оқытушылар құрамы жоспарға сай бекітілген Тараз қаласының «№36 орта мектебі» коммуналдық мемлекеттік мекемесі, «№44 орта мектебі» коммуналдық мемлекеттік мекемесі, «№2 орта мектебі» коммуналдық мемлекеттік мекемесі және 125 high educational school мектебін бітіруші түлектерімен кездесіп, кәсіби бағдар беру жұмыстарын жүргізуде. Кәсіби бағдар жұмысында мектеп бітіруші түлектерге білім беру бағдарламалары туралы түсіндіру, білім беру бағдарламаларын таңдауға бағыт - бағдар беру, оқушыларды белгілі мамандықтың түрін меңгеруге бейімдеу туралы түсіндіру жұмыстарын жүргізіп, Тараз қаласындағы өңірлік университетімізге оқуға түсуге шақырды. Университетіміздің барлық білім беру бағдарламалары туралы ақпарат берілді. Кафедрамызда оқытылатын 6В07312-«Жерге орналастыру», 6В07311-«Жер кадастры және жылжымайтын мүлікті бағалау» білім беру бағдарламалары бойынша ақпараттар беріліп, таңдау пәндеріне тоқталып, кафедраның жеткен жетістіктері туралы айтылды.
Үгіт-насихат жұмыстары
2023 жылы 19 сәуірде «Су ресурстары» кафедрасы оқытушыларымен Жамбыл облысы Сарысу ауданы мектептеріне үгіт-насихат жұмыстары жүргізілді. Байқадам кентінің екі мектебіне бардық. Кафедра оқытушылары университет және кафедра туралы бейнеролик пен презентация жасады. Мектеп оқушыларына грантқа құжаттар тапсыру процедурасы қалай жүргізілетіні түсіндірілді, және де «Су ресурстары» кафедрасы мен университет буклеттері таратылды. Сонымен қатар, биылғы оқу жылында «Су ресурстары және суды пайдалану» білім беру бағдарламасына 50 мақсатты және 20 облыс әкімі бөлінетіні айтып өтілді. Баяндама жасалған соң, мектеп түлектері грант пен құжат тапсыру туралы сұрақтар қойды.
XV РЕСПУБЛИКАЛЫҚ СТУДЕНТТІК ПӘНДІК ОЛИМПИАДА
Алматы қаласында Қазақ ұлттық аграрлық зерттеу университетінде 2023 жылдың 27-28 сәуірінде Қазақстан Республикасы Ғылым және жоғары білім министрлігінің жоспарына сәйкес өткен XV Республикалық пәндік олимпиада өткізілді. Бұл жарысқа еліміздің 18 жоғарғы оқу орнынан 217 студент қатысты. Белгіленген 15 білім беру бағдарламасы бойынша ұйымдастырылған республикалық білім сайысында «Жүзден жүйрік, мыңнан тұлпар» шыққан таланты және дарынды жастарымыз бар білімін ортаға салып додаға түсті.
"Шәкәрім Құдайбердіұлының туғанына – 165 жыл" - поэзиялық кеш
М.Х.Дулати атындағы Тараз өңірлік университеті «Экология» кафедрасы және кітапхана ұжымының ұйымдастыруымен 27 сәуір күні «Шәкәрім Құдайбердіұлының туғанына – 165 жыл толуына орай поэзиялық кеш» өтті. Іс-шараға 1-4 курс студенттері қатысты.
Мақсаты: студенттердің Шәкәрім Құдайбердіұлы туралы білімдерін дамыту; ақын өлеңдерінің идеясын ашу, рухани-адамгершілік қағидаларымен танысу, өлеңдерін нақышына келтіре оқи отырып, негізгі түйінге мән беру.
Кеште кітапхана библиографы Аленова Рысты Шәкәрім Құдайбердіұлының шығармашылық өмірін баяндады.
«ҚАЙЫРЫМДЫЛЫҚ ЖАСАУ – ӘРБІР ЖАСТЫҢ МІНДЕТІ»
Қазіргі заманда жастар тәрбиесінде жүректі имандылыққа, махаббатқа, қайырымдылыққа, нұрландыруға, ізгі іс жасауға және жүректен жүрекке адам жанына әсер ету үрдісі кең ауқымда талқыланып келеді.
Қайырымдылық жасау үшін асып-тасып бай болу керек емес. Ең бастысы мейірімді жүрегің мен таза ниетің болса жеткілікті. Кез келген қиын жағдайда адам баласы әр түрлі бағытта көмек қолын соза алады. Біреулер жаны жабырқау жүргендерді жұбата отырып күлкі сыйласа, екіншілері қиын сәтте қол ұшын беріп, көмек жасайды. Бүгінде сондай игі істер, түрлі акциялар қайырымдылықты өмірлік мақсат еткен жомарт жандардың саны жылдан-жылға артып келеді.
2023 жылдың 17-ші сәуірде «Экология» кафедрасының В05212-«Өндірістік мекеменің экологиясы» БББ, 2-ші курс студенттерімен кураторлардың ұйымдастыруымен қайырымдылық өтті. 2-ші курс студенттері, соның ішінде қазақ тобы бойынша 13 студент және 1-студент орыс тобынан жақсы іс атқарып, Тараз қаласының түрғыны мүмкіндігі шектеулі мүгедек жанға арналған қайырымдылық көмек көрсетілді.
Біліктілікті арттыру-уақыт үрдісі
Жоғары білім беру жүйесінде жұмыс істейтін оқытушылардың біліктілігін арттыру бүгінгі күні университеттердің кадр саясатының міндетті құрамдас бөлігі ретінде қарастырылады.
ЖОО ПОҚ-ның кәсіби шеберлік деңгейін арттыру оқу-әдістемелік міндеттерді шешуге, білім беру процесі сапасының жаңа көрсеткіштеріне қол жеткізуге ғана емес, сонымен қатар ПОҚ-ның кадрлық өсуіне ықпал етеді.
Бүгінгі таңда университеттің әр оқытушысының тұрақты кәсіби өсу қажеттілігі біліктілік талабы ретінде қабылданады.
Су саласы мамандарын заманауи даярлау
Бүгінгі таңда су ресурстарының тапшылығы күшейіп келе жатқанда, оларды ұтымды пайдалану мәселесі ерекше өзекті болып отыр.
Сондықтан су ресурстарын сауатты және тиімді пайдалану білікті және жауапты кадрлар болған жағдайда ғана шешуге болатын маңызды мемлекеттік міндеттердің бірі болып табылады.
Осыған байланысты 2023 жылғы 13-17 наурыз аралығында "ҚазСШҒЗИ" ЖШС-і мен "Қазсушар" РМК Жамбыл филиалының ПЭУ бірлесіп су шаруашылығы қызметкерлеріне арналған оқыту семинарын өткізді. Семинар бағдарламасында мынадай мәселелер қарастырылды: Эксплуатациялық гидрометрияны (ЭГ) жүргізу тәртібі. Су шаруашылығы жүйелеріндегі ЭГ ерекшеліктері. Су есебі. Коллекторлық-дренаждық желіні (КДЖ) және тік дренаждық ұңғымаларды (ТДҰ) пайдалану ерекшеліктері.
Жұмыс берушілермен дөңгелек үстел.
Су-еліміздің барлық экономикасының негізгі құрамдас бөліктерінің бірі. Ол ауыл шаруашылығында, өнеркәсіпте, тұрғын үй-коммуналдық салада және энергетикада қолданылады
Сондықтан су ресурстарын сауатты және тиімді пайдалану білікті және жауапты кадрлар болған жағдайда ғана шешуге болатын маңызды мемлекеттік міндеттердің бірі болып табылады. Осы маңызды міндеттерді шешу аясында 15 наурызда "Су ресурстары" кафедрасының оқытушылары Н.Ж. Жоламанов пен К. Р. Жабағиева"Су шаруашылығының жас маманы" тақырыбында дөңгелек үстел ұйымдастырды
Қош келдің Әз Наурыз
Көктем мен жаңару мерекесі Ұлыстың ұлы күні Наурыз мейрамына орай «Жерге орналастыру және кадастр» кафедрасының ұйымдастыруымен жастарға ұлттық ойындарды насихаттау мақсатында ұлттық ойындар ұйымдастырылды. Кафедраның студенттері арасында қазақтың ұлттық ойындары «Асық ату», «Шекемтас», «Қол күрес» және «Арқан тарту» түрлері бойынша күш сынасты. Ұлттық ойындардың ережесіне сәйкес ойын қызу өтті. Ойын нәтижесінде келесі студенттер жеңімпаз атанды. «Қол күрес» ұлттық ойынында алдыңғы қатарға шыққан кафедраның 2 курс студенттері, «Шекемтас» ұлттық ойынында ерекше ойын көрсеткен 6В07311 – «Жер кадастры және жылжымайтын мүлікті бағалау» білім беру бағдарламасының 2 курс студенті Болатбек Аружан, «Асық ату» ойынында мергендік танытқан 3 курс студенттері, «Арқан тарту» ойынында 6В07311 – «Жер кадастры және жылжымайтын мүлікті бағалау» білім беру бағдарламасының 3 курс студенттері арнайы дипломмен марапатталды. Ойында белсенді студенттер 6В07312-«Жерге орналастыру» білім беру бағдарламасының 1 курс студенті Ташметов Алмат, 6В07311 – «Жер кадастры және жылжымайтын мүлікті бағалау» білім беру бағдарламасының 3 курс студенті Жұмабай Дархан, 6В07312-«Жерге орналастыру» білім беру бағдарламасының 3 курс студенті Елеу Әділби, 6В07311 – «Жер кадастры және жылжымайтын мүлікті бағалау» білім беру бағдарламасының 2 курс студенті Молдабеков Тараз алғыс хатпен марапатталды.
«Ана – мәңгілік шуақ төккен ғасырларға!»
Су шаруашылығы және табиғатқа үйлестіру институтының Экология кафедрасы 8 Наурыз халықаралық әйелдер күніне орай «Ана – мәңгілік шуақ төккен ғасырларға!» атты іс-шара жүргізді. Тарихи-мәдени мұраны жаңғырту, сақтау және насихаттау, өскелең ұрпақты өзінің ұлттық құндылықтары мен дәстүрлерін құрметтеу рухында тәрбиелеу мақсатында іс шараға ҚР Мәдениет және спорт министрлігіне қарасты «Ежелгі Тараз ескерткіштері» мемлекеттік тарихи-мәдени қорық музейінің қызметкерлерін шақырды. Музей қызметкерлері «Ежелгі құнды әшекейлер» тақырыбында жылжымалы көрме ұйымдастырып, ерте замандағы қыз-келіншектер қауымының әшекей бұйымдарын, йіс су сақтайтын құтыларын және басқа да тұрмыста қолданатын жәдігерлерін көрсетіп, олардың тарихымен таныстырды.
ҚҰТТЫҚТАЙМЫЗ!
ҚҰРМЕТТІ РАХИМА ӘБДІРАХМАНҚЫЗЫ!
Сізді М.Х.Дулати атындағы Тараз өңірлік университетінің ұжымының және «Су ресурстары» кафедрасының ұжымы атынан 60 жас – Мерей тойыңызбен шын жүректен құттықтаймыз.
Ұстаздық пен ғылымдағы еңбек жолыңызды 1985 жылы «Қазақ су шаруашылығы ғылыми зерттеу» институтында инженер болып бастадыңыз.
1987-1990 жылдары Қазақ энергетика ғылыми зерттеу институтында күндізгі аспирантура бөлімінде оқыдыңыз.1990-1993 жылдары осы институттың «Гидротехникалық құрылымдар гидравликасы» зертханасында кіші және аға ғылыми қызметкер қызмет атқардыңыз.1992 жылы 05.23.16 – «Гидравлика және инженерлік гидрология» мамандығы бойынша кандидаттық диссертацияны сәтті қорғай отырып, ғылымға елеулі үлес қостыңыз.1993 жылдан осы уақытқа дейін М.Х.Дулати атындағы Тараз өңірлік университетінде оқытушы, аға оқытушы және доцент лауызымында табысты жұмыстар атқарып келесіз.
Профессор Әбдіраманов - Ғылыми мектептің негізін салушы
Қазақстан Республикасының жаратылыстану ғылымдары академиясының және «Экология» халықаралық академиясының академигі,
РЕСЕЙ ЖАРАТЫЛЫСТАНУ ҒЫЛЫМДАРЫ АКАДЕМИЯСЫ АКАДЕМИГІ, техника ғылымдарының
докторы, профессор
Әбдіманап Әбдікерімұлы Әбдіраманов 1940 жылы Оңтүстік Қазақстан облысының Қазығұрт ауданындағы «Қазақстанның 20-жылдығы» ауылында дүниеге келген.
1947..1954ж.ж. жеті жылдық мектепті бітіріп Шымкенттегі ауыл шаруашылық техникумының «Гидромелиорация» бөліміне оқуға түседі. Оны үздік бітіріп 1959 жылы Шымкент мемлекеттік педагогикалық институтының «физика және жалпы техникалық пәндер» мамандығына білімгер болып қабылданады. 1964ж. институтты үздік бітіріп, қарулы күштер қатарында бір жыл қызмет етеді. 1965…1976 жылдары Қазақтын су шаруашылық ғылыми-зерттеу институтында кіші ғылыми қызметкерден бастап бөлім бастығына дейін өседі. 1976 жылдың қазан айынан Жамбыл гидромелиоративтік-құрылыс институтына конкурс арқылы «Теориялық механика» кафедрасына меңгеруші болып өтеді. 1976-2011 жылдар аралығында Ә.Әбдіраманов «Гидравлика», «Гидроэнергетика», «Су ресурстары және гидротехникалық құрылымдар» кафедраларын басқарды, 1992…1993 жылдары инженерлік-мелиоративтік факультетінің деканы қызметін атқарды.
ЖАМБЫЛ ГИДРОМЕЛИОРАЦИЯ-ҚҰРЫЛЫС ИНСТИТУТЫНА – 60 ЖЫЛ!
60 ЖЫЛ – СУ САЛАСЫНДА!!!
М.Х.Дулати атындағы Тараз өңірлік университеті - Жамбыл гидромелиоративтік-құрылыс институтының мұрагері ретінде 60 жыл бойы (1962 жылдан бастап) «Су шаруашылығы» мамандарын даярлауды жүзеге асырып келеді. М.Х.Дулати атындағы Тараз өңірлік университеті құрамындағы «Су шаруашылығы және табиғатқа үйлестіру» институтының кадрлық әлеуеті мықты, ұжымда 15 ғылым докторы, профессорлар, 40-тан астам ғылым кандидаттары, доценттер, 11 PhD докторлары, 27 магистр, Республиканың су ресурстарын тиімді және ұтымды пайдаланудың негізгі оқу-ғылыми мәселелерін шешуге атсалысып жүр. Институттың екі кафедрасы «Су ресурстары» және «Мелиорация және агрономия» тікелей су шаруашылығы мамандарын даярлаумен айналысады.
«Авиация генерал-майоры, Кеңес Одағының екі мәрте батыры Талғат Бигелдиновке - 100 жыл!»
Талғат Жақыпбекұлы Бигелдинов – Авиация генерал-майоры, Кеңес Одағының екі мәрте батыры, «Барыс» орденінің иегері. 1922 жылы 5-тамызда Сарыарқа даласында, Ақмола облысының Майбалық ауылында дүниеге келген.Өзінің әскери өмірінде жауынгерлік барлау, немістің шабуылдаушы ұшақтарына шабуыл жасау секілді жүздеген оқиғалар болады.Талғат Жақыпбекұлы өзінің алғашқы «Алтын жұлдыз» медалі мен Кеңес Одағының Батыры атағын 1944 жылы алды. Оның басшылығындағы ұшақтар Кировоград пен Знаменка қалаларын батылдықпен қорғады. Бір жыл өткен соң Бигелдинов сол атаққа екінші рет ие болды.Кеңес Одағының Батыры Талғат Бигелдинов соғыста екі жыл ғана күрес жүргізсе де, бірақ осы уақыт ішінде 305 әскери шабуылға шығып, көптеген ұшақтарды құлатып, жүздеген командалық тапсырмаларды орындады.
«25 қазан - Республика күні»
1990 жылы 25 қазанда Республиканың жоғары кеңесі еліміздің тәуелсіз мемелекет ретінде дамуының құқықтық негізін қалаған Декларацияны қабылдады. Осы тарихи маңызды қадам арқылы Қазақстан дербестіктің, тәуелсіздіктің алғашқы баспалдағын басты. Сол уақыттан бері мемлекетіміз өтпелі кезеңнің қиыншылықтарына төтеп бере отырып, даму мен өркендеу жолында келеді.Елбасы Н. Назарбаевтың сындарлы саясатының нәтижесінде қоғамдық өмірдің барлық салаларында экономикалық өсу байқалып, ұлтаралық өзара татулық, азаматтық келісімнің сақталуына ерекше мән берілуде. Қазақстан халқы өзінің ұлтына, сеніміне, жақсы мен дүниетанымына білім деңгейіне қарамай, еліміздің гүлденуіне бағытталған әлеуметтік – экономикалық, саяси – қоғамдық өміріне белсене араласып келеді.Отан, Отан!!!Сен болмасаң нетер ем?Мәңгілікке бақытсыз боп өтер ем! Қазақстан Республикасына деген әрбір азаматтың мақтаныш сезімі мереке кезінде қалай болса да шалқитындай реті бар. Ата - бабаларымыздың ғасырлар бойы аңсап өткен Тәлсіздікке қол жеткізгелі бері еліміз талай – талай асқарлы асуларды бағындырды. Өтпелі кезең ауыртпалықтарын бастан өткізіп, оңай тимеген экономикалық, саяси реформалар жүзеге асырылды. Қазақстанды бүгінде әлем жұртшылығы нарықтық экономикалы – демократиялық ел ретінде таниды. Елімізде халықтар достығы жақсы сақталып келеді. Ол жетістікте сөз жоқ еліміздің тұңғыш президенті Нұрсұлтан Назарбаевтың сіңірген үлкен еңбегі бар. Ел бірлігін сақтауда татулықтың үлкен байлық екендігін бүгінде Қазақстан халықтарының барлыңы айқын сезінеді. Біз туған мемілекетіміздің тәуелсіздгін баянды етуге, қуаттын артыруға, оның игілігіне, халықаралық қоғамдастықта абыройының өсуіне адал қызмет етуге парыздармыз. Қазір қазақстан – көп елдермен терезесі тең, елдік рәміздері анық, мәртебесі беделді мемлекет.
Подробнее ...
Қайырымдылық – адамгершілік белгісі
Жас буынға көрсеткен қамқорлықтың қайырымы көп. Қолдауды сезініп өскен жеткіншектер ертең елге қайырлы азамат болады. Қасиетті Рамазан айында М.Х.Дулати атындағы Тараз өңірлік университетінің «Су ресурстары» кафедрасының профессор-оқытушылар құрамы «Облыстық жасөспірімдер үйі» мекемесінің балаларына көмек көрсету мақсатында «Қамқорлық» қайырымдылық акциясын ұйымдастырды. 31 000 теңге көлеміндегі қаржыға қажетті заттар әперіп, қолдау көрсетті.
Қазақтың жақсы қасиеттерінің асылы – жомарттық, кең пейілділік. Ол адамға қызмет қылып, жақсылық жасауға пейілді жанға тән сипат. Жомарт болу – өзіңде барды зәру адаммен шын жүректен бөлісу. Аталған қайырымдылық іс-шарасын өткізудегі мақсатымыз – жас буынды қолдайтын алдыңғы толқынның барын сездірту болғанын айта кеткен жөн.
Тозған топырақ қайта қалпына келе ме?
Қазақстан Республикасының жер көлемі 2015 жылдың 1 қарашасындағы жер балансының деректері бойынша 272,5 миллион гектар, пайдаланылатын жер қоры 261 173,8 мың гектарды құрайды. Ауыл шаруашылық алқаптары – 214,8 миллион гектар оның ішінде, егістік жерлері – 24,8 миллион гектар. Жалпы ел экономикасының аграрлы секторында қожалық етудің мемлекеттік емес нысандарына ауыл шаруашылыққа берілген жерлердің 100,9 миллион гектары немесе 98,4 пайызы бекітілген.
Осынша кең алқап жеріміз кейінгі жылдарда бей-берекет пайдаланудың әсерінен топырағы тоза бастады. Бүлінген жерлер — өзінің шаруашылықтық құндылығын жоғалтқан жер. Оның тозуына топырақтың тұздануы, құнарсыздануы, эрозияға ұшырауы және химиялық улану себеп болады. Салдарынан жайылым жерлер де ескіріп, жойылу алдында тұр. Шөлейттену де бірінші табиғи факторлардан болса, екінші жағынан адамдар да әсер етіп жатыр. Ормандарды отап, карьерлер қазып, топырақтың эрозиясын қолдан жасайды. Бұл өзекті проблема, сондықтан оны заманауи технологиялар қолдану арқылы шешудің жолдарын қарастыруымыз қажет.
ОҚЫТУШЫЛАРДЫҢ ЖЕТКЕН ЖЕТІСТІКТЕРІ ОРАСАН
2021 жылғы 22 наурыздан биылғы наурызға дейінгі аралықта «Су ресурстары» кафедрасы біршама ауқымды және маңызды оқу-әдістемелік және ғылыми жұмыстар атқарды. Енді сол жұмыстарға жеке тоқталып өтелік.
«Су ресурстары» кафедрадасындағы ғылыми-зерттеу жұмыстары негізінен, М.Х.Дулати атындағы Тараз өңірлік университетінің ғылыми-зерттеу жұмыстары (ҒЗЖ) 2021-2024 жылдарға арналған перспективтік тақырыптық жоспарының негізінде («Методологические и инженерное обеспечение эффективности экспулатации русло-выправительных и берегозащитных сооружений на реках юга Казахстана»; «Исследование транспортирующей способности потока воды в реках»; «Разработка и исследования новых конструкции сопрягающимх сооружений») үш тақырыпта жүргізіледі. Жалпы бұл жұмыс 2021-2022 оқу жылында басталды.
ХАЛҚЫ ҰЛЫҚТАҒАН, ЕЛ-ЖҰРТЫ ҰМЫТПАҒАН
М.Х.Дулати атындағы Тараз өңірлік университетінің «Су шаруашылығы және табиғатқа үйлестіру» институты 1-3 курс студенттеріне Тараз қаласындағы Д.Қонаев атындағы облыстық мұражай-кітапханасына саяхат-сабақ ұйымдастырды.
Топ кураторлары Г.Қожамқұлова, Г.Қойшыбаева, М.Байжігітованың бастамасымен халқымыздың арда ұлы Дінмұхаммед Қонаевтың 110 жылдығына орай кітапханада «Ізі өшпейтін ізгі адам» атты іс-шара өткен болатын.
Облыстық мұражай-кітапханасының директоры Гүлфайруз Іңкарбекова студенттерге Д.Қонаевтың өміржолынан мол мәлімет айтып, Мемлекет және қоғам қайраткері, ҚазССР Ғылым академиясының Президенті, академик, үш мәрте Социалистік Еңбек Ері атанған тұлғаның халқы үшін еткен адал еңбегі туралы әңгіме қозғады.
АЛҒЫС АЙТҚАН АҚЖАРМА КӨҢІЛ... АНАЛАР МЕРЕКЕСІНДЕ АҚ ТІЛЕККЕ ҰЛАСТЫ
М.Х.Дулати атындағы Тараз өңірлік университетінің «Жерге орналастыру және кадастр» кафедрасының профессор оқытушылар құрамы мен студенттері Алғыс айту күніне орай «Жүректен жүрекке» алғыс білдіру баннерін дайындаған болатын.
Бұл бастама студенттер арасында үлкен қызығушылық туғызды. Жастар ақжарма көңілмен өз жақындарына, достарына алғыстарын жетікізіп, жүрек пішіндегі ашықхаттарын жапсырды. Ізгі тілектерін жеткізу үрдісінен оқытушылар да тыс қалған жоқ.
Адам баласы шынайы ризашылық сезімін әртүрлі жеткізеді. Біреуі ықыласын іс-әрекетпен, екіншісі – заттай сыйлық беру, тіпті жақсы қарым - қатынас түрінде де білдіретіндер бар. Әркім алғыс алу арқылы өзінің басқалармен қарым-қатынасын, өмірдегі орнын бағалай алады.
"БІЗДЕ СТУДЕНТ БОЛҒАНБЫЗ"
«Су ресурстары» кафедрасының 1-3 курс студенттері Институттың 60 жылдығына байланысты "Бізде студент болғанбыз" тақырыбында түлектермен бірге ашық кураторлық сағатын өткізді.
Бірінші сөз кезегін 3 курс топ кураторы Байжігітова Мадина Төреханқызы және «Су ресурстары» кафедрасының аға кураторы Кожамкулова Гулназ Ерлепесқызы «Су шаруашылығы және табиғатқа үйлестіру» институтының және «Су ресурстары» кафедрасының тарихымен таныстырып шықты. Кешімізді ары қарай 7М08612- «Елді мекендерін сумен қамтамасыз ету және суды бұру» білім бағдарласының 1 курс магистранты Халық Елнұрға, 7М07411-«Гидротехникалық құрылыс және құрылымдар» білім бағдарласының 1 курс магистранты Джабаев Қуанышқа және 7М08615-«Су ресурстарын басқару» білім бағдарламасының 1 курс магистранты Карабеков Тимурға берілді. Олар «Менде студент болғанмын» деп өз сөздерін бастап, алдағы отырған студенттерге өздерінің өмірі жайлы, студенттік кезіндегі қандай жетістіктерге жеткендігі туралы әңгіме қозғады. Студент кезіндегі бірнеше мақалалар жазып жүлделі орындарға ие болғанын, өздерінің тыңдай еңбек етуінің арқасында және «Су ресурстары» кафедрасының профессор-оқытушы құрамының берген білімдері және көмегі арқасында студенттер арасындағы ғылыми конференцияларға қатысып жүлделі орын алғандықтары, басқа да қалаларға барып студенттер арасындағы олимпиадаларға қатысып көптеген жүлделі орындарға ие болғандықтарын айтты. Сонымен қатар Дулати университетінің қабырғасында бірнеше студент жастарға арналған студенттік ұйымдар бар екендігін, оның ішінде студенттік белсенділер қатарына жазылғандарын және де «Энактус» жастар орталығына қатысқандарын, «Студент-зерттеуші» атағын жеңіп алғандықтары туралы айтып студенттерді қызықтыруға тырысты.