Су ресурстарын қорғау – ғаламдық проблема. Ал біздің елімізде бұл мәселенің геосаяси мәні бар. Сондықтан, су шаруашылығын дамытуға тың серпін беретін ғалымдарға, сала мамандарына мейлінше қолдау көрсетілуі керек. Сондай-ақ осы бағытта кадр даярлап отырған оқу орындарының материалдық-техникалық базасын нығайту қажет.

М.Үркімбаев атындағы Жастар сарайында өткен бұрынғы Жамбыл гидромелиоративтік-құрылыс институтының 1980 жылғы түлектерінің кездесуінде М.Х.Дулати атындағы Тараз өңірлік университетінің басқарма мүшесі – ректордың міндетін атқарушы Гүлвира Мұсабекова осындай мәселелерге тоқталды. Түлектердің әр 5 жыл сайынғы дәстүрлі басқосуларының форматын өзгертіп, ұрпақтар сабақтастығын жалғаудағы бастамашылдығына ризашылығын жеткізді.

Президент Жолдауда су шаруашылығына қажетті білікті мамандарды даярлау үшін бұл саладағы іргелі әрі мықты жоғары оқу орнын анықтауды тапсырғаны белгілі. Су ресурстарын қорғау және үнемдеу мәселесінің қай кезде де өзекті екені мәлім. Ал ол үшін білікті кадр, ғалымдардың зерттеулер жүргізуіне, тың жобаларын қолданысқа енгізуіне жол ашу қажет. 1980 жылғы түлектер дәстүрлі кездесулерін осы өзекті тақырыппен тиімді ұштастырғанын айта кету керек. Сондай-ақ студенттермен жүздесіп, пікір алмасу форматын таңдағаны да үйлесімді болды.

Негізі түлектер тарапынан дәстүрлі кездесуді басқа қалада өткізу туралы ұсыныстар да көтерілген екен. Алайда кеңесе келе күні кеше студенттік шақта өздері іргесін қалап, құрылысына атсалысқан Гидрокешенде басқосуға бел буыпты. Кездесуде институттың 60 жылдық тарихында қол жеткізген табыстары туралы айтып, маман даярлау ісінде материалдық-техникалық базаның маңыздылығы туралы сөз қозғады.

Келелі кездесуде терең әңгіме қозғағандардың бірі – академик Сағат Сұлтанұлы болды. Жалпы кездесуде мінберге көтерілген түлектер болашақ кадрларға қоғамда нарықтық қатынастардың талабы жиі өзгеріске ұшырап отырғанымен, техник мамандар даярлаудың маңызы жоғалмайтынын айтып, ой бөлісті. Ұлттың қамын ойлаған ел осыны естен шығармау керегін еске салды.

Түлектер кездесуіне арналған салтанатты жиыннан кейін «Қарахан» кафесінде Құран оқытылып, соңынан Тараз қаласындағы тарихи ескерткіштерге саяхат жасалады. Университеттің оқу корпустарымен танысу да осы күнге жоспарланған.

«Су шаруашылығы және табиғатқа үйлестіру» институтының 60 жылдан бері (1962 жылдан бастап) «Су шаруашылығы» мамандарын даярлауды жүзеге асырып келеді. Институт директоры Кенжеғали Шилібектің айтуынша, кадрлық әлеуеті мықты  ұжымда 19 ғылым докторы, профессорлар, 50-ден астам ғылым кандидаты, доценттер, 13 PhD докторы еңбек етеді. Ғалымдардың су ресурстарын тиімді және ұтымды пайдаланудың негізгі оқу-ғылыми мәселелерін шешуге қосқан үлестері көп.

Сондай-ақ институттың су шаруашылығы саласында көптеген табыстарға қол жеткізген түлектері бар. Солардың қатарында институттың 1980 жылғы түлектерін атап өтуге болады. 1980 жылғы түлектердің ішінде 20 шақты ғылым докторы шыққан.

Старший преподаватель кафедры «Химия и химическая технология» 27.09.2022 г. А.С. Кулажанова провела встречу с учащимися выпускных классов средней школы №38 г.Тараз, Жамбылской области

На встрече Кулажанова А.С. ознакомила выпускников с новыми правилами проведения Единого национального тестирования (ЕНТ) и образовательными программами Таразского регионального университета им. М.Х. Дулати, подробно ответила на вопросы выпускников, обьяснила важность и значение образовательной программы 6В05314-«Химия» в нашем регионе. Учащимся школы были представлены видеоролики об образовательных программах кафедры «Химия и химическая технология».

2022 жылдың 27 қыркүйегінде М.Х. Дулати атындағы Тараз өңірлік университеті, Технологиялық факультетінің «Химия және химиялық технология» кафедрасының аға оқытушысы А.С. Кулажанова Тараз қаласының №38 орта мектебінде мектеп бітіруші 11 сынып оқушыларымен «Кәсіптік бағдар беру» жұмысы бойынша   кездесу өткізді.

Кездесу барысында Кулажанова А.С. мектеп бітіруші түлектерді М.Х. Дулати атындағы Тараз өңірлік университетіндегі білім беру бағдарламалары және өткізілетін Ұлттық біріңғай тестілеудің (ҰБТ) жаңа ережелерімен таныстырып, түлектер тарапынан қойылған сұрақтарға жауап берді. Сондай-ақ, 6В05314-«Химия» білім беру бағдарламасының өңірімізде алатын орынын, маңыздылығын айқындап, жан-жақты мағлұматтар берді. Сонымен қатар, «Химия және химиялық технология» кафедрасында дайындалатын білім беру бағдарламалары бойынша көптеген керекті мәліметтерді бітіруші сынып оқушыларына жеткізді.

2022 жылдың 28-қыркүйек күні университетінің 5.1-111 оқу ғимаратында «Ұстаз» институтының 1-курс студенттерімен дін саласындағы ақпараттық-түсіндіру жұмыстарына байланысты кездесу өтілді. Аталған кездесуге Дінтану орталығының бас маманы Бахтияр Қаржаубайұлы Алпысбаев дінтанушы маман ретінде қатысып,  діни экстремизм мен терроризм қаупі туралы хабардар болу, дін саласындағы мәселелерді неғұрлым терең түсіну, сыни ойлау дағдыларын қалыптастыру туралы ойларымен бөлісті. Себебі діни экстремизм – діни артықшылық, діни алауыздық, жеккөрушілік, дінді саясаттандыру сияқты ең шеткі қисынсыз көзқарастары мен әрекеттері арқылы пайда болатын қоғамға қауіпті құбылыс болып табылады.

Жастар арасында діни экстремизмнің алдын алу шаралары бойынша жұмыс ең алдымен, өскелең ұрпаққа берілетін тәрбиемен ұштастырыла атқарылуы тиіс. Себебі бүгінгі жас буын ертеңгі елдің келешегін құратын, тізгініне ие болатын аға буынға айналмақ.

2022 жылды – Балалар жылы деп жариялағанда, 12 айдың ішінде ұсынылатын жобалар мен бастамалардың бәрі өзара сабақтасып тұратынына күмән болған жоқ. Жалпы жас жеткіншектердің игілігі үшін атқарылатын жұмыстар әр жылы толас таппайтыны белгілі. Елдің ертеңі солар болған соң, барлық іс балалардың болашағын қамдаудан басталуы заңдылық.

Балалар жылына орай, ел көлемінде елеулі іс-шаралар жоспарланып, жүзеге асырылып жатқаны белгілі. Солардың ішінде балғындар тәрбиесіндегі тұтас жүйені қамтыған ең ұтымды жобаны М.Х.Дулати атындағы Тараз өңірлік университеті ұсынды. Ерекшелігі – білім беру жүйесінің барлық сатысын қамтылуында. Ал оқыту мен тәрбиелеу процесі – балаларға деген қамқорлықтың ең тиімді үлгісі екені сөзсіз.

 «Балабақша – мектеп – жоғары оқу орындары» байланысындағы І фестиваль аясында Дулати университетінде бірнеше маңызды іс-шара ұйымдастырылды. Соның бірі – оқу орнының бас ғимаратында өткен университет ғалымдарының «KIDS UNIVERSITY» жобасы мен Ш.Уалиханов атындағы Көкшетау университетінің «KASCUNET балалар университеттері желісін құру» ғылыми-зерттеу жобасы аясында ғылыми ынтымақтастықты нығайту бойынша кездесу.

Жалпы білім беру ісінде кездесетін түйткілді проблемалардың себебіне үңілсек, «KIDS UNIVERSITY» жобасы мен Ш.Уалиханов атындағы Көкшетау университетінің «KASCUNET балалар университеттері желісін құру» ғылыми-зерттеу жобасының маңызы ашыла түседі. Осы тұрғыдан алғанда, бұл бастама үлкен мәнге ие.

Өзара әріптестік байланысты нығайтуға жол ашқан кездесуде білім беру процесіндегі өзекті мәселелер сөз болды. Оқытудың үш сатысындағы білім мекемелерінің қарым-қатынасы жайлы айтылды.Кездесуден кейін Ш.Уалиханов атындағы Көкшетау университеті ғалымдарының Дулати университетінің музейімен танысты.

Фестиваль шеңберіндегі іс-шаралар Дулати университетінің студенттері мен магистранттары және Ы.Алтынсарин атындағы №49 мектеп-гимназиясының 4 сынып оқушыларына өткізген «Шебер сыныптарда» жалғасын тапты.

Балалар жылына орай ұйымдастырылған фестиваль екі күнге созылды.  «Ақүрпек» бөбекжай бақшасында «Ғылым және мен» атты мектепалды даярлық тобындағы балалармен студенттердің танымдық сабақтар өтті. Бұдан кейін Тараз қаласындағы Ә.Бөкейханов атындағы №1 гимназиясында «Мен ғалым боламын» атты студенттердің мектеп оқушылары арасындағы зияткерлік шығармашылық жұмыстары сараланды.

М.Х.Дулати атындағы Тараз өңірлік университетінің «Ұстаз» институты, «Мектепке дейінгі және бастауыш білім беру» кафедрасының бастамасымен өткен фестивальге Ш.Уалиханов атындағы Көкшетау университетінің ғалымдары, «Ақүрпек» бөбекжай бақшасы, Ә.Бөкейханов атындағы №1 гимназия, Ы.Алтынсарин атындағы №49 мектеп-гимназиясының педагогтары, «Үздіксіз және мектепке дейінгі білім беру Қазақстан ассоциясының филиалының» ғалым-профессорлары қатысты.

Шекара асып біліктілікті арттыру, көкжиекті кеңейту заман талабы. Ол үшін ағылшын тілін меңгеру, бірнеше сынақтардан өту қажет. Ең бастысы мамандығыңды шыңдап, ізденісті тоқтатпасаң болғаны.

Қазіргі таңда барлық ЖОО-да академиялық ұтқырлық бағдарламасы студенттер үшін жақсы мүмкіндік сыйлауда.  Апта, ай немесе бірнеше жыл тәжірбиеден өту студент үшін үлкен жетістік.

Дулати университетінің студенттері жаңа оқу жылын Малайзия, Испания, Германия, Түркия елдерінде бастады. Академиялық ұтқырлық бойынша конкурстық гранттардың иегері атанған білімгерлер жақсы нәтижемен көзге түсуде. Бүгінде жаңашылдыққа құштар Шет тілі мұғалімдерін даярлау және Дене шынықтыру мұғалімдерін даярлау мамандығының 3-курс студенттері Польша мемлекеті,  Познан қаласы, Адам Мицкевич  университетінде оқуға мүмкіндік алды. Студенттерді Дулати университетінің ректоры міндетін атқарушы Гульвира Мусабекова қабылдап сәттілік тіледі. Білімге ұмтылған әр жасты қолдау – университеттің басты миссиясы екенін атап өтті. Жиын соңында студенттерге университеттің имидждік өнімдері тарту етілді.

Дулати университетінің медиа-қызметі.

Жас ұрпақтың жарқын болашаққа барар жолын айқындап бағдар берушісі. Ол үшін мұғалімнің заманға сай білімі, біліктілігі қажет.

Дулати университетінің профессор-оқытушы құрамы ізденісін тоқтатқан емес. Бір-бірімен тәжірбие алмасу, түрлі тренигтер ұйымдастыру дәстүрлі түрде жалғасын табуда. Тек университет, республика көлемінде шектелмей шетелдік ғалымдар магистранттар мен доктаранттарға дәріс өтуде. Профессор-ғалымдар Литва, Түркия, АҚШ, Германия елдерінен келген. Күнделікті тәжірбие барысында жаңа сабақ өту техникасы мен методиканы үйренетін біздің магистранттар алдағы уақытта жұмыс барысында пайдаланатындарын жеткізді.

Кезекті дәріс «Ұстаз» институтының физика лабораториясында Литва қаласынан келген профессордың тәжірбиесімен жалғасты. Айта кету керек, шетелдік ғалымдар Дулати университетінде 1 ай дәріс оқиды.

Дулати университетінің медиа-қызметі.

Қоғамдық мәселелерді шешудің тиімді жолы – оған дер кезінде назар аудару. Халықпен кері байланыс қашанда қажет. Мемлекет басшысы Қасым-Жомарт Тоқаевтың Жолдауынан туындаған осындай міндеттерді орындау мақсатында М.Х.Дулати атындағы Тараз өңірлік университетінде қоғамдық қабылдау кабинеті ашылды.

Жоғары оқу орындарының контингентінің басым бөлігін студенттер құрайтыны түсінікті. Ал жастардың проблемасы – әлеуметтік көңіл күйге әсер ететін қоғамдағы түйткілдердің бірі. Әсіресе, студенттердің жайы алаңдатады. Өйткені, білім алып, маман иесі атанам деген жасқа сапалы білім алуы үшін қолайлы жағдай жасалуы тиіс. Ал туындаған мәселелерге дер кезінде назар аударып отыру қажет.

Университет жанынан іске қосылған қоғамдық қабылдауларда профессор-оқытушылар мен қызметкерлер, білім алушылардың өтініш-сұрақтары тыңдалады. Туындаған сауалдарына немесе ұсыныстарының шешімін табуға көмектесу, ғылым және жоғары білім саласындағы жобаларды іске асыруды үйлестіру т.б. мәселелер қаралады. Сонымен қатар, студенттермен, ұжыммен, қоғаммен тұрақты жұмыс істейтін байланыс арналары құрылады.

Қоғамдық қабылдауды университет ректоры басқарады. Ол өз жұмысын Ғылым және жоғары білім министрлігі жанындағы Ахуалдық орталықтың басшысымен бірлесе үйлестіреді.

Бұл ретте бір нәрсені ескерген жөн, қоғамдық қабылдауда тек шағымдар ғана қабылданбайды. Өз идеяларын айтқан, ойлары мен ұсыныстарын ортаға салған студенттер мен профессор-оқытушылардың да бастамалары тыңдалып, қолдау табатын болады. Қоғамдық қабылдаудың негізінде ақпараттық қолдау орталығы, контент-фабрикасы, әлеуметтік зерттеу орталығы ашу көзделуде.

Ұстаз институтында 5 мен 22 қыркүйек күндер аралығында Қазақстан халықтар тілдер күні мерекесіне орай "Тіл - татулық тірегі" тақырыбында тілдер апталығы өтті.

1989 жылы 22 қыркүйек күні "Тіл туралы" заң қабылданды. Биыл мейрамның жаңа датасы Ахмет Байтұрсынұлының дүниеге келген күніне сәйкестендіріп таңдалып алынған. 1873 жылдың 5 қыркүйегінде қазақ тіл білімімен және әдебиеттануымен айналысқан ағартушы және ғалым Ахмет Байтұрсынұлы дүниеге келді. Ол қазақ тіл білімінің негіздерін, грамматиканың ғылыми терминологиясын жасаған.

Бұл мереке туған тілге деген құрмет мен сүйіспеншілікті, сондай-ақ, өзге ұлттардың мәдениеті мен дәстүрін танып, білуге бағытталған.

«Білім берудегі шетел тілдері» кафедрасының аға оытушылары Байбосынова А.С., Тулебаева С.К., Отарова Т.Н. 1-курс студенттері арасында студенттердің шығармашылық қабілетін арттыру мақсатында 19-24 қыркүйек аралығында Қазақстан халықтар тілдер күні мерекесіне орай «Literary challenge: Poems of Language» тақырыбында ағылшын тілінде тіл туралы өлең оқудан жарыс ұйымдастырды.

Тіл туралы өлең оқудан челленджге 1-курс студенттері белсене ат салысты. Студенттер өздері видео үндеу жасап, бір-біріне жолдау жасады. Көрсетілген уақыт аралығында бірнеше жұмыстар келіп түсті. Кафедра шешімімен өте үздік деген 7 видео таңдалып, институттың инстаграм парақшасына жүктеліп, онлайн дауыс беруге ортаға салынды. Дауыс беру 24-26-қыркүйек аралығында жүргізілді. Дауыс беру шарты ең көп лүпіл және пікір жинаған студент байқау жеңімпазы болып анықталды. Аталған уақыт аралығында студенттер белсенділік танытты.