Байқауға облыстың 50-ге жуық бөбекжай- бақша тәрбиешілері, жалпы орта мектеп мұғалімдері, колледж оқытушылары, студенттер және мектеп бітіруші түлектер қатысты. Әр түрлі тақырыпта өз шебер-сыныптарын көрсетті. Атап айтсақ, «Алтын балық» ертегісі (ертегі кейіпкерлерін фетрден жасау арқылы кітап құрастыру), «Матамен ертегі кейіпкерлерін жасау арқылы оқушылардың шеберлігін дамыту»т.б. тақырыптарында еңбектерін жетекшілер студенттермен, оқушылармен бірлесе қорғады.
«Ұстаз» институтының директоры Джолдасова Орынқыз Көпбосыновна «Шебер қолдар» ғылыми үйірмесі туралы өз пікірлерін білдіріп, қатысушыларға сәттілік тіледі.
Іс-шара соңында «Шебер қолдар» үйірме мүшелерінің ұйымдастыруымен қатысушыларға сертификат пен алғыс хаттар табыс етті.
