ТАҒЫЛЫМ МЕН ТАҒЗЫМ.

12 сәуір – Қазақстанда ғылым саласы қызметкерлерінің күні. 2011 Елбасы Нұрсұлтан Назарбаев жарлық шығарып, 12 сәуірді ғылым қызметкерлерінің күні ретінде бекітті. Мерекені атап өту 2012 жылдан басталды.

Дәл осы күні қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген.

«Мектепке дейінгі және бастауыш білім беру» кафедрасының профессор оқытушылар құрамы мен студенттері п.ғ.д., профессор  Клара Жайдарбекқызымен автордың атаулы аудиториясында «Тағылым мен тағзым» атты кездесу кешін өткізді.

Кеште «Мектепке дейінгі және бастауыш білім беру» кафедрасының меңгерушісі А.Т. Кенжебаева кіріспе сөз сөйлеп, құттықтады.

WhatsApp Image 2022 04 12 at 15.52.15

Мектепке дейінгі және бастауыш білім беру кафедрасының студенттері п.ғ.д., профессоры  Клара Жайдарбекқызының еңбектері туралы тұшымды пікірлерін білдіріп, сұрақтар қойып, мағыналы да мәнді жүргізді. Атап айтсақ, кездесу барысында педагог мәртебесі, оқытуда инновациялық технологияларды тиімді қолдану, ғылыми жетістіктері, мотивацияның рольдері туралы өзекті әрі маңызды мәселелер қозғады.

Л.Н. Гумилев атындағы Еуразия ұлттық университетінің профессоры, п,ғ,д.  Жиенбаева Сайра Нағашыбайқызы, «Химия және биология» кафедрасының меңгерушісі  Мажибаев Асылжан Кенжекерейұлы,  Мектепке дейінгі және бастауыш білім беру кафедрасының доценті, ф.ғ.к Есенова Нарима Бөрібайқызы, магистрант Қойшыманова Алия Мырзагуловна ғалым туралы сыр шеріп, ойларын білдіріп, видео арқылы құттықтауларымен игі тілектерін жолдады.

Кездесу соңы студенттер п.ғ.д., профессоры  Клара Жайдарбекқызымен суретке түсіп, автордың қолынан қолтаңба алумен аяқталды.

WhatsApp Image 2022 04 12 at 15.52.151

Top