Студенттер педагогикалық практика нәтижесінде жинақтаған әдістемелік тәжірибелері туралы ой бөлісті. Оқытушылар педагог мәртебесі мен қоғамдағы рөлі мен  туралы ой қозғады.

Республикалық семинарда кең талқыланған тақырыптың бірі – студенттерді педагогикалық базаларға бөліну статистикасы және электронды портфолионың мүмкіншіліктері. Сондай-ақ онлайн форматта балабақшалардағы практикадан өтіп жатқан студенттердің сабағына «әдістемелік десант» әдісімен саяхат жасалды. Мектепалды даярлық топтарындағы жетекші  педагогтармен онлайн-сұхбат жүргізілді.

Педагогика ғылымдарының кандидаты, қауымдастырылған профессор (доцент) Зағира Қашқынбаева мұндай онлайн семинарлар арқылы практика базасындағы студент жетекшілерімен әдістемелік тәжірибе алмасуға жол ашатынын айтады. «Әрқашан пікір-ой алмастырудың пайдасы көп. Біз студенттердің оқу-тәрбие процесіне араласуына жіті бақылау жасап отырамыз. Ондағы мақсатымыз – барлық практика талаптарына сай іс-әрекеттерді атқаруына мүмкіндік туғызу», - дейді Зағира Қожабергенқызы.