Жоғары білім берудің барлық деңгейлері бойынша 2023 - 2024 оқу жылына арналған білім беру гранттарын бөлу тізімі жарияланды. Биыл жоғары оқу орындарында оқу үшін 88 мың грант бөлінген.

Гранттардың басым бөлігі «Инженерлік, өңдеу, құрылыс салалары» білім беру бағдарлама топтарына бөлінді, олардың саны 18 744 грантты құрайды. Ал «Педагогикалық ғылымдарға» – 12 560 грант, «Ақпараттық-коммуникациялық технологиялар» саласына – 10 103 грант, «Жаратылыстану ғылымдары, математика және статистика» бағытына – 7 388 грант тиесілі.

Сондай-ақ, «Серпін» бағдарламасы арқылы түсушілерге 3 653 грант бөлінген. «Серпін» жобасы арқылы 4 даярлау бағыты бойынша білім алуға болады. Атап айтсақ, педагогикалық ғылымдар, инженерлік-техникалық, ақпараттық технологиялар, ауылшаруашылығы мамандықтары бойынша оқуға түсе алады. Бағдарламаға оңтүстік өңірдегі ауыл жастары қатысады. Айта кетсек, оқу бітіргесін грант өтеу мерзімі 3 жылдан 2 жылға қысқартылды. Сондай-ақ, бұрын мамандар өзі оқыған аймақта ғана грантты жұмыспен өтейтін болса, енді 11 аймақта қызмет ете алады.

Жалпы, бакалавриатқа түсу үшін 2023-2024 оқу жылында 73 мыңға жуық грант бөлінді.

«Мемлекет басшысының тапсырмасы бойынша барлық гранттың 60% техникалық мамандықтарға бөлінді. Сонымен қатар биыл халық тығыз қоныстанған батыс және жаңадан құрылған өңірлердің жастары үшін гранттар бөлінді. Талапкерлер берілген ақпарат негізінде дұрыс таңдау жасайды деп сенемін», - деп атап өтті ҚР Ғылым және жоғары білім вице-министрі Қуаныш Ерғалиев.

Магистратураға түсуге 13 мыңнан астам, докторантураға түсуге 1800-ден астам грант бөлінген.

2023-2024 оқу жылына арналған білім беру гранттарын бөлудің толық тізімі Қазақстан Республикасы Білім және ғылым министрлігі Ұлттық тестілеу орталығының сайтында келесі сілтемелер бойынша жарияланған:

Бакалавриат: http://www.testcenter.kz/press-tsentr/novosti/detail.php?ID=6267&fbclid=IwAR2r4pablfxgH7ISO0Rdipicz1fHvObz2E9beTiRAQi9N2nn8Tox65nS-Ms

Магистратура: http://www.testcenter.kz/press-tsentr/novosti/detail.php?ID=6269&fbclid=IwAR1eQkso72R7EmR86sRhJZDmQvPSOuJ62afvFZ-JAPnpXQLJNPZCltSwmMA

Докторантура: http://www.testcenter.kz/press-tsentr/novosti/detail.php?ID=6271&fbclid=IwAR0qaHEc6vswaEKsGhb5Tak-zKL4i80VUbRgimMfeTldNnB8xYUJQKabbbY

М.Х.Дулати атындағы Тараз өңірлік университетінің басшылық құрамы мен ғалымдары облыс әкімі Нұржан Нұржігітовпен кездесіп, оқу орнының интеграциялық жобаларын таныстырды.

​Дулати университеті – өңірдегі кадрлық сұранысты өтеп отырған іргелі оқу орны. Білім ордасының профессор-оқытушылар құрамы сан сала бойынша мамандар даярлап қана қоймай, облыс экономикасын дамытуға серпін беретін инновациялық жобалар жасап, оны өндіріске енгізуде.

​Университеттің ІТ мамандары өңір мектептеріндегі, жалпы білім мекемелеріндегі кадрлық сұранысты анықтайтын арнайы электронды бағдарламасын әзірлеген. Ортақ жүйеге он аудан түгел қосылса, қай жақта қандай маман қажет екенін алдын ала нақты саралауға мүмкіндік туады. Кездесуде мамандар осы бағдарламаның тиімділігін түсіндірді.

Дулати университетінің Су шаруашылығы және табиғатқа үйлестіру институтында еңбек нарығындағы сұранысқа ие гидротехниктер даярланады. Бұл бағытта кадр даярлауда аталған институттың тәжірибесі мол, ғылыми база қалыптасқан. Жыл сайын мемлекеттік оқу гранттары бөлінеді. Алайда су саласына керекті мамандарды оқытуда кездесетін түйткілдер де аз емес. Жиында осы мәселелер де қозғалды.

Ал, биылғы оқу жылынан бастап Дулати университеті Д.И.Менделеев атындағы РХТУ-мен бірлесіп, «Қос дипломды» білім беру бағдарламасы шеңберінде химик-технолог мамандарды оқытуға кіріседі. Бұл – келесі жылы Дулати университетінің базасындағы Ресей химия-технологиялық университетінің филиалын ашудың негізгі қадамы. Ал филиалға талапкер тарту – бүгіннен басталатын жұмыс. Университет ғалымдары облыс мектептерінде ғылыми-тәжірибелік химия кластарын ашу туралы бастама көтерді.

​Сондай-ақ жиында Дулати университетінің ғалымдары ұсынған шағын ГЭС жобасын өндірке енгізу мәселесі талқыланды. Қалдықтарды қайта өңдеу жобасының тиімділігі қозғалды.​

​Өткен аптада ғана Дулати университеті 2025 жылғы жазғы универсиаданың жалауын қабылдап алған еді. Осылайша өңірлік университет екі жылда бір өтетін спорттық бәсекені өткізу мәртебесіне ие болып отыр. Таразда өтетін жазғы универсиаданы ұйымдастыру мәселелерін талқыға салынды.

​Облыс әкімі Нұржан Молдиярұлы Дулати университетінің интеграциялық жобаларын қолдайтынын жеткізіп, тиісті сала басшыларына тапсырма жүктеді.

25 июня 2023 года в торжественной обстановке студенты учебного сбора, обучающиеся по программе сержантов запаса на строевом плацу военной кафедры были приведены к военной присяге.

Мероприятие закончилось прохождением студентов торжественным маршем и исполнением строевой песни.

2023 жылдың 25 маусымында әскери кафедраның саптық алаңында запастағы сержанттар бағдарламасы бойынша оқу жиынының студенттері салтанатты түрде әскери ант қабылдады.

Іс-шара студенттердің салтанатты маршпен және саптық әнмен жүріп өтуімен аяқталды.

Ақтау қаласында өткен ЖОО студенттері арасындағы ХІІ жазғы универсиада өз мәресіне жетті.

Келесі жоғары оқу орындарының студенттері арасында әр екі жыл сайын ұйымдастырылатын спорттық бәсекені өткізу мәртебесі М.Х.Дулати атындағы Тараз өңірлік университетіне берілді.

Универсиада жалауы Дулати университетінің ректоры Мұхтар Байжұмановқа табысталды.

Бір айғасозылған жарыстар нәтижесінде жалпыкомандалық есепте Әл-Фараби Қазақ ұлттық университеті топ жарды. 2-орынды Яссауи университеті, 3-орынды Есенов университеті иеленсе, Дулати университеті – 4-орынға табан тіреді. Қозыбаев университеті мен Абай университеті – үздік алтылықтың құрамында.

Айта кету керек, 17 спорт түрінен өткен жазғы универсиадаға еліміздің 55 университетінен 3000-нан астам студент қатысты.

Қазақстанның бүгінгі жай-күйін және келешектегі даму бағытын сөз еткенде, өткен тарихын да әрдайым есте ұстап, тарихтан тағылым алған абзал. Бұл орайда тарихтың бөлінбес бір бөлігі- тіл мәселесі. Қазақ тілінің өсіп-өркендеуін бағадарға ала отырып, қазақ қоғамының рухани жағынан жаңғыруына, баюына бірлесе еңбектенгенде ғана ана тіліміздің мәртебесі биік болатыны анық. Еліміздің латын әліпбиіне көшу ұлтымыз үшін жасалған маңызды қадамдардың бірі. Ұлы Дала елінің тарихына көз жүгіртсек, бірінші тұғыры байлық - жер, екіншісі - тіл, үшіншісі - мемлекет және оның тарихы болуы керектігі айқындалады. Ағартушы-педагог ғалым Ахмет Байтұрсынұлы айтып кеткендей, «Ұлттың сақталуына да, жоғалуына да себеп болатын нәрсенің ең қуаттысы - тілі» деген. Алаш қайраткерлері де латын әліпбиін жазу-сызуда қолданды. Бұл бізге таңсық дүние емес. Латын әліпбиі әлемде кеңінен қолданылады. Өзектілгі дау тудырмайтын бүгіннің де, ертеңнің де негізгі мәселелерінің бірі болып қала беретін дүние - қазақ тілінің жай-күйін зерделеу, ұлттық лингвистиканың көшбасшысы ретіндегі даму бағытын айқындау, қазақ жазуының тарихына талдау жасай келе болашақтағы латын әліпбиіне көшуде алдағы уақытта лингвист- ғалымдардыңдың алар орнын, бағытын танып, анықтауымыз қажет.  

 «Адамзат ақыл-ойы талай ғажайыптарды ойлап тауып жатыр. Алда ғаламат жаңалық ашылары сөзсіз. Дегенмен адамзаттың ең ұлы жаңалығы – жазу. Жазудың пайда болуы-мәңгіліктің біржола мойындалуы. Жазу қоғамды ақылды, айлалы етіп қана қойған жоқ, иманды да ибалы, парасатты да етті. Шын мәнінде ғылым, дін, мәдениет жазудың арқасында пайда болды. Осы арқылы өткен ұрпақтардың құндылықтарымен сусындады, кемелденді» – деген қазақ халық жазушысы Әбіш Кекілбаевтың ойын жалғастыра келе,  жазу – халықтың өткені мен ертеңін байланыстырушы. Жазу – халықтың ой-пікірін ұзақ жылдарға, көптеген қашықтықтарға жеткізетін сызбалы немесе суретті таңбалар жүйесі. Адамның ұзақ жылдардағы басты табысына айналған жазу ешқандай уақыт пен кеңістікке тәуелді болмай, барлық салада қолданылып келеді. Қазіргі заманда орта, жоғары оқу орындарының білім беру қызметіне тек білім беру, тәрбиелеу ғана емес, сонымен қатар мемлекеттің интеллектуалдық капиталын инновациялық жұмыстар арқылы қалыптастыру да енеді. Білімнің, ғылымның және өндірістің үштұғырлы қағидалары қазақстандық оқу орындарының оқытудың зерттеу моделіне көшу жолдары арқылы жүзеге асырылады. Үштұғырлы тіл туралы идеяның негізі Қазақстанды бүкіл әлем халқы жоғары білімді мемлекет ретінде тану болса, осы бағытта балабақшадан бастап жоғары оқу орындарында, тіпті кейбір мемлекеттік, жекеменшік мекемелерде де  үш тілде білім берудің тиімді жүйесін дамыту бойынша жоспарлы жұмыстар жүргізілуде.

26 июня 2023 года в 12. 00 часов в актовом зале Главного корпуса университета (ул. Сулейменова 7, 2 этаж), Управление международного сотрудничеста организует информационный семинар на тему ««МЕЖДУНАРОДНЫЕ ФОНДЫ И  ГРАНТЫ,  ПРОГРАММЫ И ИССЛЕДОВАТЕЛЬСКИЕ СТИПЕНДИИ»

На семинаре представлены следующие презентации:

1. МЕЖДУНАРОДНЫЕ ФОНДЫ И ГРАНТЫ

2. ПРОГРАММА ФИНАНСИРОВАНИЯ ИССЛЕДОВАНИЙ И ИННОВАЦИЙ - ГОРИЗОНТ ЕВРОПЫ

3. ERASMUS + ПРОГРАММА ЕС ПО ПОДДЕРЖКЕ ОБРАЗОВАНИЯ, ОБУЧЕНИЯ, МОЛОДЁЖИ И СПОРТА В ЕВРОПЕ

Приглашаем директоров институтов, деканов факультетов, заведующих кафедрами и профессорско-преподавательского состава университета!