Dulaty University - Super User

Байланыс телефоны: 8(7262) 45-46-40
е-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
Мекен-жайы: Тараз қ.,Сүлейменов к., 7, 403 кабинет

М.Х. Дулати атындағы Тараз өңірлік университетінің Ғылыми кеңесі «Қазақстан – 2050 Стратегиясы: аяққа тұрған мемлекеттің жаңа саяси курсы», «Қазақстандық жол – 2050: бір мақсат, бір мүдде, бір болашақ», «Қазақстанның үшінші модернизациясы: жаһандық бәсекеге қабілеттілік», «Төртінші өнеркәсіптік революция жағдайындағы дамудың жаңа мүмкіндіктері», Ұлт жоспары «100 нақты қадам. Заманауи мемлекет барлығы үшін», «Болашаққа көзқарас: қоғамдық сананы жаңғырту», «Цифрлік Қазақстан», БЭФ БЖИ көрсеткіштерінде (Бүкіләлемдік экономикалық форумның бәсекеге қабілеттілігінің жаһандық индексі) және де бірқатар еліміздің маңызды құжаттары негізінде, жоғары білім мен ғылым саласындағы ұзақ мерзімдік басымдықтар білім және ғылымды 2016–2019 жылдары дамытудың Мемлекеттік бағдарламасында, ҚР БҒМ «Экономиканың жаңа моделі шеңберінде білікті мамандарды даярлау» Жол карталарында, «Орта Азияда білім беру хабын дамыту және ғылымды модернизациялау» бағдарламаларын басшылыққа ала отырып, университеттің Қазақстандағы ең озық ЖОО-ның бірі ретінде халықаралық рейтингтік деңгейде Орта Азиядағы ірі білім беру, ғылыми-өндірістік және әлеуметтік кешенді, инновациялық инфрақұрылымын қалыптастыру мақсатын жүзеге асырады.

Университеттің Ғылыми кеңесі:
-университет құрылымын бекіту туралы Бақылау кеңесіне ұсыныс береді;
-университет Жарғысын талқылайды, университет Жарғысына өзгертулер мен қосымшаларды енгізеді;
-Университеттің Даму бағдарламасын және стратегиялық мақсаттарын анықтайды;
-университеттің оқу және ғылыми бөлімшелерін құрады, қайта құрады және жұмысын тоқтатады (зертханаларды, кафедраларды, факультеттерді және т.б.);
-университеттің оқу-тәрбие, ғылыми-зерттеу және шаруашылық қызметін ұйымдастыруда негізгі мәселелер жөнінде шешімдер қабылдайды;
-ректор, проректорлар, құрылымдық бөлім басшыларының жыл сайынғы есептерін, оқу, ғылыми-зерттеу, тәрбие, қаржылық, шаруашылық, ақпараттық және халықаралық қызметті жүргізудің түрлері мен әдістері туралы есептерін тыңдайды;
-университеттің қаржы-шаруашылық қызметін бақылауды ұйымдастырады;
-бюджеттен тыс қаражатты қолдану тәртібін, сондай-ақ университеттің ақылы білім беру қызмет көрсету және өңделген өнімді өткізу арқылы алынған табыстың қайта инвестициялау бағыттарын анықтайды;
-оқу жоспарлары мен білім беру бағдарламаларын, академиялық күнтізбені бекітеді;
-ақылы негізде оқитын студенттерді білім беру грантына ауыстыруға және студенттерді экстернат оқу түріне ауыстыруға шешім қабылдайды;
-университеттің алдыңғы қатарлы студенттері арасынан атаулы шәкіртақы алуға үміткерлерді бекітеді;
-қауымдастырылған профессор (доцент) және профессор ғылыми атақтарын беруге ҚР Білім және ғылым министрлігі Білім және ғылым саласындағы бақылау комитетіне ұсыныс жасайды;
-мәртебелі атаққа, ғылым мен техникаға еңбегі сіңген қайраткерлері атағына, мемлекеттік сыйақылар мен сыйлықтар беруге ҚР Білім және ғылым министрлігіне ұсыныс жасайды;
-оқулықтар, оқу құралдары, оқу-әдістемелік құралдар мен монографияларды бекітіп, басылымға ұсынады;
-университет Жарғысында карастырылған, коллегиалды шешімді талап ететін күнделікті жұмыс барысындағы басқа да сұрақтарды қарастырады.

М.Х. Дулати атындағы ТарӨУ-дің Ғылыми кеңесінде сұрақтарды дайындау, енгізу және қарау

М.Х. Дулати атындағы Тараз өңірлік университетінің Ғылыми кеңесінің күн тәртібіне енгізілетін сұрақтарды дайындау үшін университет Ғылыми кеңесінің ғалым хатшысына мәжіліс белгіленген күннен 7 күн бұрын:
1) баяндама (қағаз бетіне түсірілген және электронды түрде);
2) шешім жобасы ұсынылуы тиіс.
Қажетті құжаттарды немесе материалдарды ұсыну уақыттарын дұрыс ұстанбаған жағдайда университеттің ғалым хатшысы Ғылыми кеңестің төрағасының алдында осы сұрақты күн тәртібінен алып тастау туралы ұсыныс жасайды.

Подробнее ...

Бейсенбі, 12 Наурыз 2020 06:09

ҒЫЛЫМИ КЕҢЕС

М.Х. Дулати атындағы Тараз мемлекеттік университетінің Ғылыми кеңесі алқалық басқару негізінде өз құзырындағы мәселелерді ұжымдық талқылау және жариялылық қағидаларына сүйеніп жүзеге асырады.

dlya uchenogo soveta

Подробнее ...

Бейсенбі, 12 Наурыз 2020 05:56

Даму бағдарламасы

Подробнее ...

Бейсенбі, 12 Наурыз 2020 05:43

М.Х. ДУЛАТИ ӨМІРБАЯНЫ

Дулати Хұсайынұлы Мұхаммед Хайдар (1499-1551) – әйгілі тарихшы, әдебиетші, Моғолстан мен оған іргелес елдердің тарихы жөнінде аса құнды деректер беретін «Тарихи Рашиди» кітабы мен «Жаханнаме»дастанының авторы, Жетісу жеріндегі ежелгі Дулат тайпасы әмірлерінің ұрпағы. Оның толық аты-жөні – Дулат Мұхаммед Хұсайынұлы Мырза Мұхаммед Хайдар. Мұндағы «Мұхаммед Хайдар» – өз аты, «Мұхаммед Хұсайын» – әкесінің аты, «мырза» – текті әулеттің тұқымы екенін білдіретін атау (хан балаларының ханзада, сұлтан аталатыны секілді), «дулат» – шыққан тайпасының аты.

М.Х. Дулати – көрнекті мемлекет қайраткері, қазақтың – тұңғыш тарихшысы, философы, ғұлама ақын, дипломат, әскери қолбасшы және ол қазақ халқын құраған ежелгі түркі тайпаларының бірі – ұлы ойшыл ғалым.

Дулат Хұсайынұлы Мұхаммед Хайдар 1499 жылы Ташкент қаласының төңірегінде дүниеге келген. Жетісудағы Дулат тайпасы әмірлерінің ұрпағы. Ұлы атасы Мұхаммед Хайдар мырза Қашқарияны биледі. Әкесі Мұхаммед Хұсайн ХҮ ғасырдың ақыры мен ХҮІ ғасырдың басында Моғолстанның батыс бөлігін билеген Сұлтан Махмұд ханның жақын адамдарының бірі болды. Мұхаммед Хайдардың анасы Хубнигар ханым – Шағатай ұрпағы, Моғолстан ханы – Жүнісханның қызы. Ол Ташкент қаласын билеп, Алмалыққа дейін басқарған. Хайдардың жазуынша Жүнісхан – көшпелі руларды отаршылыққа айналдырып, қала салу ісімен шұғылданған кісі.

М.Х. Дулат Моғолстанның сұлтан Сайд ханмен және Үндістандағы баласы ұлы Моғолдар әулетінің негізін қалаушы Захир әд-Дин Мұхаммед Бабырмен бөле. М.Х. Дулатидің балалық шағы Мұхаммед Шайбани хан бастаған көшпелі өзбектердің қысымынан Орта Азияда Әмір Темір әулеті мемлекетінің күйреуі, Моғолстанның ыдырау және қазақ хандығының өркендеу дәуірімен тұстас келді. Сұлтан Махмұд хан мен Мұхаммед Шайбани ханның соғыстары кезінде 1508 жылы Шайбани әскерінің қолында М.Х.Дулаттың әкесі өледі. Cегіз жасар Хайдар әкесінен жетім қалып, үш-төрт жылдай Кабулдағы өзінің бөлесі, атақты жазушы Бабырдың қолынан тәрбие алады. Ол Бабырдың Мауереннахр жорығына қатысты. 1512 жылдан бастап Сұлтан Сайд ханның Қашқардағы сарайында тұрып, әскери және сарай қызметін атқарды. Оның Әбу Бәкірмен Қашқар және Жаркент үшін 1514 жылы болған соғысына, сондай-ақ Қырғыстанға, Оңтүстік-Шығыс Қазақстанға және Тибетке жасаған әскери жорықтарына қатысты.

Хан мұрагері – Әбу ар-Рашид сұлтанды тәрбиеледі. 1533 жылы хан тағына отырған Әбу ар-Рашид Дулат тайпасының басшыларынан қауіптеніп, оларды қатты қуғынға ұшыратты. М.Х. Дулаттың немере ағасы Сайд Мырза өлтірілді. М.Х.Дулат Үндістанға қашып кетті. Ол мұнда ұлы Моғолдар сарайында әскери қолбасшы болды, Кашимирді жаулап алу соғысына қатысады. Жаулап алғаннан кейін Ұлы Моғолдар атынан біраз уақыт Кашмирді билеп тұрады. 1551 жылы жергілікті халықтың көтерілісі кезінде 52 жасында сол жерде дүние салады. М.Х. Дулати – XV ғасырдың алғашқы жартысында жасаған Бабыр сияқты, Орта Азия мен Қазақстаннан шыққан білгіш, майталман кісінің бірі. Ол ғылымға қатты көңіл бөліп, кітап оқып, өлең шығарып, сурет салу ісімен айналысады, зергерлік, шеберлік, ұсталық өнерімен шұғылданады. Онымен бірге Хайдар өзінің ойға жүйрік, майталман, сөзге шебер, ерекше саңлақ болуымен халық ортасында даңқты болады.

Қазақстанда Дулати бабамызға ел тәуелсіздігін алған кезден бастап айырықша көңіл бөліне бастады. БҰҰ-ның шешімі бойынша 1999 жылы М.Х. Дулатидың 500 жылдығына арналған арнайы конференция өткізілді.

Енді ғана есін жиып, тәуелсіздігін жариялағаннан кейін өткеніне үңіле бастаған елдің тарихының өшкенін тауып, қайнар бастауын зерттеп-білу Хайдар Дулатисыз мүмкін емес. Күні бүгінге дейін Қазақстан мен Орта Азия елдерін зерттеушілердің, тіптен түркі тектес халықтардың мәдениетін зерделеген еуропалық ғалымдардың қай-қайсысын алсақ та, оған жүгінбей, еңбегіне соқпай кете алмайды.

Подробнее ...

403 бет. Барлығы: 454