Іс-шара ел тарихын заманауи көзқараспентүсіндіруді мақсат етіп, дәстүрлі емес форматтар арқылы студенттердің қызығушылығын арттыруға бағытталды. Әдеби композиция барысында студенттер еліміздің Тәуелсіздікке дейінгі күрес жолын интерактивті түрде «қайта бастан кешірді»: қысқа деректі видеолар, хронологиялық квиздер, тарихи рөлдік мини-ойындар мен шығармашылық тапсырмалар ұсынылды. Әр кезең Қазақстанның жаңа дәуірге қадам басқан сәттерімен логикалық байланыстырылып көрсетілді. Тәрбиелік шараның ең әсерлі бөлігі – студенттердің өздері дайындаған «Менің Қазақстаным – болашаққа көзқарас» атты мини-презентациялары. Олар Тәуелсіз мемлекеттің дамуына үлес қоса алатын жас маман ретіндегі рөлін, патриоттық жауапкершілікті және қазіргі Қазақстан жастарының мүмкіндіктерін атап өтті.

Әдеби- музыкалық композиция мақсаты – тәуелсіз Қазақстанның тек тарихи деректерін атап көрсету емес, мемлекеттің бүгінгі жетістіктерін терең сезініп, болашаққа сеніммен қарау. Тәуелсіздік – өткеннің мұрасы ғана емес, әрбір жастың қолындағы жауапкершілік екені ерекше аталды.

Іс-шараны ұйымдастырушы Орыс тілі мен әдебиет кафедрасының қауымдастырылған профессоры, педагогика ғылымдарының кандидаты Л.Н.Ибраимова Қазақстанның рухани тұтастығы, мәдени құндылықтары мен ұлттық бірлігі туралы өз ойымен бөлісті. Тәрбиелік іс-шара еліміздің тәуелсіздік алу жолындағы ата - бабаларымыздың ерлігін паш ете отырып, жастарға желтоқсан құрбандарының салып кеткен сара жолын үлгі етіп көрсету және жаңа Қазақстанның сындарлы саясаты айқындалып, достық, бірігу және мақтаныш атмосферасында өтті.