2024 жылдың желтоқсан айында «Филология және гуманитарлық ғылымдар факультеті», «Әлем тілдері» кафедрасы неміс тілі пәні оқытушылары жаңа-жылға арналған мерекелік іс-шара өткізді. «Әлем тілдері» кафедрасында бірнеше жылдан бері шет тілінде, атап айтқанда неміс тілінде жаңа жылдық мерекелік іс-шараны өткізу дәстүрі қалыптасқан. Аталған іс-шараның мақсаты: тілін оқыған елдің тілі мен мәдениетімен терең таныстыру, кәсіптік бағдарлама жүргізу, мерекелік атмосфераны тудырып, қатысушыларға қуаныш сыйлау, студенттердің шығармашылық қабілеттерін ашу.Жоғары деңгейде ұйымдастырылған концерттік бағдарлама көрермендерге жаңа жылдық көңіл-күй сыйлады. Ерекше нөмірлер, күтпеген тосынсыйлар, ойын мен күлкі, студенттердің жарқын киімдері және Аяз атаның сыйлықтары мерекелік той-думанның жақсы өтуіне себепші болды.
      Сонымен қатар, студенттердің мерекеге байланысты жасаған видеофильмдері өте тартымды болып отырғандарға ерекше көңіл-күй сыйлады. Фотосуретке түсем деушілерге мерекелік жаңа жылдық фото алаңы орнатылды. Залдың төрінде кештің сәні болған әдемі шырша студенттердің өз қолымен безендірілді. Мерекелік іс-шараның соңында сөз алған оқытушылары студенттерге өз алғыстарын жеткізіп, жаңа жылдық сыйлықтар мен мақтау қағаздарын тапсырды.