Жүйелі түрде ұйымдастырылып, дәстүрге айналған кезекті үрдіс «Ағылшын тілі – ғылым әлеміндегі ынтымақтастық тілі» тақырыбында «Полиглот» ғылыми-елтанымдық үйірмесінің жетекшісі Өтебаева Ш.Ш, конференция модераторлары Алтынбекова Д.А., Наурызбаева А.М. ұйымдастыруымен өткізілді. Онлайн форматта жүргізілген шағын конференцияға Тараз қаласы Абай атындағы Жамбыл гуманитарлық, Заманауи гуманитарлық-техникалық, Байзақ ауданы №3, Қаратау тау-кен колледждерінің студенттері және Тараз қаласы А.Пушкин атындағы №41, №1, Байзақ ауданы №1 мектеп-гимназияларының, №3, 10 орта мектептердің оқушылары қатысты.
Іс-шара «Практикалық шетел тілдері» кафедрасының меңгерушісі, п.ғ.к. М.В.Новожилованың алғы сөзімен басталды.
Аталмыш іс-шараның ерекшелігі ретінде «Шетел филологиясы және аударма ісі» кафедрасының доценті Р.Б.Иманалиеваның «Aspiring me: A memoir of teaching» кітабының көрсетілімі болды. Келесі кезекте колледж студенттері мен мектеп оқушыларының баяндамалары тыңдалды.
Конференция қорытындысы бойынша төмендегі қатысушылар жүлделі орындарды иеленіп, дипломдармен марапатталды: І орынды Абай атындағы Жамбыл гуманитарлық колледж студенті Булегенова Тоғжан Бақытқызы (жетекшісі: Айдарбекова Г.С.), ІІ орынды Байзақ ауданы №1 мектеп-гимназиясының оқушысы Қуанышбек ГауҺар Нұрболқызы (жетекшісі: Жамбулова Б.А.) және заманауи гуманитарлық-техникалық колледж студенті Ковалев Никита Витальевич (жетекшісі: Когай Е.Ф.), ІІІ орындыҚаратау тау-кен колледжінің студенті Бахтияр Аяжан Кеулімшатқызы (жетекшісі: Оспанова П.А.), С.Нұрмағамбетов атындағы №10 орта мектеп оқушысы Мадосманова Диана Канатбековна (жетекшісі: Нұрбаева Ж.Р.) және А.Пушкин атындағы №41 көпсалалы гимназия оқушысы
Иркабаева Алмира (жетекшісі: Рахимова Ф.М.) жүлдегерлері атанды. Сонымен қатар, «Үлгілі жас зерттеуші» номинациясын Байзақ ауданы, №3 орта мектеп оқушысы Жапсарбай Талшын (Жуматаева Б.А.), ал «Үздік салыстырмалы зерттеу жұмысы» номинациясын Байзақ ауданы, №3 орта мектеп оқушысы Сатылған Аймен (Жуматаева Б.А.) иеленді. Конференцияға қатысушы баяндамашылар мен жетекшілеріне қатысушы сертификаттары берілді.
Кез-келген семинар, әрине, жасалған іс-шараның тиімді не тиімсіз жақтарын сараптайтын, қатысушылаың пікір-ұсыныстарын білдіретін кері байланыс сауалнамасын толтырумен аяқталады. Конференцияға қатысушылары да кері байланыстан тыс қалмады. Сауалнама нәтижесі қатысушылардың осы сынды конференциялардың көптеп ұйымдастырылуын қалайтындықтарын көрсетті.
