«SanaIy urpaq» жобалық фронт-офисінің ұйымдастыруымен «Сыбайлас жемқорлыққа білім берудің парасаттылық мектебі» қаңтар айынан сәуір айына дейін университеттің оқытушылары мен қызметкерлері арасында оқу курсын өткізген болатын.
Жалпы, курстың мақсаты білім алушыларға ар-намыс кодексі, сыбайлас жемқорлық стандарты туралы түсінік бере отырып, университетте сыбайлас жемқорлыққа қарсы мәдениет қалыптастыру және академиялық қатаңдық орнату.
Аталған курсқа «Су шаруашылығы, экология және құрылыс», «Ұстаз» институты және барлық факультеттен 85 студент, 105 оқытушы қызыметкерлер білімін шыңдаған болатын.
Нәтижесінде, осы оқу маусымының аяғында қорытынды тест өтті, емтихан баллы толымды болғандарға сертификат табысталады.

Мемлекеттік рәміздер – еліміздің дербестігі мен тәуелсіздігін күллі әлемге жария етуші әрі мемлекетіміздің өткені, бүгіні мен болашағы арасындағы сабақтастықтың жарқын бейнесі.

Мемлекеттік рәміздерде – халқымыздың бүкіл бастан кешкен тарихы, бүтіндей мәдениеті жатыр. Сондықтан ол отансүйгіштік сезімнің бастау көзі болып табылады.

1992 жылдың 4 маусымы Қазақстан Республикасының рәміздері бекітілген күн болып тарихта қалды. Осы жылдан бастап тойланып келе жатқан бұл мереке ешқашан өз өзектілігін жоғалтқан емес.

Осы орайда университетіміздің профессор-оқытушылар құрамының орындауында технологиялық кешенде мемлекеттік Әнұранымыз шырқалды. Жиынға қатысушы ұстаздарымыз эпидемиологиялық жағдайды ескере отырып «Ашық» қосымшасы арқылы кіріп, карантиндік талаптарды сақтады.

Ұстаздарымыз жасаған игі істі студенттеріміз тікелей эфирден көріп тамашалай алды. Ұлттымыздың ұлт болып қалыптасқанының белгісі болған рәміздер күні баршамызғы құтты болсын!

Көк байрағымыз желбіреп, Елтаңбамызды әлем танып, Әнұранымыз асқақтай берсін!

Медиа-қызмет

Дулати Университетінің студенті - Әбілхан Аманқұл бокстан (75кг) Азия чемпионатының күміс жүлдесін иеленді.

Финалға Азия чемпионатына Қазақстаннан бес боксшы шыққан болатын. Ақтық сайысқа жолдама алған спортшылар ішінде біздің Әбілхан да табылды.

Еске сала кетсек, Қазақстан құрамасы сапында Әбілхан Аманқұл үндістандық боксшы Ашиша Кумар мен Ирандық Сейдшахина  Мусавиді жеңіп финалға шықты.

Ал финалда Әбілхан Аманқұл өзбекстандық Саиджамшит Джафаровпен бақ сынасты. Жекпе-жек қарқынды өтті. Екінші раундта төреші өзбек боксшысын нокдаун деп санағанымен Әбілхан жеңіліп қалды. Жекпе-жек 1:4 есебімен Джафаров жеңісімен аяқталды.

Токио олимпиадасына жолдаманы бұл жарыстың алдында-ақ жеңіп алған Әбілханға алдағы үлкен бәсекеде тек жеңіс тілеміз!

Жазира Теңизбаева
конвергентті журналистика мамандығының
1-курс студенті

Жамбыл облысының Өңірлік коммуникациялар қызметінде «Жоғары білім және сапалы кадрлар даярлаудың өзекті мәселелері» тақырыбы аясында брифинг өтті. Жиын барысында М.Х.Дулати атындағы Тараз өңірлік университеті басқарма Төрағасы – Ректорының міндетін атқарушы Ержан Әмірбекұлы білім беру бағдарламаларындағы оң өзгерістермен және тың жаңалықтармен бөлісті.

Ержан Әмірбекұлы қазіргі таңда білім беру бағдарламаларын негізгі білім берумен қатар қосымша икемді құзыреттіліктерді беру бағытын назардан тыс қалдырып отырған жоқтығын айтты. Мәселен, кез келген маманның бойында тіл құзыреттілігі, коммуникациялық құзыреттілік, топта жұмыс  жасау  бүгінгі күннің негізгі мәселесіне айналып отырғаны анық. Сондықтан бұл құзыреттіліктерді білім беру бағдарламаларының жұмыс жоспарына енгізгендігін тілге тиек етті.

Дулати университеті академиялық саясаты кадрларды даярлауда жүйелі тәсілді іске асырып, даму басымдықтарын өзгерістерге, инновацияларға және тәжірибеге бағдарлануға негізделген.

Білім беру қызметінің сапасын арттыру шеңберінде білім беру бағдарламаларының қоғам сұранысына сай дайындалуы басты фактор екендігі анық. Университетте бас-аяғы 230-ға жуық ББ бойынша маман даярланады. Соңғы деректерге сәйкес, бүгінгі таңда 36 бағдарлама университет өтініші негізінде реестр тізімінен сызылды (сұраныстың төмендігіне байланысты).

Өңірлік мәселелерді шешуде университет ғылыми зерттеулер мен қажетті ресурстарға аса ден қойып отыр. Университетте инновациялық құзыреттер мен кәсіпкерлік дағдыларды арттыру бойынша бірқатар ірі жобалар жүзеге асуда.

Университеттің академиялық дербестігін кеңейту мақсатында өзіндік үлгідегі құжаттарды әзірлеу және цифрлық трансформацияны жүйелі жүргізу қолға алынды. Бұл жаңа тұрпатты кәсіби маман тәрбиелеу аса қажетті элементтердің бірі.

Сондай – ақ, университетте түлектерді жұмысқа орналастыру мәселесіне де үлкен басымдық беріледі. 2020 жылы жұмысқа орналастыру көрсеткіші орташа есеппен 77% - ды құрады. Бұл ретте университет барлық түлектің өңір талап ететін мамандықты игеріп, жұмыспен қамтылуына мүдделі.

Дулати Университетінде 16766 білімгер оқиды. Оның ішінде халықаралық ынтымақтастық аясында сегіз елден келген 1841 шетелдік студент білім алуда. 648 адам магистратурада, 48 адам докторантурада оқиды.

Сонымен қатар Ержан Әмірбекұлы осы жылдың қыркүйек айынан бастап профессор-оқытушылардың еңбек ақысының көтерілетінін айтты. Сонымен ең төменгі еңбекақы мөлшері 200 мың тг құраса, ал профессор оқытушылардың еңбекақысы 350 мыңнан кем болмайтынын және  педагогикалық жүктеме 680 сағаттан аспайтындығы нақтыланды. Бұл жағдай оқытушылардың өз бетінше сабаққа дайындалуларына, ғылыммен айналасуына, біліктіліктерін жетілдіруге мүмкіндік береді.

Оқытудың заманауи әдістерін қолдану үшін университеттің материалдық-техникалық базасы толық мүмкіндік береді. Замануи үлгідегі оқу ғимараттарында қажетті ресурстар, оқу зертханалары, жатақханалар, медициналық пункттер, спорттық кешендер белсенді жұмыс атқарады.

ҚР Тәуелсіздігінің 30 жылдығын мерекелеу аясында университетте инновациялық әлеуметтік жобалар, зияткерлік және шығармашылық байқаулар, дәстүрлі және виртуалды көрмелер жүргізіліп келеді.

Сындарлы қоғам – тұрақты, сапалы білім беру жүйесіне мүдделі екендігі сөзсіз. Сондықтан, DULATY университеті жан-жақты  перспективаларды жатсынбай қабылдайды және өзінің функционалды міндеттерін сауатты жүзеге асырады!

Мейрамкуль Дүйсенова
«Журналистика» мамандығының
3-курс студенті

BRITISH COUNCIL IELTS приглашает Вас сдать экзамен IELTS в стенах нашего университета.

Стоимость: 75.000 тг.
Дата экзамена: 10/17 июля 2021

Выдача сертификата: 21/28 июля 2021

Место проведения: Dulaty University

ЗАРЕГИСТРИРОВАТЬСЯ НА ЭКЗАМЕН: https://docs.google.com/forms/d/e/1FAIpQLSflqnfTKHljoSzCc83rRZiDYgEzbccs12mocjb_XxjQ03Dbvg/viewform?usp=sf_link

1-маусым Халықаралық балаларды қорғау күнiне орай М.Х.Дулати атындағы Тараз ɵңiрлiк университетi, Жоғары оқу орнынан кейiнгi бiлiм беру бɵлiмi Тараз қаласындағы №4 арнайы әлеуметтік қызметтерді көрсету орталығына барып əлеуметтiк кɵмек кɵрсеттi.

Қоғамның құндылығы, тəуелсiз таңымыздың символы дəл осы бүлдiршiндердiң күлкiсiнде екендiгi ақиқат.

Осындай ұстаныммен жоғары оқу орнынан кейiнгi бiлiм беру бɵлiмiнiң басшысы Наурызбаева Зəуре Алтынбекқызы бастаған бɵлiм қызметкерлерi, докторанттар мен магистранттар игi iске мұрындық болды.

Бүлдiршiндердiң тɵл мерекесiне орай əлеуметтiк кɵмек кɵрсеткен бɵлiм аталмыш мекеме ұжымына жүрекжарды игi тiлектерiн бiлдiрiп, қуаныштарына ортақтасып қайтты.

Жас ұрпақтың жанарына қуаныш сыйлап, болашағына сенiм бiлдiру əркез ұлт мiндетi бола бермек. Игi бастама дəстүрлi түрде жыл сайын ɵз жалғасын тауып келедi. Осындай шара қарсаңында қолдау бiлдiрген əрбiр жанға алғыс айтамыз!
Балаларды қорғау күнi құтты болсын!

Қанат Көркемжан

7М01723-Қазақ тілі мен әдебиеті педагогтарын

даярлау білім беру бағдарламасының 1 курс магистранты

М.Х. Дулати атындағы Тараз өңірлік университетінің Enactus командасын құттықтаймыз. ENACTUS Kazakhstan National EXPO 2021 студенттік кәсіпкерлік, стартаптар және инновациялар ұлттық кубогының жартылай финалына сәтті өтті!!!

Поздравляем команду Enactus Таразского регионального университета им. М.Х.Дулати с успешным выходом в полуфинал Национального кубка студенческого предпринимательства, стартапов и инноваций ENACTUS Kazakhstan National EXPO 2021!!!

М.Х.Дулати атындағы Тараз өңірлік университетінде 2021 жылы 26 мамырда қатарынан төртінші жылы  дәстүрге айналған «Кәсіпкерлер күні» болып өтті. Іс-шара форматы өз бизнесінің қалыптасу тарихын, идеяларды қалай құруға болатынын, тәуекелге бара алатын, табанды және мақсатты бола алатын жағдайларды баяндайтын жас табысты бизнесмендердің қатысуын көздейді.

Биылғы жылы негізгі баяндамашы Жамбыл облысы Кәсіпкерлер палатасы Өңірлік кеңесінің мүшесі, «SAB group» ЖШС директоры, Лондон бизнес және қаржы мектебінің түлегі (Сингапур) Ақылбеков Самат Бауыржанұлы болды.

«Кәсіпкер күнін» университеттің Erasmus + InnoCENS жобасы аясында ашылған Инновация және кәсіпкерлік орталығы ұйымдастырады. Мұндай іс-шараларға студенттер жыл сайын қатысады, олар сарапшылар тобының қарауына өздерінің бизнес-идеяларын ұсынады.

Биылғы жылы техникалық, технологиялық және жаратылыстану мамандықтарының магистранттары қатысты, олар Инновация және кәсіпкерлік орталығы қызметкерлерінің басшылығымен өзіндік жобалар жасады. Барлық сарапшылар іскерлік орта мен университет арасындағы ынтымақтастық бастамасын жоғары бағалады және барлық жобаларды жоғары бағалады. Пікірталас нәтижелері бойынша студенттер практикалық тағылымдамадан өтуге, сараптамалық ұйымдарда жобаларды ұсынуға, сарапшылармен жобаларды талқылауға және аяқтауға, эксперименттік форматтағы жобаларды іске қосуға шақырылды.

Біздің университет, елдің көптеген университеттері сияқты, университет студенттеріне кәсіпкерлікті оқытуға айтарлықтай ресурстар мен уақыт жұмсайды. Кәсіпкерлікті қолдаудың экожүйесін құруда жоғары білімнің рөлі сәттіліктің маңызды факторы екені анық. Сонымен бірге, біздің университетте басты назар кәсіпкерлікті оқытуға емес, кәсіпкерді «тәрбиелеуге», шығармашылық және сыни ойлау қабілеттерін дамытуға, топта жұмыс істей білуге аударылады.