Іс шара мақсаты – студенттер мен оқушыларды ғылыми зерттеу жұмыстарына баулу, ғылыми ізденіс жұмыстарымен айналысуға бағыт-бағдар беру, теориялық талдау жүргізу және мамандық бойынша кәсіптік бағдар жұмысын жүргізу. Сонымен қатар, өскелең ұрпақтың бойына мәдени құндылықтарды қалыптастырып, ұлы ғалымның еліміздің тарихы мен этнографиясы саласындағы мол мұрасын жеткізіп, өмірі мен ғылыми жолын жас ұрпаққа насихаттау болып табылады. Іс-шарамызға Тараз қаласындағы Жамбыл облысы және Тараз қаласы мектеп оқушылары мен мұғалімдері, колледж студенттері мен оқытушылары және тарих мамандығының 1-4 курс студенттері мен магистранттары қатысты. Жалпы қатысуға өтініш білдірген студенттер мен оқушылар саны 50 ге жуық болды.

Алғы сөз кафедра меңгерушісі Серубаева Аурика Темірхановнаға берілді. Ол қатысушыларға сәттілік тілеп, мамандық туралы, университеттің стратегиялық бағдармалары туралы мағлұматтар берді. Сонымен қатар сөз Жамбыл жоғары политехникалық колледжінің тарих пәні мұғалімі Абсаттарова Гүлсім Абдрасиловнаға берілді. Ол Әлкей Марғұланның өмірі мен шығармашылығы, зерттеулері мен қоғамдағы рухани-мәдени маңыздылығына тоқталып өтті. Тараз қаласы №40 гимназиясынан Умбетова Сати, жетекшісі Бушуева Дарья Васильевна, Жамбыл ауданы Аса ауылынан Айдарханова Шынар Даулетхановна, Тараз қаласы № 66 орта мектебінен Құрмаш Нұрқанат, жетекшісі Амиралиева Г.О, Тараз қаласы №9 мектебінен Пермебай Рауан, жетекшісі Байдуалиева Г.С., Ә.Бөкейханов атындағы №1 гимназиясынан Мият Анель, жетекшісі Бекмаханов Б.С., Жуалы ауданы, Шерхан Мұртаза атындағы №1 мектеп-гимназиясы Мейірхан Инабат және тарих мамандығының 2-3 курс үйірме мүшелері белсенді қатысты.

Тарих мұғалімін даярлау мамандығының 3 курс студенттері, үйірме мүшелері Мирзакулова А.П., Абдуллаев Н.Н. белсенділік көрсетті.

Конференцияның жұмыстарында мазмұнды баяндама жасаған қатысушыларға І, ІІ, ІІІ орын жүлделі дипломдар берілді.

Қалған қатысушылар сертификатпен марапатталды және белсенділік білдірген ғылыми жетекшілеріне Алғыс хат табысталды.