М. Х. Дулати атындағы Тараз университетінде "спорттық бағдарламалау федерациясы" Республикалық қоғамдық бірлестігінің қолдауымен ICPC ірі студенттік турнирінің 1/4 финалы өтті. Іс-шараның мақсаты – Қазақстанның барлық университеттерінің студенттеріне бағдарламалаудағы өз дағдыларын көрсетуге, осы салаға қызығушылықты арттыруға, техникалық қабілеттерін дамытуға, кәсіби байланыстарын нығайтуға және IT-индустриядағы табысты мансаптың негізін қалауға мүмкіндік беру. Осы мақсаттарды іске асыру үшін Федерация Қазақстанның түрлі өңірлерінде студенттер үшін бірқатар жобаларды іске асырады. Digital Bridge іс-шаралары аясында 2024 жылы Қазақстан ICPC спорттық бағдарламалау бойынша әлем чемпионатының финалын қабылдайды. Таразда өткен 1/4 финалдың жеңімпаздары Астанада өтетін финалға қатысуға мүмкіндік алады. Финалдың 1/4 бөлігі 2024 жылдың 16 қарашасында Дулати университетінің қабырғасында офлайн форматта өтті. Іріктеу турына:Дулати университетінен 14 команда (командада 2-3 адамнан), Қызылорда қаласынан Қорқыт Ата атындағы университеттен 2 команда, Жұмабек Тәшенов атындағы университеттен 1 команда (Шымкент қ.) қатысты. Барлығы 17 команда қатысты. Қорытындысы бойынша 6 команда Астанада өтетін жартылай финалға жолдама алды:Дулати университетінің 5 командасы, университеттің 1 командасы.Қорқыт Ата Қызылорда қаласынан. Салтанатты ашылу рәсіміне және жеңімпаздарды марапаттау рәсіміне ғылым және цифрландыру жөніндегі проректор Сейтжан Орынбаев қатысты. Ол қатысушыларға сәттілік тіледі, сонымен қатар келесі кезеңге сенімді түрде дайындалды. Жарыстың маңыздылығы туралы пікірімен бөлісті және ұйымдастырушыларға:коммерцияландыру бөлімінің бастығы Ж.Танаевқа, конкурстардың үйлестірушісі Ж. Шонгараеваға, физика және информатика кафедрасы меңгерушісінің м.а.с.Раймбаеваға алғысын білдірді. Қатысушыларды құттықтаймыз және бағдарламалау әлеміндегі жаңа биіктерге жету жолында одан әрі табыстар тілейміз!

Дулати университетінің қабырғасында оқытушылар мен жас ғалымдарға арналған «The wonderfui world of camel milk» байқауы өтті.

«LF company» бірлесіп, Ғылым және коммерцияландыру департаментінің коммерцияландыру бөлімінің ұйымдастыруымен өткен байқауға 12 команда қатысып, бақ сынасты. Байқаудың мақсаты - жиналған жұртқа түйе сүтінен өндірілген жаңа өнімдерді таныстыра отырып, жарнама жасау.

Жиын басында Басқарма Мүшесі – ғылым және цифрландыру жөніндегі проректор Сейтжан Орынбаев сөз алып, университетіміз үздіксіз даму үстінде екенін тілге тиек етіп, қатысушы командаларға жылы лебізін білдіріп, сәттілік тіледі.

Әділқазылар алқасы құрамында «Педагогика және әлеуметтік ғалымдар» факультетінің «Мәдениет және өнер» кафедрасының меңгерушісі Айгүл Кабиқызы, «Технологиялық факультетінің» «Дизайн және сән индустриясы» кафедрасының меңгерушісі Сулушаш Балабиевна, «Жастармен жұмыс» бөлімінің бас маманы Айдос Елужылұлы, «ЛФ» компаниясының өндірістік меңгерушісі Сұлушаш Зиятбековна және «ЛФ» компаниясының заңгері Салтанат Абдиганиевна болды.

Байқау қорытындысы бойынша 4 жеңімпаз анықталды. Карина Рахимжановна «ТЕНГРИ Креатив» командасы 1 орын иегері атанса, 2 орынды - Нигина Сапарова «ENACTUS DULATY» командасы еншіледі. Шымкент Қалижан «Сапа» командасы 3 орынды иеленсе, Нұрбосын Даниял «Қуат» командасы 4 орын иегері атанды. Айта кеткендей, жеңімпаздар арасында 200.000, 150.000, 100.000, 50.000 теңгелік сертифкаттары ойнатылды.

Университеттің «Ғылым және коммерцияландыру департаменті» Коммерцияландыру бөлімінің ұйымдастыруымен «Жаратылыстану ғылымдары» факультеті, «Биология» кафедрасының ғалымдары Байзақ ауданындағы жеке кәсіпкер, «АГРОМИКС» шаруа қожалығының директоры Назым Нұрбаевамен кездесті.

Кездесуде «Биология» кафедрасының меңгерушісі, доцент, биология ғылымдарының кандидаты Гүлнар Зияева және ауыл шаруашылық ғылымдарының докторы Жақсыбай Төлеубаев саңырауқұлақ пен бөдене өсірумен айналысып жатқан кәсіпкердің өнімдерімен танысты.

Жиын барысында саңырауқұлақ өндірісі мен бөдене жұмыртқасының өнім мөлшерін арттыру, қолайлы микроклимат жасау және зиянкестермен күресу шаралары секілді біршама мәселелер анықталды. Нәтижесінде, ғылыми тұрғыда көмек қолын созатын ғалымдар кеңесі қажет деп танылды.

«Биология» кафедрасының ғалымдары екі жақты келісім шарт негізінде ғылыми зерттеу жұмыстарын жүргізуге ұсыныс білдірді. Өзара ынтымақтастықты дамыту мақсатында «Биология» кафедрасының ғалымдары «Саңырауқұлақтарды өсірудің тиімділігін арттыру» тақырыбында ғылыми-зерттеу және тәжірибелік–конструкторлық жұмыстар жүргізуге келісті.

Дулати университетінің Коммерцияландыру бөлімінің ұйымдастыруымен 20 қараша күні өткізілетін «The Wonderful World Camel milk » атты байқау қатысушыларына түсіндірме жұмыстары жүргізілді.

Түсіндірме жұмыстарының мақсаты  –  «Ақ Алтын» өндіруші компаниясының түйе сүтінен өндіретін өнімдерінің адам ағзасына пайдалы екенін жарнамалау. Нәтижесінде студенттердің ой өрісі мен жас ұрпақтың стандартты емес шешімдер жасаудағы мүмкіндіктерін іске асырудағы тәсілдерін көрсету.

Байқау арқылы жас буынға кәсіби салада жүрген менторлармен және жетекші мамандармен кәсіби қарым-қатынас орнату мүмкіндігі беріледі.

Дулати университетінің қабырғасында Ғылым және коммерцияландыру департаментінің коммерцияландыру бөлімінің ұйымдастыруымен студенттер арасында «Тәуелсіздік ұрпақтары» атты байқау өтті.

Байқауда Жамбыл облыстық іскер әйелдер кеңесінің төрайымы Шолпан Кариева, Жамбыл облыстық бөлшек сауда компаниялары ассоциациясының басшысы Виктория Усманова, Басқарма мүшесі – ғылым және цифрландыру жөніндегі проректор Сейітжан Орынбаев, Жобалық басқару және цифрландыру орталығының басшысы Дина Төлегенова, «Экономика және менеджмент» кафедрасының аға оқытушысы, экономика ғылымдарының магистрі Гүлзат Искакова төрелік етті.

Байқаудың мақсаты – шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларына мемлекет тарапынан қолдау көрсетіп, инновациялық стартаптар мен кәсіпкерлік жобаларды қажетті ресурстармен, біліммен және ғылыми-техникалық әзірлемелерімен қамтамасыз ету. Жастар арасында стартап мәдениетін насихаттау және индустриядағы үздік идеяларды дамыту.

Байқауды Басқарма мүшесі – ғылым және цифрландыру жөніндегі проректор Сейітжан Орынбаев құттықтау сөзбен ашып, байқаудың маңыздылығына тоқталды. Өз сөзінде технология дәуірінде әр жас буын өзінің жобасын іске асыра алатынын, ең бастысы — өзекті мәселені тауып, оны шешудің жолдарын ойлап табу екенін айтып, қатысушылардан үлкен үміт күтетінін жеткізді.

Жүлде қоры 3 миллион теңгені құрайтын «Тәуелсіздік ұрпақтары» грантын жеңіп алу байқауына 14-35 жас аралығындағы жастар өзара бақ сынады. Аталған грант қаражаты ғылымның басым секторларында жаңа ғылыми жобаларды және зерттеулерді іске асыруға, Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобалар үшін, жаңа IT шешімдер мен жобаларды, оның ішінде жаңадан басталған стартап жобаларды әзірлеуге, экономиканың басым секторларында жаңа бизнес-идеяларды шыңдауға және медиа жобаларды, оның ішінде жастар үшін танымдық, пайдалы, қызықты контент құру ісіне бағытталған. Өз білімін, біліктілігін және тәжірибесін сынай отыра 13 команда қазылар алқасы алдында жобаларын қорғады. Жобаны көрсету үшін жобаның қысқаша сипаттамасы, кезеңдері, процесі, технологиясы, нәтижесін қамтитын жоба паспортын визуализациялау үшін командалар дайындаған презентация ұсынылды. Дайындалған жобаның қоғамға пайдасы мен экономикалық тиімділігіне баса назар аударылды.

Байқау соңында ең үздік деген жобалары бар командаларға университетіміздің Басқарма мүшесі – ғылым және цифрландыру жөніндегі проректор Сейітжан Орынбаевтың тарапынан қолдау көрсетіліп, жүлде қоры 3 миллион теңгелік «Тәуелсіздік ұрпақтары» грантын жеңіп алу байқауына қатысу үшін мүмкіндік берілді.

Дулати университетінде Француз республикасының «Total Energies» компаниясының «Total Energy» тұрақты даму мектебі» профессорларының университеттегі жұмыс сапарларының аяқталуына байланысты салтанатты іс-шара өткізілді.

7.10.2024 -10.10.2024 аралығында профессорлар Дулати университетінің оқытушылары мен студенттеріне келесі тақырыптарда лекция өткізіліп, тәжірибелерімен бөлісті.

• «Дарындылықты дамыту және көшбасшылық» тақырыбында профессор Эрве Оберрайнер
• «Еңбекті қорғау және қауіпсіздік қағидалары: ірі жазатайым оқиғалардың алдын алу» профессор Терри Купер
• «Ірі компанияның даму стратегиясы: мемлекеттермен қарым-қатынас – Экономика – тұрақты даму» профессор Жан-Пьер Кордье
• «Дағдарысты басқару және коммуникация» профессор Филипп Гайс
• «Климаттың өзгеруі және энергияның ауысуы» профессор Ксавье Лимпенс.

Салтанатты іс-шараны университеттің Басқарма мүшесі - ғылым және цифрландыру жөніндегі проректор Сейітжан Орынбаев ашып, өткізілген дәрістерге біліктіліктерін арттыру үшін студенттеріміз, оқытушылар құрамы мен ғалымдарымыздан басқа өңіріміздің кәсіпкерлері мен кәсіпорын мамандарыныңда қатысқанын айта келе, еліміздің әлеуметтік-экономикалық дамуына үлестерін қосқаны үшін профессорларға ризашылығын білдіріп «Алғыс хатпен» марапаттады.    

Өз кезегінде «Total Energies Renewables Services Kazakhstan» компаниясының Бас директоры Тьерри Плезан сөз алып, Дулати университетімен өзара тиімді стратегиялық ынтымақтастықты дамыту арқылы білім мен дағдыны пайдаланып, тәжірибе алмасу мүмкіндіктеріне ие болғанына ризашылығын білдірді.