Қазақ әдебиеті мен тарихындағы жазушылардың, батырлардың шығармаларын өнеге ету және өмір жолдарын келешек ұрпаққа арнаған тұлғалар кеңінен насихатталу керек. Осыған орай, 2022 жылдың 24-ақпанында «Ұстаз» институтытың директоры О.К.Джолдасованың қолдауымен М.Әуезовтың туғанына 125 жыл толуына байланысты студент жастармен әңгіме-лекция сабағы ұйымдастырылды.
«Бауыржантану» ғылыми-зерттеу орталығының аға ғылыми қызметкері, педагогика ғылымдарының магистрі Әлімбай Найзабаев «М.Әуезов пен Б.Момышұлы арасындағы рухани сабақтастық» тақырыбында баяндама жасады. Іс-шараға Тәрбие жұмысы және әлеуметтік мәселелер жөніндегі департаментіне қарасты Дінтану орталығының жетекшісі Бахтияр Алпысбаев және «Қазақ тілі және әдебиет» кафедрасының аға оқытушысы Еділ Әбдімомынов шақырылып, ақын-жазушылар шығармашылығы мен олардың туындыларын жастар арасында насихаттау, тарихи-мәдени және рухани құндылықтарды сақтау туралы қызықты ой-пікірлерімен бөлісті.
Әрі қарай «Бауыржантану» ғылыми-зерттеу орталығының аға ғылыми қызметкері Әлімбай Найзабаев «Бауыржантану» ғылыми-зерттеу орталығында дайындалып қазақ және орыс тілінде жарыққа шыққан Бауыржан Момышұлының көптомдығының жалғасы жаңа 31, 32-томдарды таныстырды. Өз сөзінде қазақ қоғамындағы ұлттық тәрбиеге өзіндік үлесін қосқан батыр Б.Момышұлының шығармашылық еңбектері мен игі істері студент-жастарымызға бай мұра болары сөзсіз екендігін атап өтті. Іс-шара соңында студенттер тарапынан көкейкесті сұрақтар қойып, сондай-ақ осындай рухани құндылығы бар тұлғаларға арналған танымды әңгіме-лекция сабақтары жиі өткізілсе деген ниеттерін білдірді.
