Тілді өзгерту
Қазақша

ЖАМБЫЛ АТЫНДАҒЫ №5 МЕКТЕП-ГИМНАЗИЯДА СОҢҒЫ ҚОҢЫРАУҒА АРНАЛҒАН САЛТАНАТТЫ ЖИЫН ӨТТІ.

ЖАМБЫЛ АТЫНДАҒЫ №5 МЕКТЕП-ГИМНАЗИЯДА СОҢҒЫ ҚОҢЫРАУҒА АРНАЛҒАН САЛТАНАТТЫ ЖИЫН ӨТТІ.

1 маусым күні Жамбыл атындағы №5 мектеп-гимназияда соңғы қоңырауға арналған салтанатты жиын өтті. Салтанатты жиынға М.Х.Дулати атындағы Тараз өңірлік университетінен арнайы барған философия және саясаттану кафедрасының аға оқытушысы Баярисов Режеп Уразбаевич та қатысты. Салтанатты жиынды мектеп-гимназия директоры Эльмира Серікқызы Қойлыбаева сөз сөйлеп, ашып берді. Келесі сөз кезегі салтанатты жиынға арнайы келген қала әкімі Бақытжан Әмірбекұлы Орынбековке берілді. Бақытжан Әмірбекұлы 11-ші сынып түлектерін мектепті бітіріп жатқандарымен құттықтай отырып, қаладағы мектеп түлектерінің жетістіктеріне шолу жасап өтті және және №5 мектеп-гимназия түлектерінің алдағы уақытта өмірде өз орнын тауып, жақсы жетістіктерге жете берулеріне тілек білдірді. Одан кейін 11-ші сынып түлектері өздері дайындаған концерт бағдарламаларын көрсетіп, ән айтып, би биледі. Салтанатты жиын соңында мектеп түлектері гимназия директоры мен қала әкімін және жиынға арнайы келген қонақтарды ортаға алып, естелікке суретке түсті.

Салтанатты жиыннан соң 11-ші сынып түлектері өздерінің сынып кабинеттеріне барып, ата-аналарының қатысуымен соңғы бас қосуларын өткізді. Мектеп түлектерінің арасында кәсіби бағдар жұмысын жүргізу мақсатында соңғы қоңырауға университеттен арнайы барған философия және саясаттану кафедрасының аға оқытушысы Баярисов Режеп Уразбаевич әр сыныптың оқушыларына арнайы түрде жеке кіріп, оларды мектеп бітірулерімен университет атынан құттықтады. Баярисов Р.У. мектеп түлектеріне Дулати университетінде дайындалатын мамандықтар жайлы, университетте сонымен қатар әскери кафедраның бар екендігі және онда студенттердің әскери мамандықтар алып шыға алатындықтары жайлы айта келіп, оларды М.Х.Дулати атындағы Тараз өңірлік университетіне оқуға түсуге шақырды. Сонымен қатар сынып жетекшілеріне оқушылардың танысуы үшін университет дайындаған видеороликтер қалдырылды. Осылайша, Жамбыл атындағы №5 мектеп-гимназияда соңғы қоңырау рәсімі университетіміздің болашақ студенттерінің қатарын көбейтуге бағытталған кәсіби бағдар жұмысын жүргізумен ұштастырылды.

2

М.Х.Дулати атындағы Тараз өңірлік университеті,

философия және саясаттану кафедрасының

аға оқытушысы Баярисов Режеп Уразбаевич

Top