12 сәуір – Қазақстанда ғылым саласы қызметкерлерінің күні. 2011 жылы Елбасы Нұрсұлтан Назарбаев жарлық шығарып, 12 сәуірді ғылым қызметкерлерінің күні ретінде бекітті. Мерекелеу күні – 12 сәуір деп бекітілуі бекер емес. Дәл осы күні қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген. Бүгінде ғылым адамзат тіршілігінің барлық саласын дамытудың басты факторына айналды. Ұлттық ғылымның заманауи және тиімді жүйесін қолдай білу қасиеті ғылыми жетістіктер санын сөзсіз еселей түседі. Сондай-ақ ғылым елдің бәсекеге қабілеттілігін дамытушы маңызды сала.
Осыған байланысты, Қазақстан Республикасының Ғылыми қызметкерлер кәсіби мерекесі күніне сәйкес, М.Х.Дулати атындағы Тараз өңірлік университетінің «Экономика және құқық» факультетінің профессор-оқытушылар құрамы «Алғыс хатпен» марапатталды. Осы жетістіктеріне орай, «Менеджмент» кафедрасының оқытушылары «Алғыс хат» алу қуаныштарымен бөлісті.
М.Х.Дулати атындағы Тараз өңірлік университеті
«Менеджмент» кафедрасының аға оқытушысы,
э.ғ.м. Сулейменова Индира Қосаманқызы
