Адамның тұлғалық қасиетінің жақсы немесе жаман болып қалыптасуына әсер етуші фактор − жанұя. 7 қазан күні, «Текстиль, материалтану және стандартизация» кафедрасының оқытушылары Рахманова Ж.С., Айтоқпақ С.С., Ораз Г.Т., Кембаев Н.А. «Бақытты шаңырақ-бақытты ел» тақырыбында ашық дөңгелек үстел ұйымдастырды. Сабақ барысында студенттер бірнеше доклад оқып, өз ойларымен бөлісті. 2-ші курс студенті Әзімбек Б.: «Жанұя - қос жүректің одағы.Жанұя қоғамның ең маңызды құрылымы екені баршамызға белгілі. Әрбір отбасында сүйіспеншілік пен түсіністік қаншалықты мықты болса, қоғамның діңгегі де соншалықты берік болары сөзсіз. Отбасы — адамзаттың алтын діңгегі іспеттес, оның ұрпаққа деген ықпалын өмірдегі ешбір күшпен салыстыруға болмас»

Ата-ананың арасындағы татулық, силастық байланыс балаға өтеді. Ал бала тәрбиесі ол дүниеге келген күннен басталады. Отбасылық тәртіп имандылыққа құрылған жанұя жоқшылық, тапшылықтың өзін нығметке айналдыра алады. Сол себепті балаға, әуелі, жоқшылық арқылы өмір қиыншылығын жеңудің амалын үйрету керек. Балаларына ешқандай ауыртпалық үйретпеу ол қателік. Ауыртпалық көрмеген бала өзгенің көмегіне сенім артатын, өз мүмкіндігін пайдалана алмайтын күйге түседі. Жақсы жанұя бақыттың отаны-деп келген қонағымыз Қасымова Ғ.А. сабақты сөзімен аяқтады.