Ұлы жеңістің 80 жылдығына орай, «Журналистика және филология» кафедрасы мен Кітапханалық-ақпараттық орталық, №2 кітапхананың ұйымдастыруымен «Ұлы Жеңіске – 80 жыл: Тарих. Тағзым. Тағылым» тақырыбында бірқатар тағылымды басқосулар мен мәдени жобалар жүзеге асты.

Атап айтқанда:

– Жамбыл облыстық музейіне қарасты Даңқ залында өткен «Тағылымды кездесу» барысында Бауыржан Момышұлының «Москва үшін шайқас» романы талқыланып, қатысушылар рухани әсер алды;

– «Бауыржантану: ұлттық рух пен ерлік мектебі» атты дөңгелек үстелде белгілі бауыржантанушылар Ә. Найзабаев, Б. Момынқұл және Т.Ә. Мұқашев батыр тұлғасының тарихи маңызына тоқталды;

– «Москва үшін шайқас – ерлік өнегесі» атты сахналық қойылым көрерменге ерекше әсер қалдырды;

– «Жеңіс рухы – жүректерде» экскурсиясы барысында студенттерге Даңқ залы мен «Бауыржантану» ғылыми-зерттеу орталығының қызметкерлері мазмұнды таныстырылым өткізді;

– «Ел қорғаған ерге мың тағзым» шарасында қатысушылар Жеңіс саябағында Бауыржан Момышұлы ескерткішіне гүл шоқтарын қойып, «Даңқ лентасын» тақты;

– Ашық аспан астында өткен «Жырмен жаңғырған ерлік» поэзия кеші жастардың рухын көтеріп, патриоттық сезімдерін оятты.

Патриоттық тәрбие мен тарихи сананы арттырған жиын соңында қатысушылар ұйымдастырушыларға алғыстарын білдіріп, жылы лебіздерін жеткізді.