МАРАПАТТАУ РӘСІМІ ӨТТІ

Университет қабырғасында Басқарма төрағасы – ректор Мұхтар Байжұманов шәкірт жолында талмай еңбек еткен және білім саласына үлесін қосып жүрген бірқатар ұстаздар мен қызметкерлерге, еңселі оқу ордамыздың атағың жоғары дәрежеде шарықтатып жүрген студенттерге марапаттар табыстады.

Жиынды Басқарма төрағасы – ректор Мұхтар Байжұманов құттықтау сөзбен ашып, ұстаздардың қоғамдағы рөлін құрметтеу және олардың қажырлы еңбектері мен студенттердің елеулі марапаттары туралы сөз қозғады. Ұлағатты ұрпақ тәрбиелеу – аса жауапты әрі күрделі міндет екенін тілге тиек етіп, студенттерге алдағы уақытта бірге биік шыңдарды бағындыру үшін сәттілік тіледі.

Салтанатты жиында «Физика және информатика» кафедрасының профессоры, физика-математика ғылымдарының кандидаты Жолдасова Кульжамила Жолдасқызы «Парасат» орденімен марапатталды.

Қазақстан Республикасы Ғылым және жоғары білім министрлігі Ғылым және жоғары білім саласында сапаны қамтамасыз ету комитеті төрағасының 2025 жылы 23 қаңтардағы №54 бұйрығымен «Жаратылыстану ғылымдары» факультеті «Биология» кафедрасының доценті Бекзат Момбаева Қонысалықызына «Ауыл, орман және балық шаруашылығы» ғылыми бағыты бойынша қауымдастырылған профессор (доцент) ғылыми атағы берілді.

2024 жылы Қазақстан Республикасы Ғылым және жоғары білім министрлігі XVІ Республикалық пәндік студенттік олимпиадасында ІІ дәрежелі дипломмен «Актерлік өнер» білім беру бағдарламасының 3 курс студенті Бахтияр Аршанбек; ІІ дәрежелі дипломмен «Жеке ән салу. Вокал» пәні бойынша 2 курс студенті Мадина Бекмурзаева; ІІ дәрежелі дипломмен «Театр режиссурасы» білім беру бағдарламасының 2 курс студенті Мерейім Сейітжапарова; ІІ дәрежелі дипломмен «Сахна қозғалысы» пәні бойынша 1-3 курс студенттері марапатталды.

2025 жылы Қазақстан Республикасы Ғылым және жоғары білім министрлігі XVІІ Республикалық пәндік студенттік олимпиадасында ІІ дәрежелі дипломмен «Театралдық қойылымдарды ұйымдастыру және режиссурасы» білім беру бағдарламасының 3 курс студенті Макаров Артем «Менің атым Қожа» қойылымы үшін; ІІ орын дипломымен «Мәдени-тынығу: бұқаралық қойыламдарды ұйымдастыру» білім беру бағдарламасының 3 курс студенті Даулетбергенова Алуа ретро және заманауи әндерді орындағаны үшін; ІІІ дәрежелі дипломмен «Театралдық қойылымдарды ұйымдастыру және режиссурасы» білім беру бағдарламасының 2-3 курс студенттері Дулат Исабековтың «Құстар фестивалі» қойылымы үшін; ІІІ дәрежелі дипломмен «Театр өнері», «Режиссура» білім беру бағдарламасының 3 курс студенті Салимова Нұршахризада Жүсіпбек Аймауытовтың «Ақбілек» монологы үшін; ІІІ дәрежелі дипломмен «Театралдық қойылымдарды ұйымдастыру және режиссурасы» білім беру бағдарламасының 3 курс студенті Сейітжапарова Мерейім Шәмші Қалдаяқовтың «Уақыттан биік әуен» драмасы үшін марапатталады.

Сонымен қатар, студенттердің жетекшілеріне Гульвира Есеналықызы, Қажыбай Қозайырұлы, Шолпан Жолдыбаевна, Жанат Мирзагуловна Алғыс хаттар берілді.

2025 жылы Қазақстан Республикасы Ғылым және жоғары білім министрлігі XVІІ Республикалық пәндік студенттік олимпиадасында ІІІ орын иеленген «Хореография» білім беру бағдарламасының 3 курс студенттері Миринюкова Алина, Тен Екатерина, Нигматуллаева Анжелика, Копбосынова Дана дипломмен марапатталады. Жетекшісі Караматуллаева Хадия Ергашовнаға Алғыс хат берілді.

Марапат иелерін құттықтаймыз! Алдағы уақытта кәсіби табыс, жаңа жетістіктер, сәттілік және шығармашылық шабыт тілейміз!

мар111

мар2222

мар3333

мар4444

мар5555

 

Прочитано 57 раз
Top