Әл-Фараби атындағы Қазақ ұлттық университетінің ұйымдастыруымен өткен біліктілікті арттыру курсына қатысып, өз білімімді жетілдірдім. Бұл курс аясында ғылыми жетекші ретінде филология ғылымдарының докторы, Әл-Фараби атындағы Қазақ ұлттық университетінің «Түркология және тіл теориясы» кафедрасының профессоры Авакова Раушан Амирдиновна бекітілді.
Диссертациялық жұмысымды қорғау барысында Раушан Амирдиновнаның еңбектерімен таныс болсам, біліктілікті арттыру курсы барысында өзімен тікелей танысып, бірлесе жұмыс істеу мүмкіндігіне ие болдым. Оқу барысында заманауи тіл білімінің өзекті мәселелері, лингвистикалық зерттеулердегі жаңа әдістер мен тәсілдер, сондай-ақ тілдік коммуникацияның қолданбалы аспектілері бойынша терең білім алдым. Сонымен қатар, ғылыми-зерттеу дағдыларымды жетілдірумен бірге, академиялық жазу, ғылыми жобалау әдістері және қазіргі филологиялық ғылымдағы жаңа бағыттар бойынша тың ақпараттармен таныстым.
Алдағы уақытта Раушан Амирдиновнамен ғылым жолында тәжірибе алмасуды жалғастыратыныма сенімдімін. Сондай-ақ, біліктілікті арттыру курсының жоғары деңгейде өтуіне атсалысқан ҚазҰУ Біліктілікті арттыру институтының маманы Ләйлә ханымға шынайы алғысымды білдіреміз!
«Журналистика және филология» кафедрасының қауымдастырылған профессор м.а. Зульфия Курманбекова