М.Х.Дулати атындағы Тараз университеті мен «Спорттық бағдарламалау федерациясы» Республикалық қоғамдық бірлестігі ұйымдастыруымен, студенттер арасындағы бағдарламалау бойынша ең ірі студенттік ICPC 1/4финалы өтті.

Олимпиаданың мақсаты– Қазақстанның барлық университеттерінің студенттеріне бағдарламалаудан өз дағдыларын көрсетуге мүмкіндік беру, қызығушылығын ынталандыру, техникалық қабілеттерін және IT-индустриясында табысты, мансапты болу арқылы кәсіби байланыстарды нығайту және дамыту.

Осы мақсаттарды іске асыру үшін Федерация Қазақстан Республикасының өңірлерінде студенттер үшін бірқатар жобаларды іске асыруда. Биыл Digital Bridge іс-шарасы аясында 2024 жылы ICPC спорттық бағдарламалау бойынша әлем чемпионатының финалын Қазақстанда ұйымдастырады.Нәтижесінде,ICPC1/4 финалын жеңіп шыққан студенттер қатысып, жеңімпаздар Астанадағы Әлем чемпионатының финалына саяхат жолдамасын алатын болады.

1/4 финалы 2024 жылдың 16 қарашасында Дулати университетінің қабырғасында оффлайн форматта өтті. Іріктеу турына Дулати университетінің 14 командасы (командада 2-3 адам), Қорқытата атындағы Қызылорда университетінен 2 команда, Шымкент қаласындағы Жұмабек Ташенов атындағы университетінен 1 команда – барлығы 17 команда қатысты.

Қатысқан 17 команданың арасынан 6 команда: оның ішінде Дулати университетінен 5 команда, Қорқыт ата университетінен 1 команда Астана қаласына жартылай финалға жолдама алды.

1/4 финалдың салтанатты ашылуы және жарыстан кейін жеңімпаз командаларды марапаттауға Басқарма мүшесі - Ғылым және цифрландыру жөніндегі проректор Сейтжан Орынбаев қатысты. Қатысушы командаларға жартылай финалға ізгі лебізін білдіріп, ұйымдастырушыларға Коммерцияландыру бөлімінің басшысы Ж.Танаевқа, конкурстарды үйлестіруші, Корпоративтік клиенттермен жұмыс жөніндегі бөлімнің қызметкері Ж.Шонгараеваға және «Физика және информатика» кафедрасы меңгерушісінің м.а. С.Раймбаеваға алғысын білдірді.