ДУЛАТИ УНИВЕРСИТЕТІ СТУДЕНТТЕРІ АРАСЫНДА «ДУЛАТИ АРУЫ - 2024» СҰЛУЛЫҚ БАЙҚАУЫ ӨТТІ.
Байқау шарттары 4 кезеңнен тұрды. 1-кезең «Мен қазақтың қызымын» - сәлемдесу рәсімі, 2-кезең «Өнерліге өріс кең» - өнер сайысы, 3-кезең «Ажарлы, сұлу ғажап тым..» - кешкі сән үлгісін көрсету, 4- кезең «Зерделінің ойы озық» - танымдық сайысы.
Ару қыздарымызға байқау соңында Дулати университеті ректорының арнайы дипломы мен алғысхаттары, естелік сыйлықтары табыс етілді. Сондай-ақ, жүлделі орын иегерлері мен қатысушылары қаржылай сыйлыққа ие болды. Сұлулық байқауының қортындысы бойынша III орын иегерлері «Экономика және құқық факультетінің 1 - курс студенті Аяулым Ермек және «Жаратылыстану ғылымдары» факультетінің 1- курс студенті Аружан Жолмаханова атанды. II орын иегері «Педагогика және әлеуметтік ғылымдар» факультетінің 1 - курс студенті Альбина Саятқызы деп танылса, I орынды қанжығаға байлаған «Филология және гуманитарлық ғылымдар» факультетінің 1 - курс студенті Жания Орымбет болды.
Су шаруашылығы және табиғатқа үйлестіру институтының 3-курс студенті Мерей Нұрлан «Дулати аруы - 2024 » сұлулық байқауының бас жүлде иегері атанды.