Қазақстан Республикасы Ғылым және жоғары білім министрлігі мен Франция Республикасы Еуропа және сыртқы істер министрлігі 2024-2025 оқу жылына арналған" Абай-Верн " стипендиялық бағдарламасына қатысуға Конкурс жариялайды! 

"Абай-Верн" стипендиялық бағдарламасы- бұл Қазақстан Республикасы Ғылым және жоғары білім Министрлігінің және Франция Республикасы Еуропа және сыртқы істер министрлігінің бірлескен бағдарламасы.

Барлығы: қазақстандық жоғары оқу орындарының студенттері үшін 2 жылдық магистратураға  -  45 стипендия және докторанттар үшін - 5 стипендия бөлінуі көзделген.

Магистратураға стипендия алу конкурсына қатысу шарттары:

• Қазақстан азаматы болу;
• жас шектеулері жоқ;
• 2024-2025 оқу жылының басына қазақстандық жоо-да магистратураның екінші курсына жазылу;
• Францияның жоғары оқу орнына Мaster 1 немесе Master 2 бағдарламасына қабылдау туралы шақыру немесе растау қағазының болуы;

Докторантураға стипендия алу конкурсына қатысу шарттары:

• Қазақстан азаматтығының болуы;
• жас шектеулері жоқ;
• 2024-2025 оқу жылының басына ғылыми жетекшілікпен диссертация дайындай отырып, қазақстандық жоо-ға докторантураның 1 жылына жазылу;
• Францияның жоғары оқу орнына 1-ші оқу жылының Докторантура бағдарламасына қабылдау туралы шақыру немесе растау қағазының болуы.

Бағдарламаның қаржылық шарттары

"Абай-Верн" бағдарламасының стипендиаты:

• магистранттар үшін қыркүйектен маусымға дейін 10 ай ішінде айына 800 еуро мөлшерінде және докторанттар үшін 3 жыл ішінде жылына 6 ай сайын 1500 еуро мөлшерінде тұруға арналған ай сайынғы стипендия беріледі. (ЖОО бұйрық шығарған кездегі Қазақстан Республикасы Ұлттық Банкінің курсы бойынша).
• келесі артықшылықтарды беретін BCS француз үкіметінің әлеуметтік стипендиясы:
• Францияға тегін ұзақ мерзімді студенттік виза (ақпарат үшін: стипендиат емес студент үшін виза құны 99 еуроны құрайды);
• тіркеу жарнасын төлеуден босату (Францияның көптеген мемлекеттік университеттерінде міндетті). Ақпарат үшін: шетелдік студенттер үшін магистратураға тіркеу жарнасы бір жыл үшін 377 еуроны, докторантураға бір жыл үшін 380 еуроны құрайды. Сонымен қатар, оқу орны мен дипломға байланысты қосымша шығындар болуы мүмкін;
• CROUS Студенттік тұрғын үйге қол жетімділік (ақпарат үшін: CROUS мемлекеттік университеттік жатақханасында жалдау ақысы айына 300-ден 600 еуроға дейін, ал жеке секторда айына 800-ден 1000 еуроға дейін);

Конкурсқа қатысуға қажетті құжаттар тізімі:

1. Француз жоғары оқу орнына немесе ғылыми-зерттеу орталығына магистратура немесе докторантура бағдарламалары бойынша оқуға алдын ала қабылданғаны туралы растау хат. Егер қабылдау рәсімі әлі аяқталмаған болса, өтініштің көшірмесін қосуға болады;
2. таңдалған бағдарламаға байланысты француз немесе ағылшын тілінде түйіндеме, , (сондай-ақ қазақ немесе орыс тілінде);
3. таңдалған бағдарламаға байланысты француз немесе ағылшын тілдерінде, сондай-ақ орыс немесе қазақ тілінде мотивациялық хат (Бір бет көлемде);
4. төлқұжаттың бірінші бетінің көшірмесі;
5. бакалавриаттан бастап дипломдар мен қосымшалардың расталған көшірмелері;
6. француз тілінде оқыту бағдарламасын таңдаған үміткерлер үшін: француз тілін білу дәрежесі B1-ден төмен емес (DELF, DALF, TCF). Бұл шарт ЖОО-да француз тілінде оқығандарға қолданылмайды ;
7. ағылшын тілінде оқыту бағдарламасын таңдаған үміткерлер үшін: B2 деңден (TOEIC, TOEFL, IELTS) төмен емес ағылшын тілін білу дипломы. Бұл шарт университетте ағылшын тілінде оқығандарға қолданылмайды.

Докторантураға оқуға үміткерлер қосымша ұсынады:

1. ғылыми жетекшінің рецензиясымен бірге ғылыми-зерттеу жобасының қысқаша сипаттамасы (диссертация тіліне байланысты француз немесе ағылшын тілдерінде екі бетке), сондай-ақ қазақ немесе орыс тілінде;
2. жарияланған ғылыми еңбектер мен жарияланымдардың тізбесі (ағылшын немесе француз тілінде), сондай-ақ қазақ немесе орыс тілінде;
3. ағылшын немесе француз тілінде ғылыми жетекшілердің ұсыным хаты (еркін нысанда), сондай-ақ қазақ немесе орыс тілінде.

Кандидаттың құжаттамасын жіберу тәртібі

• Құжаттарды тапсыру мерзімі: 2024 жылғы 12 мамыр 24 сағат 00-ге дейін
• Кандидаттың PDF форматындағы құжаттамасын (ең көбі 10 Мб) электрондық мекенжайға жіберу қажет: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
• БАРЛЫҚ ҚҰЖАТТАР БІРЫҢҒАЙ ҚҰЖАТТАМАДА ЖИНАЛУЫ ТИІС

Төменде көрсетілген сайтқа кіріп, осы бағдарлама туралы қосымша ақпаратпен танысуға болады: https://www.kazakhstan.campusfrance.org/stipendialnaya-programma-abay-vern

Сондай-ақ Төле би,62, каб мекенжайы бойынша халықаралық ынтымақтастық басқармасында.208.