Дулати университетінің студенті Нұрбек Оралбай мен университет түлегі Асланбек Шымбергенов бокстан ӘЛЕМ ЧЕМПИОНЫ атанды!
80 келіде ел намысын қорғаған Нұрбек Оралбай финалдық сында Қытай елінің атынан шығып жүрген этникалық қазақ Тоқтарбек Таңатқанды жеңіп, алтын жүлдеге қол жеткізді.
71 келі салмақ дәрежесінде шаршы алаңда жарыс жолына шыққан ұлттық құрама капитаны Асланбек Шымбергенов өзбекстандық Саиджамшид Жафаровты жеңіп, әнұранымызды шырқатты.
Әлемдік бәсекеде күміс жүлдеге қол жеткізген Дулат Бекбауов та Жамбылдық боксшы. Дулаттың жаттықтырушысы Нұрлан Ақүрпеков – Дулати университетінің «Құрметті професоры».
Жарайсыңдар, жігіттер! Жеңісті күндеріміз көп болсын!
