Жайдарман – еліміздегі ең алғашқы жастар арасындағы әзілден құралған көңілді ойын алаңы. Астарлы әзілмен қоғамдық мәселені жеткізу, әрбір адамның қолынан келе бермейді. Осындай талантты жастар қоғамға үлестерін қосып, жастар саясатындағы қозғалысты дамытуда.
20 жылдан астам тарихымен талай жастарды биік шыңдарда көрсетіп жүрген бұл ойынның орны ерекше. Дулати университетінде жайдарман ойыны арқылы шыңдалып, қазіргі кезде елге танымал болып жүрген азаматтар жетерлік. Аға буынның ізін жалғаушылар бұл сабақтастықты үзген емес. Әзілмен көпшіліктің ыстық ықыласына бөленіп жүрген жас командалар арасындағы жартылай финал ойыны бүгін өз мәресіне жетті.
Жалпы сегіз команда қатысты. Әділ-қазылар алқасының шешімімен «Болашақ мамашалар», «Қарасаз», «Престиж», «Әдеби жігіттер» және «Бренд» командалары финалдық ойынға жолдама алды.
