Бүгін, 8 маусым 2021 жылы «Химия және химиялық технология» кафедрасының кеңейтілген отырысы өтті. Аталған отырыста 6D060600-«Химия» мамандығының докторанты Шораева Камшат Абитханқызының «Этанды этиленге тотықтыра дегидрлеуге арналған молибденқұрамды катализаторларды жасау» тақырыбындағы PhD ғылыми дәрежесін алу үшін дайындалған докторлық диссертациясы тыңдалды. Ғылыми кеңесші: химия ғылымдарының кандидаты, профессор Масалимова Бакытгуль Кабыкеновна,шетелдік ғылыми кеңесші: химия ғылымдарының докторы, профессор Садыков Владислав Александрович.

2024                                                             

•        Состав диссертационного совета | Диссертациялық кеңестің құрамы

2023

•  Состав диссертационного совета | Диссертациялық кеңестің құрамы

2021

• Состав диссертационного совета | Диссертациялық кеңестің құрамы

2020

• Состав диссертационного совета | Диссертациялық кеңестің құрамы

2019

• Состав диссертационного совета | Диссертациялық кеңестің құрамы

ХАБАРЛАНДЫРУ

«М.Х.Дулати атындағы Тараз өңірлік университеті» КЕ АҚ

Факультет декандары және кафедра меңгерушілерінің бос лауазымдық орындарына конкурс жариялайды:

Конкурсқа қатысу үшін қажетті құжаттар:

-М.Х.Дулати атындағы Тараз өңірлік университетінің  ректорының атына жазылған өтініш;

-кадрларды есепке алу бойынша жеке парағы (конкурсқа басқа ЖОО-дан қатысатын тұлғалар үшін);

-өмірбаян (конкурсқа басқа ЖОО-дан қатысатын тұлғалар үшін);

-жоғары білімі мен академиялық және ғылыми дәрежесі  туралы дипломдардың, ғылыми атағы туралы құжаттың нотариалды расталған көшірмелері (конкурсқа басқа ЖОО-дан қатысатын тұлғалар үшін);

- қайта даярлау және біліктілікті арттыру туралы сертификаттардың көшірмесі (болған жағдайда) және салыстыру үшін түпнұсқалары;

- ғылыми жұмыстар мен өнертабыстардың тізімі(болған жағдайда);

- денсаулығы туралы медициналық (санитарлық) кітапша (конкурсқа басқа ЖОО-дан қатысатын тұлғалар үшін);

- соттылықтың болуы немесе болмауы туралы анықтама;

-ҚР Денсаулық сақтау және әлеуметтік даму министрінің 27.04.2015 жылғы №272 бұйрығымен бекітілген «Наркологиялық ұйымнан анықтама беру» мемлекеттік көрсетілетін қызмет стандартының 1-қосымшасына сәйкес нысан бойынша конкурсқа қатысушының тіркеуде тұрмайтыны туралы наркологиялық ұйымның анықтамасы; 

-ҚР Денсаулық сақтау және әлеуметтік даму министрінің 27.04.2015 жылғы №272 бұйрығымен бекітілген «Психоневрологиялық ұйымнан анықтама беру» мемлекеттік көрсетілетін қызмет стандартының 1-қосымшасына сәйкес нысан бойынша конкурсқа қатысушының тіркеуде тұрмайтыны туралы психоневрологиялық ұйымның анықтамасы;

- даму бағдарламасы (қағаз және электрондық түрде, көлемі 10 слайдтан артық емес).

Конкурсқа қатысушы біліміне, кәсіби деңгейіне  қатысты қосымша ақпарат (ғылыми жарияланымдардың тізімі, алдыңғы жұмыс орнындағы басшылық берген ұсынымдар), сондай-ақ жұмыс тәжірибесін және біліктілігін растайтын құжаттар бере алады.

1. Факультет деканының біліктілігіне қойылатын талаптар:

Негізгі талаптар

- жоғары және/немесе жоғары оқу орнынан кейінгі білім;

- ғылыми дәрежесінің (немесе PhD дәрежесінің) болуы;

- білім беру ұйымдарындағы басшылық лауазымдардағы жұмыс өтілі (кафедра меңгерушісі, факультет деканының орынбасары, ЖОО құрылымдық бөлімшелерінің басшысы) кемінде 5 жыл;

- ғылыми-педагогикалық жұмыс өтілі 10 жылдан астам;

- зейнет жасында болмауы;

- мемлекеттік тілде сабақ өткізу тәжірибесінің болуы;

- университет әкімшілігінің, білім алушылар мен оқытушылардан «Университет ПОҚ, қызметкерлері мен білім алушыларының академиялық адалдық ережелеріне» сәйкес ескертулері мен наразылықтарының болмауы.

Қосымша талаптар

- соңғы 5 жылда білім беру менеджменті бойынша біліктілікті арттыру курстарынан өткені туралы сертификаттың (куәліктің) болуы;

- оқу, оқу-әдістемелік (оқу-әдістемелік құралдар мен білім беру бағдарламаларының (ББ) авторлары болып табылатын) және ғылыми қызметтерде (соңғы 5 жыл ішінде ҚР БҒМ БҒССҚК ұсынған ғылыми басылымдар тізбесіне енгізілген басылымдарда және халықаралық рецензияланатын ғылыми журналдарда кемінде 5 ғылыми мақалаларды жариялауы) жетістіктердің болуы.

2. Кафедра меңгерушісінің біліктілігіне қойылатын талаптар:

Негізгі талаптар

- кафедраның ББ сәйкес келетін жоғары және/немесе жоғары оқу орнынан кейінгі білім;

- ғылыми дәрежесінің (немесе PhD дәрежесінің) болуы;

- ғылыми-педагогикалық жұмыс өтілі 5 жылдан кем емес немесе мамандығы бойынша өндірістік өтілі 5 жылдан кем емес;

- мемлекеттік тілде сабақ өткізу тәжірибесі;

- шығармашылық сипаттағы ББ бойынша мамандар даярлауды жүзеге асыратын кафедраларда (Дене шынықтыру және спорт, Мәдени-бос уақыт жұмысы, Дизайн, Көркем еңбек және сызу, Бастапқы әскери дайындық, Хореография) «еңбек сіңірген», «құрметті» және ҚР Мемлекеттік наградалары бар, подполковниктен төмен емес әскери атағы, спорт шебері, спорт және өнер бойынша континентальдық және әлемдік ресми біріншіліктердің жеңімпаздары және т.б. ҚР ресми танылған атақтары бар маман басқара алады. Жоғарыда аталған атақтардың иегерлері «қауымдастырылған профессор» ғылыми атағына теңестіріледі;

- университет әкімшілігінің, білім алушылар мен оқытушылардан «Университет ПОҚ, қызметкерлері мен білім алушыларының академиялық адалдық ережелеріне» сәйкес ескертулері мен наразылықтарының болмауы.

Қосымша талаптар

- соңғы 5 жыл ішінде біліктілікті арттыру курстарынан өткені туралы сертификаттың (куәліктің) болуы;

- «Оқытушы студенттер көзімен» сауалнамасы бойынша нәтижелер 7,0-ден астам болуы;

- оқу, оқу-әдістемелік (оқу-әдістемелік құралдар мен білім беру бағдарламаларының (ББ) авторлары болып табылатын) және ғылыми қызметтерде (соңғы 5 жыл ішінде ҚР БҒМ БҒССҚК ұсынған ғылыми басылымдар тізбесіне енгізілген басылымдарда және халықаралық рецензияланатын ғылыми журналдарда кемінде 10 ғылыми мақалаларды жариялауы) жетістіктердің болуы.          

Өтініш беру мерзімі: хабарландыру жарияланған күннен бастап 20 күнтізбелік күннен  кешіктірілмеуі тиіс.

Мекен-жайымыз: 080000, Тараз қаласы, Ы.Сүлейменов көшесі, 7,  101 бөлме (1.1корпус)  (Персоналды басқару қызметі),

тел. 8-(7262)-43-27-77, 8-(7262)-43-26-38.

Хабарландыру  республикалық «Егемен Қазақстан» газетінің 2021 жылғы 08-маусымындағы №106(30085) санында жарияланған.

Конкурсқа қатысу үшін құжаттарды қабылдау 28.06.2021 дейін жүргізіледі.

В Государственной программе развития образования в Республике Казахстан на 2011-2020 годы большое внимание уделено детям с ограниченными возможностями. В законе Республики Казахстан от 11 июля 2002 года № 343-IIО социальной и медико-педагогической коррекционной поддержке детей с ограниченными возможностями (с изменениями и дополнениями по состоянию на 27.12.2019 г.) рассматривается  формы и методы социальной, медико-педагогической коррекционной поддержки детей с ограниченными возможностями, направлен на создание эффективной системы помощи детям с недостатками в развитии, решение проблем, связанных с их воспитанием, обучением, трудовой и профессиональной подготовкой, профилактику детской инвалидности.

4 июня 2021 года преподаватель кафедры «Химия и химическая технология» технологического факультета университета Дулати Г.Б.Мадимарова  защитила свой научный проект на «конкурсе молодых ученых по продвижению казахстанской модели мира и согласия Н.Назарбаева», организованным коммунальным государственным учреждением «Қоғамдық келісім» управления внутренней политики акимата Жамбылской области и была награждена специальным благодарственным письмом. Этот конкурс, нацеленный на привлечение научного сообщества, в том числе молодежи, повышение интереса молодежи к науке, поиск и поддержка талантливых молодых исследователей, повышение социальной ответственности ученых и молодых исследователей, способствует продвижению казахстанской модели общественного согласия и общенационального единства Первого Президента Республики Казахстан – Елбасы Н.А.Назарбаева, безусловно, занимает огромное место в поиске новых идей по совершенствованию этнополитики Казахстана в условиях меняющегося мира. Требования и задачи для молодежи всегда будут высокими, ведь казахстанцы становятся мирной страной, где молодежь стремится к творчеству!

2021 жылдың 4 маусым күні Дулати университеті, технологиялық факультетінің «Химия және химиялық технология» кафедрасының оқытушысы Г.Б.Мадимарова Жамбыл облысы әкімдігінің ішкі саясат басқармасы «Қоғамдық келісім» коммуналдық мемлекеттік мекемесінің ұйымдастыруымен «Н.Назарбаевтың қазақстандық бейбітшілік пен келісім моделін ілгерілету бойынша жас ғалымдар арасындағы байқауда» өз ғылыми жобасын қорғап, арнайы алғыс хатпен марапатталды.

«SanaIy urpaq» жобалық фронт-офисінің ұйымдастыруымен «Сыбайлас жемқорлыққа білім берудің парасаттылық мектебі» қаңтар айынан сәуір айына дейін университеттің оқытушылары мен қызметкерлері арасында оқу курсын өткізген болатын.
Жалпы, курстың мақсаты білім алушыларға ар-намыс кодексі, сыбайлас жемқорлық стандарты туралы түсінік бере отырып, университетте сыбайлас жемқорлыққа қарсы мәдениет қалыптастыру және академиялық қатаңдық орнату.
Аталған курсқа «Су шаруашылығы, экология және құрылыс», «Ұстаз» институты және барлық факультеттен 85 студент, 105 оқытушы қызыметкерлер білімін шыңдаған болатын.
Нәтижесінде, осы оқу маусымының аяғында қорытынды тест өтті, емтихан баллы толымды болғандарға сертификат табысталады.

Мемлекеттік рәміздер – еліміздің дербестігі мен тәуелсіздігін күллі әлемге жария етуші әрі мемлекетіміздің өткені, бүгіні мен болашағы арасындағы сабақтастықтың жарқын бейнесі.

Мемлекеттік рәміздерде – халқымыздың бүкіл бастан кешкен тарихы, бүтіндей мәдениеті жатыр. Сондықтан ол отансүйгіштік сезімнің бастау көзі болып табылады.

1992 жылдың 4 маусымы Қазақстан Республикасының рәміздері бекітілген күн болып тарихта қалды. Осы жылдан бастап тойланып келе жатқан бұл мереке ешқашан өз өзектілігін жоғалтқан емес.

Осы орайда университетіміздің профессор-оқытушылар құрамының орындауында технологиялық кешенде мемлекеттік Әнұранымыз шырқалды. Жиынға қатысушы ұстаздарымыз эпидемиологиялық жағдайды ескере отырып «Ашық» қосымшасы арқылы кіріп, карантиндік талаптарды сақтады.

Ұстаздарымыз жасаған игі істі студенттеріміз тікелей эфирден көріп тамашалай алды. Ұлттымыздың ұлт болып қалыптасқанының белгісі болған рәміздер күні баршамызғы құтты болсын!

Көк байрағымыз желбіреп, Елтаңбамызды әлем танып, Әнұранымыз асқақтай берсін!

Медиа-қызмет

Дулати Университетінің студенті - Әбілхан Аманқұл бокстан (75кг) Азия чемпионатының күміс жүлдесін иеленді.

Финалға Азия чемпионатына Қазақстаннан бес боксшы шыққан болатын. Ақтық сайысқа жолдама алған спортшылар ішінде біздің Әбілхан да табылды.

Еске сала кетсек, Қазақстан құрамасы сапында Әбілхан Аманқұл үндістандық боксшы Ашиша Кумар мен Ирандық Сейдшахина  Мусавиді жеңіп финалға шықты.

Ал финалда Әбілхан Аманқұл өзбекстандық Саиджамшит Джафаровпен бақ сынасты. Жекпе-жек қарқынды өтті. Екінші раундта төреші өзбек боксшысын нокдаун деп санағанымен Әбілхан жеңіліп қалды. Жекпе-жек 1:4 есебімен Джафаров жеңісімен аяқталды.

Токио олимпиадасына жолдаманы бұл жарыстың алдында-ақ жеңіп алған Әбілханға алдағы үлкен бәсекеде тек жеңіс тілеміз!

Жазира Теңизбаева
конвергентті журналистика мамандығының
1-курс студенті

Жамбыл облысының Өңірлік коммуникациялар қызметінде «Жоғары білім және сапалы кадрлар даярлаудың өзекті мәселелері» тақырыбы аясында брифинг өтті. Жиын барысында М.Х.Дулати атындағы Тараз өңірлік университеті басқарма Төрағасы – Ректорының міндетін атқарушы Ержан Әмірбекұлы білім беру бағдарламаларындағы оң өзгерістермен және тың жаңалықтармен бөлісті.

Ержан Әмірбекұлы қазіргі таңда білім беру бағдарламаларын негізгі білім берумен қатар қосымша икемді құзыреттіліктерді беру бағытын назардан тыс қалдырып отырған жоқтығын айтты. Мәселен, кез келген маманның бойында тіл құзыреттілігі, коммуникациялық құзыреттілік, топта жұмыс  жасау  бүгінгі күннің негізгі мәселесіне айналып отырғаны анық. Сондықтан бұл құзыреттіліктерді білім беру бағдарламаларының жұмыс жоспарына енгізгендігін тілге тиек етті.

Дулати университеті академиялық саясаты кадрларды даярлауда жүйелі тәсілді іске асырып, даму басымдықтарын өзгерістерге, инновацияларға және тәжірибеге бағдарлануға негізделген.

Білім беру қызметінің сапасын арттыру шеңберінде білім беру бағдарламаларының қоғам сұранысына сай дайындалуы басты фактор екендігі анық. Университетте бас-аяғы 230-ға жуық ББ бойынша маман даярланады. Соңғы деректерге сәйкес, бүгінгі таңда 36 бағдарлама университет өтініші негізінде реестр тізімінен сызылды (сұраныстың төмендігіне байланысты).

Өңірлік мәселелерді шешуде университет ғылыми зерттеулер мен қажетті ресурстарға аса ден қойып отыр. Университетте инновациялық құзыреттер мен кәсіпкерлік дағдыларды арттыру бойынша бірқатар ірі жобалар жүзеге асуда.

Университеттің академиялық дербестігін кеңейту мақсатында өзіндік үлгідегі құжаттарды әзірлеу және цифрлық трансформацияны жүйелі жүргізу қолға алынды. Бұл жаңа тұрпатты кәсіби маман тәрбиелеу аса қажетті элементтердің бірі.

Сондай – ақ, университетте түлектерді жұмысқа орналастыру мәселесіне де үлкен басымдық беріледі. 2020 жылы жұмысқа орналастыру көрсеткіші орташа есеппен 77% - ды құрады. Бұл ретте университет барлық түлектің өңір талап ететін мамандықты игеріп, жұмыспен қамтылуына мүдделі.

Дулати Университетінде 16766 білімгер оқиды. Оның ішінде халықаралық ынтымақтастық аясында сегіз елден келген 1841 шетелдік студент білім алуда. 648 адам магистратурада, 48 адам докторантурада оқиды.

Сонымен қатар Ержан Әмірбекұлы осы жылдың қыркүйек айынан бастап профессор-оқытушылардың еңбек ақысының көтерілетінін айтты. Сонымен ең төменгі еңбекақы мөлшері 200 мың тг құраса, ал профессор оқытушылардың еңбекақысы 350 мыңнан кем болмайтынын және  педагогикалық жүктеме 680 сағаттан аспайтындығы нақтыланды. Бұл жағдай оқытушылардың өз бетінше сабаққа дайындалуларына, ғылыммен айналасуына, біліктіліктерін жетілдіруге мүмкіндік береді.

Оқытудың заманауи әдістерін қолдану үшін университеттің материалдық-техникалық базасы толық мүмкіндік береді. Замануи үлгідегі оқу ғимараттарында қажетті ресурстар, оқу зертханалары, жатақханалар, медициналық пункттер, спорттық кешендер белсенді жұмыс атқарады.

ҚР Тәуелсіздігінің 30 жылдығын мерекелеу аясында университетте инновациялық әлеуметтік жобалар, зияткерлік және шығармашылық байқаулар, дәстүрлі және виртуалды көрмелер жүргізіліп келеді.

Сындарлы қоғам – тұрақты, сапалы білім беру жүйесіне мүдделі екендігі сөзсіз. Сондықтан, DULATY университеті жан-жақты  перспективаларды жатсынбай қабылдайды және өзінің функционалды міндеттерін сауатты жүзеге асырады!

Мейрамкуль Дүйсенова
«Журналистика» мамандығының
3-курс студенті