Дулати университеті, технологиялық факультеті, «Химия және химиялық технология» кафедрасының жас зерттеушілері әрдайым ізденіс үстінде, білімге құштар жандар. Бұған дәлел, жақында еліміздің қара шаңырағы атанған Әл-Фараби атындағы Қазақ ұлттық университетінде өткен «Химия» (бакалавриат) бағытындағы студенттердің ғылыми-зерттеу жұмыстары бойынша республикалық конкурсында, кафедраның 4 курс студенті Сапи Аружан Қанатқызы ғылыми жетекшісі, х.ғ.к., ассоцирленген профессор Б.К.Масалимованың жетекшілігімен «С1-СЗ көмiрсутек фракцияларының пайдалы өнiмдерге дейiн трансформациялануына табиғи сазбалшық негiзiндегi катализаторларды синтездеу» тақырыбындағы ғылыми-зерттеу жұмысы  үшін ҚР БҒМ 2-дәрежелі дипломымен марапатталды. Білімді ұрпақ - болашақтың кепілі! Ғылым саласына қосқан елеулі үлестері болған жеңістерімен жеңімпазымызды шын жүректен құттықтаймыз!

Дулати университетінің №1 Студенттер үйінде өзге этнос студенттері арасында «Тіл-достық дәнекері» атты мемлекеттік тілде мәтінді минутына оқудан жарыс өтті.
Мақсаты-студенттердің мемлекеттік тілде сөйлеу мәдениетін арттыру, оқу сауаттылығын жетілдіру. Додаға 10 студент қатысып, бесеуі оза шапты.

Осы тұста айта кетсек, Дулати университетінде шамамен 2700-дей шетел азаматтары оқиды. Олардың қалауы бойынша тілдерді (қазақ, орыс) меңгеру курстары да жүргізіледі.

Жеңімпаздар: Г.Аккаева, А.Хакназарова, М.Садыкова, Т.Денданова, Х.Язиева. ҚҰТТЫҚТАЙМЫЗ. Жеңімпаздар Тілдерді дамыту басқармасының Алғысхаттарымен, сыйлықтарымен марапатталды.

Жарысқа демеушілік көрсеткен облыста мемлекеттік тілдің дамуын жүзеге асырып жүрген, мемлекеттік тілге қатысты іс-шараларға ұйытқы болып, үнемі қолдау көрсететін Жамбыл облысы әкімдігінің Тілдерді дамыту басқармасына, Р.Тұрмағанбетоваға алғыс айтамыз.

Мемлекет басшысы Қ.Тоқаев мемлекеттік тілді дамытудың бірқатар жолдарын көрсете келе: «Мемлекеттік тілді дамыту ісінде қызбалыққа салынып, оның қолдану аясын күшпен кеңейтудің кері әсері болады... біз қазақ тілін жақсы білетін өзге ұлт өкілдерін қолдауымыз керек...»,«Қазақ тілі-қазақтың жаны»,-деген еді. Расын да мемлекеттік тілді білім алушыларға меңгертуде мотивациялық іс-шаралардың маңызы зор.
#Qazaq_tili
#Қазақтілі-ұлтаралықтіл

14 мая 2021 года на военной кафедре Таразского регионального университета имени М.Х. Дулати была проведена онлайн – конференция со студентами  учебного взвода на тему «Всемирно-историческое значение победы в Великой Отечественной войне 1941-1945 годов».

2021 жылдың 14 мамырында М.Х.Дулати атындағы Тараз өңірлік университетінің әскери кафедрасында оқу взводының студенттерімен «1941 – 1945 жылдардағы Ұлы Отан соғысындағы Жеңістің бүкіләлемдік-тарихи маңызы» атты онлайн-конференция өткізілді.

Мұражай - өткен уақытпен жүздесе отырып, бүгінгі өмірге тарих парасатымен қарайтын орын. Бұл ғасырлар таңбасы мен табы қалған жәдігерліктер мен заттарға ой көзімен қараудың, заманалар айнасына қарап, ел мен елдік жолын пайымдаудың айрықша мүмкіндігі дер едік.

Жуырда М.Х.Дулати атындағы Тараз өңірлік университетінің гуманитарлық-әлеуметтік ғылымдар факультеті "Филология және журналистика" кафедрасының веб журналистика мамандығы бойынша білім алып жатқан 1-курс студенттері университет мұражайында қонақта болып қайтты. Студенттердің рухани ой-өрісін дамыту, мәдени сауатын арттыру мақсатында жүзеге асырылған бұл бастама - өз кезегінде айтарлықтай ұтымды, тиімді болуымен қатар, өз нәтижесін көрсетті. М.Х.Дулати атындағы Тараз өңірлік университетінің мұражайы -2001 жылдың 5 маусымынан бастап өз жұмысын атқаруда. Мұражай құрылымы бойынша-5 бөлімге бөлінген, яғни, 5 залдан тұрады. Студенттермен мұражайға аяқ басқан сәттен бізді Аспет Ақбайқызы мен Ақсауле Тортайқызы жылы қарсы алды, тарихи-мәдени мұралар бірінен соң бірі әсемдігімен көзге түсіп, айрықша әсер қалдырды.