Орталық референдум комиссиясының  хатшысы  Мұхтар Ерман Жамбыл облысына жұмыс сапары барысында М.Х.Дулати атындағы Тараз өңірлік университетінде өткен жиынға қатысты. Бірқатар учаскелік референдум комиссиясының жұмысымен танысты.

Жиынға Облыстық референдумды қолдау тобының мүшелері де қатысты. Кездесуде 5 маусымда өтетін маңызды шараны ұйымдастыру мен өткізу мәселелері сөз болды.

Орталық референдум комиссиясының хатшысы Мұхтар Ерман референдумға шет мемлекеттер мен халықаралық ұйымдардан байқаушылар қатыса алатынын қозғады. Шетелдік ақпарат құралдарының өкілдеріне де есік ашық екенін айта келе, шет мемлекеттер мен халықаралық ұйымдардың аккредиттелген байқаушыларына орталық комиссия белгілеген үлгідегі аккредиттеу куәлігі берілетінін атап өтті.

Бір анық мәселе, референдум нәтижесі – халық шешімі. Бұл ел тарихында лайықты орын алар үлкен бетбұрыс болатыны сөзсіз. Себебі, халықтың таңдауы ең жоғарғы заңдық күшке ие болады: ел қолдаса, Қазақстанның жаңарған Конституциясы қолданысқа енеді.

Ендеше, баршамыз 5 маусым күні азаматтық ұстанымымызды танытайық!

Жас жеткіншектердің бойында ғылымға деген құштарлық ерте оянады. Ал осы қызығушылықты ертерек байқап, оны дұрыс бағытқа бағыттай білу – аса маңызды. Осы тұрғыдан алғанда М.Х.Дулати атындағы Тараз өңірлік университеті жас зерттеушілерге жол ашатын тиімді жобаларды жүзеге асырып келе жатқанын айту керек.

Мектеп пен жоғары оқу орны арасындағы байланысты нығайтып, білім берудің қос сатысындағы үздіксіз үдерісті тиімді үйлестіріп отырған Дулати университеті биыл «Жас зерттеуші» облыстық ғылыми жобалар байқауын ұйымдастырған болатын. Игі бастаманың ұйытқысы болып отырған –

 университеттің филология және журналистика кафедрасы.

10 аудан мен Тараз қаласындағы мектеп оқушылары (9-11 сынып) арасындағы  «Жас зерттеуші»  облыстық ғылыми жобалар байқауына қатысуға өтінім білдіргендер көп. Жас зерттеушілердің назарын Алаш қайраткері, ақын, қазақ тіл білімінің негізін салушы Ахмет Байтұрсынұлының лингвистика саласына қатысты мұраларын зерттеуге, сонымен қатар әдебиеттанушы ғалым Мұхтар Әуезовтің бай мұраларын саралау, талдау, насихаттауға аударуды мақсат тұтқан іс-шара өзінің көздеген үдесінен шықты.

Байқауға облыстық тілдерді дамыту басқармасы мен жастар саясаты мәселелері басқармасы және «Is Group Pharma» ЖШСқолдау көрсетіп, демеушілік жасағанын айта кеткен жөн.

Байқауға жалпы 40-қа жуық жұмыстар келіп түсті. Іріктеу кезеңінен өткен 26-сы сараланып, плагиатқа тексерілуге ұсынылды. Плагиаттан 9 жұмыс өтіп, арнайы құрылған комиссияның шешімімен 6 жұмыс жүлделі орынға ие болды.

Атап айтсақ,А.Байтұрсынұлын қазақ терминологиясының негізін қалыптастырушы ғалым ретінде танытқан, сонымен қатар терминологиядағы заманауи проблемалар туралы зерттеген Ғани Мұратбаев атындағы гимназияның оқушысы Дана Есенқұлова (жетекшісі Заида Момушева) 1-орынды жеңіп алды.

Ал Тараз қаласындағы №54 орта мектептің 11 сынып оқушысы Әсем Асылбек (жетекшісіСағадат Мейрамбайқызы) пен №21 мектептің 9 сынып оқушысы Жанерке Серікжанқызының (жетекшісі Гүлнар Көшек) жобалары 2-орынға лайық деп танылды. Қазақ газеті және қазіргі баспасөздегі ұлттық мәселелерді қарастырған №18 орта мектептің 9 сынып оқушысы ХолидахонСултанходжаева (жетекшісі Айбиби Үсенқұлова), №20 мектептің 9-сынып оқушысы Жайна Қалан (жетекшісі Салтанат Қоршыбек), №15 мектеп гимназиясының оқушысы Айлара Айтмаханбет(жетекшісі: Гүлжан Ережепова) 3-орынды иеленді.

Байқау жеңімпаздарын марапаттау салтанатында университеттің гуманитарлық-әлеуметтік ғылымдар факультетінің деканы Жамиля Темірғалиқызы жеңімпаздарды Талғат Ешенқұловтың атынан алғыс білдірді. 

Approved candidates:

Reserve list:

Non-approved candidates:

Бүгін М.Х.Дулати атындағы Тараз өңірлік университетінің журналистика мамандығының 1-2 курс студенттері Ләззат Талғатқызының жетекшілігімен "Тараз- 24" телеарнасының тыныс-тіршілігімен танысып қайтты.
Қаламыздың беделді телеарналарының біріне айналған Тараз-24 жастардың басын қосқан жаңалықтар жарсысы.

Бас редактор Мархабат Көпбосынқызының бастамасымен студенттер қайнаған жұмыс ортасына барып, қызу қарбалас тірлікті көрді. Сондай-ақ білімгерлер арнайы ұйымдастырылған кастингке қатысып өздерін телеарнадан көруге мүмкіндіктер алды. Алдағы уақытта шығармашыл ұжыммен бірлесе жұмыстар жасалып телеарна тарапынан қолдау білдіретінділігі айтылды.
Қызығы мен қиындығы қатар жүретін бұл мамандықтың жауапкершілігі жоғары екендігін сезіне білген студенттер өздерін кәсіби тұрғыда дамыта алды.

Сегодня состоялось очередное мероприятие Клуба молодых журналистов Таразского регионального университета имени М.Х. Дулати, созданного кафедрой "Филология и журналистика" факультета гуманитарных и социальных наук, в котором принял участие известный журналист, главный редактор Областной газеты "Ак жол" Оралхан Даут.

Оралхан Даут прочитал лекцию членам клуба, поделился своим опытом в журналистике и дал советы молодым людям. В ходе встречи студенты активно задавали вопросы, рассказывая об истории журналистики, о ее настоящем и будущем, о мастерстве написания статей, искусстве постановки тем, о вопросах обобщения и способах привлечения читателей. К примеру, Акмарал Карабек рассказал, может ли журналист газеты работать на телеканале, Анар Ауесбек хотел бы знать способы написания статьи, а Дильназ Бекбосын поинтересовался эффективностью развития электронной версии газет.
Таким образом, мастер-класс, в котором приняли участие около 40 студентов, прошел на высоком уровне. В конце встречи организаторы поблагодарили гостя, а студенты сфотографировались на память.

Айгүл СӘМЕТҚЫЗЫ, М.Х.Дулати атындағы Тараз өңірлік университетінің оқытушысы, жас журналистер клубының жетекшісі.

– М.Х. Дулати атындағы Тараз өңірлік университетінде жас журналистер клубы ашылған екен. Осы идея қайдан келді? Жалпы, журналистер клубын ашу қажеттіліктен туған дүние ме, әлде тапсырыспен жүзеге асты ма?

– Жамбыл облысының журналистер дайындау ұстаханасы – М.Х.Дулати атындағы Тараз өңірлік университеті екенін өздеріңіз жақсы білесіздер. Бүгінгі таңда біздің студенттеріміз Гуманитарлық-әлеуметтік ғылымдар факультетіне қарасты «Филология және журналистика» кафедрасында конвергентті және веб журналистика мамандықтары бойынша білім алуда. Жалпы, студенттің жазуға тө­се­ліп, мықты маман болып шығуы теориялық біліммен қа­тар, практикалық машықтануды да талап етеді. Осы орайда жергілікті бұқаралық ақпарат құралдарымен тығыз шығармашылық байланыс орнату, сту­денттерді редакциядан тәжірибеден өткізу мәселесі жолға қойылған. Бүгінгі таңда кез келген салада бәсекеге қабілетті мамандардың сұранысқа ие екені белгілі. Сол себепті, сапалы, білікті маман даярлап шығару көзделген. Міне, осы тұрғыдан алғанда кафедрада студенттерге арналған клуб ашудың қажеттілігі туындағаны рас. Бұл ешқандай да тапсырыспен жүзеге асқан дүние емес. Бастамамызды кафедра меңгерушісі Күлзинат Мейрамбайқызы мен оқытушы-профессорлық құрамы қолдап, осылайша дүниеге келген жоба. Ал клубтың жұмысын оқытушы Ләззат Талғатқызы екеуміз жүргізіп келеміз. Ләззат Талғатқызы клуб мүшелерінің университеттің ақпарат және медиакоммуникация қызметімен бірлесе атқаратын жұмысын үйлестіреді. Атап айтқанда, клуб мүшелерінің университеттің телестудиясында жұмыс істеуін ұйымдастырып, ақпараттық қолдау көрсетіп, үлкен шаруаның басы-қасында жүр.

5 қазанда сағат 10.00-де ZOOM платформасында гуманитарлық-әлеуметтік ғылымдар факультетінің "Филология және журналистика" кафедрасының кураторлары "Дін - тәрбие негізі" тақырыбында ашық кураторлық сағат өткізді.
1-курс филология тобының кураторы Ә.Түймебекованың ұйымдастыруымен өткен шараны 1-курс веб журналистика тобының кураторы А.Әнуарбекова жүргізіп, қонақ ретінде "Дінтану" орталығының маманы, дінтанушы Алпысбаев Бақтияр Қаржаубайұлы, сондай-ақ кафедра кураторларымен қатар 70-ке жуық студент қатысты.

Онлайн өткен шарада Бақтияр Алпысбаев студенттерге деструктивті діни ағымдардың адам санасына кері әсері туралы айтып, ғалымдардың сөзіне сүйене отырып, зайырлылық пен дін анықтамасына тоқталып, діни кітаптардың да жайын тілге тиек етті.

Студенттермен пікіралмасу, әңгімелесу форматында өткен шарада көптеген мағлұматтар айтылып, жастарға ақыл-кеңес берілді. Сондай-ақ, студенттер де өздрін толғандырған сұрақтарын қойып, оған толыққанды жауап алды.

М.Х.Дулати атындағы Тараз өңірлік университетінің Гуманитарлық-әлеуметтік ғылымдар факультетіне қарасты "Филология және журналистика" кафедрасында "Жас журналистер клубы" ашылды. Қараша айының басында қолға алынған бастамамыз қолдау тауып, аз ғана уақыттың ішінде 70-ке жуық мүше жинады. Әрине, қатысушылар өзіміздің студенттеріміз. Дей тұрғанмен, таңдау еркі өздерінде тұрған талапты, белсенді, білімге құштар студенттер күннен күнге қатысушылардың қатарын көбейтуде. Білсек, үйренсек, көрсек деген жалынды жастардың басын қосқан клубтың жұмыс жоспарында көптеген іс-шаралар бар. Соның ішінде белгілі, белді журналистер мен болашақ журналистер арасын байланыстырып, шәкірт тәрбиелеу ісіне қарымды қаламгерлерді жұмылдырғымыз келгеннен туған ой еді бұл. Бұйырса, алдағы уақытта әріптестерімізді басқа қалада болса онлайн кездесуге, жамбылдық болса университетке шақыратын боламыз.

Бүгін Филология және журналистика" кафедрасы "Жас журналистер клубының" ұйымдастыруымен студенттер "Jambyl" телеарнасына барды.
Қонақтарды "Jambyl" телеарнасының директоры Мейіржан Әлібекұлы мен орынбасары Айбол Қарашев қарсы алып, телеарна мен радионың жұмысымен, студиялармен таныстырды. Шара барысында телеарна мамандары өз жұмысы туралы айтып, білімгерлер үшін арнайы жаңалықтар мен "Таңғы тайм" бағдарламасының түсірілім сәті көрсетілді. Клуб мүшелері жаңалық жүргізу, радиода мәтін оқу мүмкіндігіне ие болды. Сондай-ақ, жаңа маусымның жеті жаңалығы да студенттер назарына ұсынылды. Ал іс-шара соңында баспасөз орталығында Мейіржан Әлібекұлы мен Айбол Қарашев дәріс оқып, өздерінің тәжірибесімен бөлісіп, ақыл-кеңесін айтып, студенттер тарапынан қойылған барлық сұрақтарға жауап берді.

Бүгін "Филология және журналистика" кафедрасы "Жас журналистер клубының" ұйымдастыруымен "Медиасауаттылық - заман талабы" тақырыбында шеберлік сағаты өтті.
Белгілі медиатренер, журналист, филология ғылымдарының кандидаты, "Атырау" телерадиоарнасының директоры, ҚР Президентінің халықаралық «Болашақ» стипендиясының стипендиаты Қанат Әуесбайдың қатысуымен өткен іс-шараға клуб мүшелері толық қатысты.