М.Х.Дулати атындағы Тараз өңірлік университеті, «Ұстаз» институтында «Қазақ тілі мен әдебиеті» кафедрасының ұйымдастыруымен рухани жаңғыру бағдарламасының аясында Жамбыл Жабаевтың 175 жылдық мерейтойына орай «Жамбыл шығармашылығы: даралық пен даналық» атты республикалық вебинар өтті.

Жамбыл мұрасының ерекшеліктерін насихаттай келе, ақынның тұлғалық әрі шығармашылық табиғатын айқындай түсуді мақсат еткен республикалық вебинар өз діттеген межесін бағындырды. Ақын болмысындағы даралық пен даналық атты қос ұғымның мәнін ашып, Жамбыл шығармашылығындағы ұлттық тәрбиені, рухани қоректі анықтап, ұғынуға сеп болды. Мерейтой қарсаңында өткен игілікті шараның өтуіне «Қазақ тілі мен әдебиеті» кафедрасының меңгерушісі, п.ғ.д., профессор Абдықадырова Тұрсынай Рыстайқызы мұрындық болды. Вебинар барысында жыр алыбы, қазақ халқының ұлы перзенті Жамбыл Жабаев туралы кафедра меңгерушісі санаға сәуле себер тың деректермен бөлісті. Жыр дарабозының даңғыл болмысы турасында тарихи тағылымымен бөлісу үшін республика өңірінің түкпір – түкпірінен профессор – оқытушылар қатысып, ойларын ортаға салды.

«Атың Жамбыл болса, көкірегің даңғыл болар. Шырғалаңнан сөз келсе, шырқаушының өзі болар екенсің» деп Бөлтіріктен бата алған Жамбыл турасында Л.Гумилев атындағы Еуразия ұлттық университетінің профессоры ф.ғ.д. Үсен Айгүл Әбдімүтәліпқызы, Әл-Фараби атындағы Қазақ ұлттық университетінің профессоры ф.ғ.д. Ержанова Сәуле Баймырзақызы, «Қазақ тілі мен әдебиеті» кафедрасының доценті, ф.ғ.к. Саламатова Рахат Маханбетжанқызы сөз алып, спикер болды. ХХІ ғасырдың ГОМЕРІ атанған жыл алыбы – Жамбыл ақынның 175 жылдығына орай ұйымдастырылған республикалық вебинар барысында «Dulati» университеті, «Қазақ тілі мен әдебиеті педагогтерін даярлау» мамандығының  1 – курс магистранттары Нұртай Айдана Қанатқызы мен Асылдин Алия Ерланқызы Жамбылдың даралығы мен даналығы турасында өз көзқарасын білдірді.

Алаш үшін жақұттан да қымбат, шығармашылығының шоқтығы саф Жамбыл Жабаевтың 175 жылдық мерейтойына «Еуразия гуманитарлық институтының» профессор – оқытушылары Карипжанова Гульназ Токеновна, Абикенов Мукит Токенович,Жусупова Гульназ Куандыковна,Фейсбукке жазамыз, Искакова Жазира Максутовна, Аскарова Алтынай Шауалиевна, Райнбекова Гульмира Сайлаубаевна қатысты.

«Қазақ тілі мен әдебиеті» кафедрасының ПОҚ, магистранттар мен студенттердің қатысуымен өткен республикалық вебинар барысы сан қырлы ақын болмысының құпия сырларын ашумен өрбіді. Сыр мен сұхбатқа ұласып әрі ақын өлеңдері оқылып өткен шара қатысушылар үшін рухани азық болғандығы сөзсіз. Нәтижесінде, республикалық вебинардың әуелдегі мақсаты өз мәресіне жетті деуге толық негіз бар.

«Қазақ тілі мен әдебиеті» кафедрасы

2021 жылдың 21-ақпанында «Психология және акмеология» кафедрасының аға оқытушысы Махашова Патиманың ұйымдастыруымен ПиП-20-1 тобының 1-курс студенттеріне арналған дін саласына байланысты «Ислам дініндегі қыз бала тәрбиесі» тақырыбында тәрбие сағаты өтілді. Бұл кездесуге Дінтану орталығының бас маманы, дінтанушы-магистр Б.Алпысбаев шақырылып, тыңдаушы қауымға өз ойын білдіріп өтті. Б.Алпысбаев алғашқы сөзінде студенттерге арналған ішкі тәртіп Ережесімен таныстырып, сонымен қатар, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламаның 5-бөлімі «орта, техникалық және кәсіптік, жоғары білім беру ұйымдарында оқитындарды рухани-адамгершілік, оның ішінде үкіметтік емес секторды тарта отырып тәрбиелеу бойынша іс-шараларды өткізу» тармағына сәйкес, қазақ халқының ұлттық құндылықтарын жаңғырту және қыз баланың бойында инабаттылық, мейірімділік қасиеттерді қалыптастыру туралы кеңінен ғылыми-тарихи тұрғыда айтты. Іс-шара соңында студенттер сұрақ қойып, толыққанды жауаптарын алды. Қатысқан саны- 8 студент.

25 февраля 2021 года состоялась онлайн встреча по профориентационной работе, организованная преподавателем кафедры «Химия и химическая технология», Таразского регионального университета имени М.Х.Дулати, С.А.Мамешовой на тему «Моя профессия-моя гордость». Гостями мероприятия были ответственный секретарь приемной комиссии «Отдела маркетинга и рекрутинга абитуриентов» Нурпеисов Мухаметжан Кенжетаевич, заведующая кафедрой «Химия и химическая технология» Б.К.Масалимова, профессорско-преподавательский состав, ученики гимназии №39 города Тараз, Акаралская СШ №5, СШ №44, Тескентоганская СШ №23 Меркенского района, СШ имени С.Шакирова и СШ имени Ш.Саханулы Таласского района.

2021 жылдың 25 ақпанында М.Х. Дулати атындағы Тараз өңірлік университеті, «Химия және химиялық технология» кафедрасының оқытушысы С.А.Мамешованың ұйымдастыруымен кәсіби бағдар жұмысы бойынша «Мамандығың - болашағың» тақырыбында мектеп бітіруші түлектермен онлайн кездесу болып өтті. Кездесудің арнайы қонақтары : «Маркетинг және талапкерлерді рекруттеу бөлімі» қабылдау комиссиясының жауапты хатшысы Нүрпеисов Мұхаметжан Кенжетайұлы, «Химия және химиялық технология» кафедрасының меңгерушісі Б.Қ.Масалимова, профессор-оқытушылар құрамы, Тараз қаласының №39 мектеп гимназиясының, Меркі ауданы №5 Ақарал ЖОББ мектеп гимназиясының, №44 ЖОББМ, №23 Тескентоған орта мектебінің, Талас ауданы С.Шакиров  ауылы Ш. Смаханұлы атындағы орта мектебінің оқушылары.

М.Ф.Үркімбаев атындағы "Жастар сарайында" «ANTI СORRUPTION QUEST-DULATY» квест ойынының ашылуы өтті.

Аталмыш іс-шараны ҚР сыбайлас жемқорлыққа қарсы іс-қимыл агенттігінің Жамбыл облысы бойынша департаменті, М.Х.Дулати атындағы Тараз өңірлік университеті және «Жамбыл адалдық алаңы» жобалық кеңсесі, «Саналы ұрпақ» жобалық фронт-офисі ұйымдастырды.

Еліміз бойынша алғаш рет Көкшетау қаласында ұйымдастырылған бұл ойын өз жалғасын Тараз қаласында тауып отыр. Квест ойынға облыс бойынша институттар мен факультеттер және бірнеше қатысушыдан құралған топтар қатыса алады.

«Саналы ұрпақ» фронт-офисінің бас маманы Асқар Жақсылықұлы ойын шарттарымен таныстырды:  – Квест студенттер арасында интерактивтілік, белсенділік пен тапқырлықты талап ететін жарыс ретінде ұйымдастырылады. Ойын үш күн бойы үш кезең бойынша өтеді. Квесттің мақсаты – жастар арасында сыбайлас жемқорлық көріністеріне нөлдік төзімділік және азаматтық ұстанымын, парасаттылық, адалдық, әділдік қаситеттерін арттыру және осы сала бойынша насихат жүргізу,-деді.

Тапқырлық пен адалдықты талап ететін бұл ойынға қатысушылар үшін арнайы марапаттар мен бағалы сыйлықтар үлестірілетін болады.

«ANTI СORRUPTION QUEST-DULATY» квест ойынына қатысатын студенттерімізге алдағы уақытта тек сәттілік пен жеңіс  тілейміз!

Медиа-қызмет

Университетімізде Ted-X форматында «Ózińnen BASTA» тақырыбында конференция өтті. Қатысушы спикерлер алдын ала дайындалған тақырыптар бойынша өз ойларын ортаға салып, жас ұрпақтың саналы да сауатты болып қалыптасуы үшін, қоғамның өзекті мәселелерін көтеріп, шешу жолдарын ұсынды. Жиынға төрт спикер қатысты.

Алғашқы спикер  Нұрақбаев Ринат Даниярұлы – облыстық ата-аналар комитетінің төрағасы, «Асыл Арман» ұлттық дәстүр мен өнерді қолдау» қоғамдық бірлестігінің жетекшісі. Ринат Даниярұлы «Жауапкершілік – ардың ісі» деген тақырыпта ой қозғады. «Ары мен жаны таза азамат қана ұлтына адал қызмет ете алады. Заманның күн өткен сайын дамып жатқаны белгілі, бірақ ұлттық болмысымыз бен мәдениетімізді ештеңеге алмастырмауымыз керек. Ғасырдан сұрыпталып жеткен ұлы құндылықтарымызды сақтау, жастарға жеткізу міндетіміз. Әр азамат жауапкершілік деген ұғымның маңызды екенін білер болса, ары да жаны да таза ұрпақты тәрбиелей аламыз»- деп тарих пен бүгінгі күннің болашығы туралы ойын айтып, пікірін білдірді.

Келесі спикер «Жамбыл-Тараз» газетінің директор-бас редакторы, Тараз қалалық мәслихат депутаты, «Nur Otan» партиясы Тараз қалалық филиалының жанындағы сыбайлас жемқорлыққа қарсы іс-қимыл кеңесінің төрайымы – Мырза-Ғали Эльмира Иниятқызы «Өзгенің ала жібін аттама» деген тақырыпта рухани азық болар ойлы сөздерін жастар мен көрермендерге жеткізе білді. «Өзіне адал болмаса, адам өзін жоғалтады. Әр ісімізден рақат алмасақ, оған адал болмасақ атқан таң мен кешіміздің батқанына қуана алмасақ өмірдің бекер өткені болады» деп арманына жетуде жасаған еңбектерін тілге тиік ете отырып, өмірлік азық болар рухани әңгімесімен бөлісті.

Сонымен қатар, Жамбыл облысы әкімдігінің жастар саясаты мәселелері басқармасы «Жастар ресурстық орталығы» КММ директоры Айбек Қанатұлы, университетіміздің «Jas Otan» JQ бөлімше жетекшісі Дәурен Дастанұлы да өз ойын ортаға салды.

Іс-шара карантиндік талаптарды сақтай отырып офлайн және онлайн түрде өткізілді.

Медиа-қызмет

Бүгін Дулати университеті қабырғасында «Экономика және құқық» факультетінің ұйымдастыруымен Зиманов Салық Зиманұлының 100 жылдық мерейтойына арналған «Салық Зиманов – заманымыздың заңғар заңгері» тақырыбында қалалық ғылыми семинар өтті.

Оффлайн және онлайн түрде ұйымдастырылған семинарға Дулати университетінің профессор-оқытушылар құрамы мен студенттерімен қатар Тараз инновациялық-гуманитарлық университеті мен қала колледждерінің оқытушылары мен студенттері де қатысты.

Іс-шараның модераторы Азаматтық құқық және процесс кафедрасының доценті, заң ғылымдарының кандидаты Зәуреш Әбдікәрімова сөз басында ғалымның өмірі мен еңбек жолына тоқталды.

Салық Зиманұлы Зиманов (1921-2011) - Заң ғылымының докторы, профессор. Қазақстан Республикасының Ұлттық ғылым академиясының академигі, Қазақстанға еңбегі сіңген ғылым қайраткері(1971).
Зиманов Салық 1990-95 жылы Қазақстан Республикасы Жоғарғы Кеңесіне халық депутаты болып сайланып, Жоғарғы Кеңес Төралқасының, Сыртқы қарым-қатынастар мен парламентаралық байланыстар комитетінің мүшесі, Ардагерлер мен мүгедектер жөніндегі комитет төрағасы болды. Білікті заңгер маман ретінде егемендік, тәуелсіздік жолын таңдаған Қазақстанның халықаралық қарым-қатынастарын заңдастырып, қазақ тіліне мемлекеттік мәртебе беру, президенттік басқару институтын енгізу, құқықтық-демократиялық реформаларды жүргізу ісіне белсене араласты.

Зимановтың ғылыми-зерттеу еңбектері, негізінен, мемлекет және құқық тарихы мен теориясына, Қазақстан мен Орталық Азияның басқа да аймақтарында ұлттық мемлекеттердің қалыптасуы мен дамуына, Қазақстан Республикасының тәуелсіздігіне т. б. өзекті мәселелерге арналған. Сондай-ақ, Зимановтың құқық теориясына, қазақтың дәстүрлі құқықтық мәдениетіне, шариғат заңдарына қатысты бірнеше ғылыми еңбектері жарық көрді.
Ғұмырын елінің ертеңіне арнаған ғалымның еңбек жолына арналған жиында заңғар заңгердің көзін көріп, дәрісін тыңдаған шәкірттері сөз сөйлеп естеліктерімен бөлісті.

ҚР Президенті жанындағы Мемлекеттік басқару академиясының бірінші вице-ректоры, з.ғ.д., профессор Еркін Шажаұлы, Әл-Фараби атындағы Қазақ Ұлттық университетінің профессоры, з.ғ.д. Ләззат Еркінбаева, ТИГУ доценті, з.ғ.к. Жанғали Бақтыхожаев ұстаздан алған тәлімдерін, халық алдындағы абыройын әңгімелеріне арқау етті.

Мемлекет меншігі, халықтың ортақ байлығы саналатын – жер қойнауындағы пайдалы қазба, алқабилер жүйесін енгізу, билер және билер соты сынды халық игілігіне арналған зерттеу жұмыстары жан-жақты талқыланды. Сондай-ақ, 1986 жылғы Желтоқсан оқиғасында Колбиннің алдына кіріп қазақ жастарының кінәсіздігін дәлелдегенін, бұл тек алып тұлғаға лайық батылдық екенін де жиынға қатысушылар тебірене қозғады.

Ғалымдар ойларын ортаға салып, облыста академик Салық Зимановқа арналған орталық ашу, кітаптарын, еңбектерін барша оқырманға қолжетімді болатындай ғаламторға жүктеу сынды ұсыныстар айтылды.

Медиа-қызмет

Кітапханалық-ақпараттық орталықтың ұйымдастыруымен  Қазақстан Республикасы Тәуелсіздігінің 30 жылдығына орай профессор-оқытушылар құрамының ғылыми жетістіктері мен жарық көрген жұмыстарын таныстыру, рухани мұраларын насихаттау мақсатында «Тірегі сен төрімнің Тәуелсіздік!» атты ашық көрме өтті.

«Атамекен» патриоттық әнімен басталған көрмеде университетміздің бітіруші түлектерінің ашқан ғылыми жаңалықтары, патенттер, өнертабыстары мен жобалары таныстырылды.

Көрме барысында ректор міндетін атқарушы, э.ғ.д., профессор  Ержан Әмірбекұлы құттықтау сөзін сөйледі:  – Біздің мақсатымыз ұлттық құндылықтарымызды біріншіден өзімізге таныстыру, жастарымыздың бойына сіңіру. Екіншіден, Қазақстанға қызығушылығы бар шет елдік азаматтарға еліміздің ерекшеліктерін ұсыну. Еліміз мақтана алатын терең тарихы барын, ұлттық мұрамыз бен құндылықтарымыздың бай екендігін, бастысы қандай елмен салыстырсақ та біздің озық үлгілеріміздің бар екендігін әлемге көрсету. Бүгінгі жастарымыз ертеңгі елдігіміздің еңсесін биік те берік ұстар тұлға болуы тиіс.Тәуелсіздігіміздің тұғыры баянды болсын. Келесі 30 жылдықта еліміз әлемдегі озық 30 елдің қатарынан нық орын алатындай мүмкіндігі болсын, - деді.

Ғылыми жетістіктер көрмесінде өнертапқыш ғалымдардың өнертабыстары, патенттері мен жобалары көрермен назарына ұсынылды. Бірнеше жобалардың авторы «Enactus» ұйымының жетістіктері, жас ғалымдардың «Қант диабетіне қарсы, ортопедиялық аяқ киім», «құрғатылған қымыз өнімдері мен саумалдан жасалған таблеткалар», бүгінгі таңда сұранысқа ие болған жұқпалы аурулардың алдын алу үшін иммунитетті көтеретін «қызылша шарабы» сынды ғылыми жұмыстар көрмеде орын алды.

Іс-шара ары қарай жас ақындардың «Біз Тәуелсіздік ұрпақтары» атты жүрек жарды өлеңдерімен жалғасты.

Қорытынды сөз сөйлеген профессор, техника ғылымдарының докторы Әбдіманап Әбдіраманов  және профессор, ҚР ҰТКҒА академигі Исабай Бекбасаров студенттермен өздерінің  ғылым жолындағы еңбектерімен бөлісіп, ақ жол тіледі.

Көрме соңында Кітапханалық-ақпараттық орталық директоры Гүлжан Жеңісбекқызы қатысушыларға алғыс ретінде кітаптар тарту етті.

Медиа-қызмет

Студенческий отряд содействия полиции «Беркут» поощрен денежной премией Департаментом полиции Жамбылской области  по итогам работы в 2020 году.