На сегодняшний день экстремизм и терроризм являются одной из наиболее серьезных угроз в современном мире. Всё чаще в ряды террористов вступают очень молодые граждане нашего общества, еще не окрепшие духом. В силу своей молодости, полученного воспитания, окружения, не сложившегося мировоззрения молодежь становится «слепым орудием» в руках экстремистов.

22 февраля 1 и 2 курсов образовательной программы 6В04128 – «Менеджмент» и 6В04114 – «Государственное и местное управление» был проведен открытый кураторский час на тему:«Угроза терроризма и религиозного экстремизма в условиях современности». Были приглашены оперуполномоченный Управления по борьбе с экстремизмом ДП Жамбылской области А. Тайтелиев и инспектор центра исследования религий акимата области А. Сарсенбаев   которые провели информативную беседу и ответили на вопросы студентов.

Білім алу, сауатты болуы – діннің де талабы осы. Алайда, шала біліп, шала үйренгендер «көрдім-білдім» деп өзін де, айналасындағыларды шатастырып бітеді. Міне сол терең зерделеп, ашық сананамен таразылай білмегендер, яғни «соқыр сенімнің» жетегіндегілер ғой, ең соңында ата-анасын да, жақындарын да сорлатып кететін.

Олардың жастық албырттығы, сенгіштігі – өзіне жау. Не нәрсенің болмасын байыбына бармай, айтқанға сеніп, айдағанға көне беретін жастар бүгінде экстремистердің қолындағы «соқыр құралға» айналғаны жасырын емес. Ал жас буынды осы жолдан қалай қайтаруға болады? Аңғалдықпен алданып қалмау үшін не істеу керек?

Бүгінде ұлттық тәрбие беру басты назарда болу керек. Ата-баба дәстүрін, ұмыт болған ата кәсіпті қайта жаңғырту, ұлттық құндылықтарымызды жастар арасында насихаттау арқылы ұлттық тәрбие беру маңызды.

Осы ұстаныммен "Экономика және құқық" факультеті, "Бизнес экономикасы" мамандығының 1 курс студенттерінің қатысуымен "Қазақтың ұлттық ойындары" тақырыбында ашық тәрбие сағаты өтті. Студенттер бабаларымыздан мирас болып қалған ұлттық ойындарымызды көрініс түрінде жақсы ойнап шықты, шығармашылық қабілеттерін ашты. Көріністе бүгінгі амал күніне орай "көрісу", "амандық сұрасу", "үлкендерді құрметтеу", "асық ойнау", "білектесу", "тоғызқұмалақ", "шекемтас", "бастаңғы" сияқты ойын-сауық түрлеріне тоқталды.

Бастысы - ұлттық құндылықтарымыз арқылы құнды ілім-білім, тәрбие алды. Қойылым соңында студенттер қазақтың ұлттық тағамдары қойылған ақ дастарханнан дәм татып, өлең шырқап, көңіл көтерді. Іс-шараны ұйымдастырушы - "Экономика" кафедрасының доценті Гүлмира Амалбекова, аға оқытушы Айнагүл Блялова, Ардақ Жантаева студенттерге алғыстарын білдіріп, осындай тәрбие сағаттары әлі де жалғасын табатындығын айтты.

Талапкерлерге арналған буклет - Бакалавриат 

Талапкерлерге арналған флаер 1 - Бакалавриат 

Талапкерлерге арналған флаер 2 - Бакалавриат

Талапкерлерге арналған флаер 1 - Магистратура (қазақ тілінде)

Талапкерлерге арналған флаер 1 - Магистратура (орыс тілінде)

Талапкерлерге арналған флаер 2 - Магистратура (қазақ тілінде)

Талапкерлерге арналған флаер 2 - Магистратура (орыс тілінде)

Листовка для абитуриентов 1 - Бакалавриат 

Листовка для абитуриентов 1 - Бакалавриат 

Листовка для абитуриентов 2 - Бакалавриат

Листовка для абитуриентов 1 - Магистратура (на казахском языке)

Листовка для абитуриентов 1 - Магистратура (на русском языке)

Листовка для абитуриентов 2 - Магистратура (на казахском языке)

Листовка для абитуриентов 2 - Магистратура (на русском языке)

Спортқа бетбұрған жастардың дені кезінде атақты саңлақтардың жемісті де, жеңісті жолына қарап, қызығушылықпен келгендер. Жас буынның алдыңғы толқынға еліктеуі – заңдылық. Алайда табысқа жетудің жолы оңай емес. Ол үшін ұзақ уақыт және табандылық қажет.

М.Х.Дулати атындағы Тараз өңірлік университетінде өткен кездесуде Қазақстан Республикасының еңбегі сіңірген жаттықтырушысы, Дене шынықтыру және спорт қайраткері, қауымдастырылған профессор Нұрлан Ақүрпеков, Қазақстан Республикасының еңбегі сіңірген жаттықтырушысы, Құрметті спорт қызметкері Ғалымжан Джылгелдиев, Рио 2016 олимпиадасының күміс жүлдегері, Токио олимпиадасының қола жүлдегері Елдос Сметов жастарға осыны айтты.

Дулати университетінің Өнер және спорт факультетінің Дене шынықтыру мен спорт теориясы кафедрасы ұйымдастырған кездесу студенттерге серпін бергені анық. Қалай десек те, Жамбыл өңірі емес, бүкіл елдің мақтанына айналған өз ісінің шеберлерінің спорттағы жолы – жастарға үлгі.

Мақтан тұтар спортшы, жетістіктері көп жаттықтырушылар кездесуде спорттағы өмірі жайлы әңгіме қозғады. Жарыстар кезінде кездесетін. жастарға серпін берер қызықты жайттарды қозғады.

– Кәсіпкер болғысы келгендер – мықты, табысты бизнесмендерге, спортты таңдағандар – чемпиондарға, қаржы саласындағылар – іскер қаржыгерге, басқа кез келген мамандықтың тізгінін ұстағандар өзінен бұрынғылардың еңбек жолына қарап, соны бағдар ретінде ұстанатыны белгілі. Ол дұрыс, бірақ көп жағдайда балаға мотивацияны үйде ата-анасы беруі керек. Ұл-қыздың ең басты ұстазы – әке-шешесі, - деді дзюдошы Елдос Сметов.

Студенттер жаттықтырушылар мен спортшыға қояр сұрақтары көп екен. Тіпті, оқытушылардың өзі қызығушылық танытып, көкейдегі көп сауалын жолдап жатты.

М.Х.Дулати атындағы

Тараз өңірлік университетінің медиақызметі

«Жайдарман» жарысы – талапшыл жастарды біріктіретін ортаға айналып келеді. Бұған әзіл айта жүріп, елге танылған жайдарманшылардың табысты жолы түрткі болғаны анық. «Жайдарман» - қазіргі таңда тек көңіл көтеретін жоба ғана емес, астарлы әзіл, қағытпа қалжың арқылы сын ойларды жеткізе алатын ерекше жобалардың бірі.

Бүгін М.Х.Дулати атындағы Тараз өңірлік университеті «Дулати Жайдарман» жастар қозғалысының ұйымдастыруымен факультетаралық маусымашар ойыны өтті. Алғашқы «айналымдағы» ойынға «Бренд», «Сюрпрайз», «Позитив», «Люкс», «Сатбаев, 28», «Әдеби жігіттер», «8-пәтер», «Престиж» жалпы 8 команда қатысты.

Командалар жарысқа жоғары дайындықпен келген екен. Әзілқой жастар өз шығармашылығына өмірдегі, саясаттағы, жалпы қоғамдағы болып жатқан құбылыстарды өзек ете білді.

Жақсы әзілдер әзірлеген командалардың ішінде маусымашардың «Ең үздік жайдарманшы» атағын «Ұстаз» институтының студенттері «Әдеби жігіттер» командасы жеңіп алды.

Көптеген жастардың жүрегіне жол таба білген бұл ойын өз көрермендерін сағынғанын анық байқауға болады. Карантиндік шектеулерге байланысты 2 жыл уақытша үзілістен кейін «Жайдарманның» жайдары ойындары қыза түспек. Алдағы уақытта барлық командаларға сәттілік тілейміз!

Медиа-қызмет

М.Х.Дулати атындағы Тараз өңірлік университетінің «Су шаруашылығы және табиғатқа үйлестіру» институты 1-3 курс студенттеріне Тараз қаласындағы Д.Қонаев атындағы облыстық мұражай-кітапханасына саяхат-сабақ ұйымдастырды.

Топ кураторлары Г.Қожамқұлова, Г.Қойшыбаева, М.Байжігітованың бастамасымен халқымыздың арда ұлы Дінмұхаммед Қонаевтың 110 жылдығына орай кітапханада «Ізі өшпейтін ізгі адам» атты іс-шара өткен болатын.

Облыстық мұражай-кітапханасының директоры Гүлфайруз Іңкарбекова студенттерге Д.Қонаевтың өміржолынан мол мәлімет айтып, Мемлекет және қоғам қайраткері, ҚазССР Ғылым академиясының Президенті, академик, үш мәрте Социалистік Еңбек Ері атанған тұлғаның халқы үшін еткен адал еңбегі туралы әңгіме қозғады.

Көктем мен арулардың табиғатында ұқсастықтың бар. Халықаралық әйелдер мерекесінің де осы көктемнің алғашқы айында келуі де содан болар. Осы мерекеге орай М.Х.Дулати атындағы Тараз өңірлік университетінде өткен арулар байқауында осыны байқадық. Қалай десек те, көктемдей құлпырған қыздарға әсемдік жарасатынына талас жоқ.

«Дулати аруы – 2022» байқауында университеттің 11 үміткері бақ сынады .Арулардың сыны мен сымбаты, ақылы мен білімі сынға түскен байқауға университет проректоры Данияр Нұрмұханбет, облыстық жастар саясаты мәселелері жөніндегі басқармасының басшысы Серікбол Берікқожа, облыстық іскер әйелдер қауымдастығының мүшесі Меруерт Мейрамбайқызы, А.Тоқманбетов атындағы облыстық қазақ драма театрының актрисасы Назым Ақылова әділ төрелік жасады.

Асылы, шынайы пейілден асқан сый жоқ. Әсіресе, ол әлемге тыныштық тілеген аналарға арналса... Негізі шын көңілден шыққан ән мен жырдан артық тарту жоқ – оны жүрегі нұрға, көңілі сазға толы қыз-келіншектерге, әйелдер қауымына жеткізгіңіз келсе...

8 наурыз – Халықаралық әйелдер күніне орай М.Х.Дулати атындағы Тараз өңірлік университетінде өткен салтанатты шара ізгіліктің өзі – ізеттен басталатынын сезіндірді. Мерекелік шарада университеттің басқарма төрағасы-ректоры Талғат Ешенқұлов мереке иелерін құттықтап, жылы лебізін жеткізді. Оқыту және тәрбие беруде өз ісіне жауапкершілікпен қарап, маман даярлауға атсалысып жүрген әйелдер қауымының өлшеусіз еңбегін атап өтті. 

Сондай-ақ, ректор еліміздің сан саласында жемісті еңбек етіп жүрген нәзікжандылардың қоғамда ерекше орны бар екенін тілге тиек етті. «Жастарға бағыт-бағдар беріп, білікті маман қып тәрбиелеуге үлес қосып жүрген оқытушыларға қандай құрмет көрсетілсе де, лайық. Бүгінгі салтанатты шара сіздерге арналады», - деді Талғат Ілиясұлы.