Дәріс барысында 14 наурызда Ақмола облысы Бурабай баурайында өткен Ұлттық құрылтайдың IV отырысында көтерілген өзекті қоғамдық мәселелер кеңінен талқыланды. Аслан Еділханұлы құрылтайда елдің әлеуметтік-экономикалық және мәдени дамуы жолындағы жаңа бастамалар мен маңызды шешімдер туралы жан-жақты мәлімет берді.
Студенттер өздерін толғандырған сұрақтарын еркін қойып, тарихшының терең мазмұнды жауаптарынан үлкен әсер алды. Ашық әңгіме түрінде өткен дәріс болашақ мамандардың таным көкжиегін кеңейтіп, тарихи оқиғалар мен қоғамдағы өзекті мәселелерге деген көзқарастарын қалыптастыруға септігін тигізді.
Бұл кездесудің әсері ерекше болды, себебі қатысушылар ұлт болашағына қатысты маңызды тақырыптарда пікір алмасып, елдің дамуындағы өз рөлдерін айқындады. Осындай мазмұнды дәрістердің жиі өтуі студенттердің білім мен таным деңгейін арттыруға зор ықпал етеді.
