Мақсаты: Болашақ бәсекеге қабілетті, жоғары мәдениетті, зайырлы, әлеуметтік белсенді және адамгершілігі жоғары сападағы азаматты – елдің патриоты (отансүйгіш) сынды маманның жеке тұлғасы өрісін дамытуды қамтамасыз ету, қызметкерлер мен білім алушыларды қазақстандық бірегейлік пен бірлікті, «Мәңгілік ел» жалпы ұлттық отансүйгіштік идеясының рухани-адамгершілік құндылықтарын құрметтеп, дәріптеуге тарту.
1 міндет. Университет қызметкерлері мен білім алушылары арасында Қазақстандық отансүйгіштік қасиетін қалыптастыру және дамыту.
2 міндет. Студенттер инициативасына қолғабыс беру және дамуы, студенттерді қоғамдық, мәдени-көпшілік және спорттық-еңбек өміріне тарту.
3 міндет. Қызметкерлер мен білім алушыларды әлеуметтік көмектермен қамту.

ӘЛЕУМЕТТІК ЖӘНЕ ТӘРБИЕ ЖҰМЫСТАРЫ ЖӨНІНДЕГІ БӨЛІМНІҢ НЕГІЗГІ ФУНКЦИЯЛАРЫ:

- Қазақстан Республикасының Білім және Ғылым Министрлігінің нормативті-құқықтық актілері мен өкімдік құжаттарына, халықаралық және республикалық сапа стандарттарына, Университет Жарғысына сәйкес тәрбие жұмыстарын жүзеге асыру;
- жоспарлардың тұжырымдамаларын және т. б., тәрбие үрдісі бойынша құжаттарды әзірлеу, бекіту, олардың орындалуын бақылау;
- факультет декандарының тәрбие жұмыстары жөніндегі орынбасарларының, академиялық топ кураторларының және университеттегі студенттік қоғамдық ұйымдардың тәрбие жұмыстарын ұйымдастыру барысындағы іс-шаралардың орындалуын және есептерін қарау; 
- факультеттердің, университеттегі студенттік қоғамдық ұйымдардың тәрбие жұмыстары бойынша жоспарлар мен есептердің сапасын тексеруді жүзеге асыру, олардың нақты орындалуы; 
- Кураторлар кеңесінің, Университеттегі тәрбие жұмыстары жөніндегі кеңестің, құқық бұзушылықтың және сыбайлас жемқорлықтың алдын алу бойынша кеңестің жұмысын жоспарлау және ұйымдастыру;
- студенттің жеке дамуына қолайлы жағдай жасауға және рухани-адамгершілік жағынан қалыптасуына ықпал ету; 
- университетте тәрбие жұмыстарын ұйымдастырып жетілдіру және салауатты өмір салтын насихаттау.

Әлеуметтік және тәрбие жұмыстары жөніндегі бөлімі келесідей 
12 бағытта үйлестіру жұмыстарын жүргізеді:
1. Ұйымдастыру-әдістемелік жұмыстар;
2. Жастар саясаты;
3. Азаматтық – патриоттық тәрбие; 
4. Әскери – патриоттық тәрбие;
5. Рухани – адамгершілік тәрбие;
6. Құқықтық тәрбие;
7. Студенттердің шығармашылығын дамыту;
8. Дене тәрбиесі;
9. Салауатты өмір салтын қалыптастыру;
10. Кәсіби еңбек тәрбиесі;
11. Кураторлық жұмыс;
12. Студенттік жатақхана жұмысы.