Университет қабырғасында Жаратылыстану ғылымдары факультеті, «Педагогика және әлеуметтік ғылымдар» факультеті және «Дене шынықтыру және алғашқы әскери дайындық» факультеті бірігіп, академиялық адалдықты сақтау мен плагиатпен күрестің маңыздылығын арттыруға бағытталған антиплагиат мәселелеріне бірлескен семинар ұйымдастырылды.

Семинарға ғылыми және оқу жұмыстарындағы түпнұсқалықты тексерудің заманауи әдістері мен құралдарын қолдануға мүдделі қатысушылар қатысты.

Сарапшылар плагиатпен күрестің үздік тәжірибелерімен, оны анықтау жолдарымен бөлісіп, ғылыми зерттеулерде қолданылатын өзекті тәсілдерді талқылады. Семинардың жетекші сарапшылары плагиатты анықтауға арналған заманауи құралдарды таныстырып, жаратылыстану, педагогика, әлеуметтік, дене тәрбиесі және әскери бағыттағы зерттеулердің сапасын арттыруға көмектесетін практикалық ұсыныстарымен бөлісті. Бұл семинар факультеттердің білім беру стандарттарын арттыру мен ғылыми этиканы нығайту жолындағы маңызды қадам болды.

Семинар жоғары деңгейде ұйымдастырылып, техникалық жабдықтар мен интернет байланысы семинардың үздіксіз және сапалы өтуін қамтамасыз етті.