2020 жылдың 23-желтоқсанда Дулати университеті «Мұнай, газ және механика» факультетіне қарасты «Электрэнергетика» кафедрасының аға оқытушысы Ғани Құттыбаев Үсенұлының ұйымдастыруымен 1-курс студенттеріне және топ кураторларына ZOOM платформасы арқылы дін саласында ақпараттық-түсіндіру жұмыстары жүргізілді. Бұл іс-шараға Дінтану орталығының бас маманы, дінтанушы-магистр Б.Қ.Алпысбаев қатысып, қоғамдағы дәстүрлі емес діни ағымдардың ықпалынан сақтану және алдын-алу жолдарына байланысты  ғылыми танымда рухани иммунитетті арттыратын бағыттарды тоқтатпау керек екендігін атап өтті. Рухани дүниетанымы, ой-санасы ұлттық құндылықтардан нәр алып  өз тарихын, мәдениетін білген жас ұрпақ,  өзге радикалдық діни ағымның қатарына кете қоймайды. Соңында сұрақ-жауап ретінде жалғасты.   Барлығы қатысушылар саны – 23.

Жамбыл облысы Төтенше жағдайлар департаменті «Өрт сөндіру және авариялық - құтқару жұмыстары қызметі» мемлекеттік мекемесінің ұйымдастыруымен «Діни экстремизм мен суицидтің алдын-алу жолдары» тақырыбында онлайн форматта іс-шара өтілді. Аталған іс-шараға Дулати университеті Дінтану орталығының бас маманы Б.Қ.Алпысбаев қонақ ретінде шақырылып, мекеме қызметкерлеріне дін саласындағы ақпараттық-түсіндіру жұмыстарын жүргізді. Онлайн форматта барлық қалалық, аудандық өрт-сөндіру бөлімшелері қатысты. Дінтанушы Б.Алпысбаев өз сөзінде: ҚР дін саласындағы мемлекеттік саясатының 2017-2020 жылдарға арналған тұжырымдамасы, ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған бағдарламаның бағыт-бағдарларын жүзеге асыру мақсатында қоғамдағы әсіресе, әскери саласында діни экстремзимнің алдын алу профилактикалық жұмыстарын тоқтатпау керектігін атап өтті.  Іс шара соңында сұрақ-жауап ретінде жалғасын тапты.

«Гуманитарлық-әлеуметтік ғылымдар» факультеті «Филология және журналистика» кафедрасының аға кураторы Айгул Ануарбекованың ұйымдастыруымен 1-курс студенттеріне ZOOM платформасы арқылы дін саласындағы ақпараттық-түсіндіру жұмыстары жүргізілді. Аталған іс-шараға Дінтану орталығының бас маманы, дінтанушы Б.Алпысбаев қатысып, дәстүрлі емес діни ағымдардың қауіп-қатері, олардың қоғамға тигізетін кері әсері және сақтану жолдары туралы ақпараттар айтылды. Сонымен қатар, кураторлар мен студенттер тарапынан қойылған сұрақтарға толықтай ғылыми танымда жауаптар берілді. Жалпы қатысқан студенттер саны -49.

2020 жылы 11-қарашада Ұстаз институты «Филология» мамандығының топ кураторы Алия Түймебекованың ұйымдастырумен 3,4-курс студенттеріне арналған ZOOM платформасы арқылы «Дін-тәрбиенің рухани тірегі» тақырыбында кездесу өтілді. Аталған кездесуге Дінтану орталығының бас маманы, Б.Алпысбаев дінтанушы маман ретінде шақырылып,  еліміздің дін саласындағы мемлекеттік саясатының бағыт-бағдарын жүзеге асыруына байланысты және жат діни ағымдардан сақтану жолдары туралы сұрақ-жауап ретінде өз пікірмен бөлісті. Қатысқан студенттер саны- 18.

2020 жылдың 05-қарашада  Жамбыл облысы әкімдігі білім басқармасы оқу-әдістемелік кабинетінің ұйымдастыруымен «Жалпы орта білім мекемелерінде діни сауаттылықты қалыптастырудың негіздері мен перспективалары» тақырыбында ZOOM платформасы арқылы облыстық дөңгелек үстел өткізді.

2020 жылдың 03-қарашада «Қазақстан Республикасындағы Лаңкестік және экстремизм мәселелерін зерттеу орталығы» қоғамдық қорының ұйымдастыруымен «Дін мәселелері бойынша ақпараттық-түсіндіру топтарының мүшелерін даярлау және қайта даярлау бойынша жұмыстарды ұйымдастыру»  гранты аясында  қазақ және орыс тілдерінде жоғары кәсіби тренерлерді тарта отырып, оқыту курсы жүзеге асырылды. Аталған іс-шараға облыстық дін саласындағы ақпараттық-түсіндіру топ мүшесі ретінде Дулати университеті Дінтану орталығының бас маманы Б.Қ.Алпысбаев қатысып, ақпараттық-түсіндіру жұмыстары мүшелерінің құзыреттілігі мен әлеуетін арттыру және профилактикалық жұмыста инновациялық тәсілдерді қолдану бағыттарымен танысты.