БАӘ-нің Абу-Даби қаласында кикбоксингтен өткен әлем чемпионатына биыл 85 мемлекеттен 2 мыңға жуық спортшы қатысты. Әлемнің үздік спортшыларын жинаған бұл дүбірлі дода тартысқа толы жекпе-жектермен есте қалды.

Жамбыл облысы үшін қуанышты жаңалық — М.Х. Дулати атындағы Тараз университетінің 4-курс студенті, талантты спортшы Мерзиев Муса жоғары деңгейдегі шеберлік көрсетіп, күміс медаль иеленді.

Студентіміздің бұл жетістігі – оның жеке еңбегінің, табандылығының, әрі өңір спортын дамытуға қосқан зор үлесінің айқын көрінісі. Шын жүректен құттықтаймыз!